Exidio Cuíñas

Exidio Cuíñas
	;
Biografía
Nacemento	11 de decembro de 1966 (58 anos); Cambados, España
Actividade
Ocupación	escritor, economista

Xaquín Exidio Cuíñas, nado en Cambados en 1966, é un economista e escritor galego.

Traxectoria

Economista de formación, está vinculado a proxectos empresariais sobre patrimonio marítimo e turismo náutico. Como escritor, leva publicados tres libros Salgadoiro de queixo e mozzarella (2009)^[1], As gotas de mercurio (2021) ^[2]^[3] e Serei os teus ollos en Idomenei (2024).

Foi membro fundador do Clube Mariño Salnés no ano 1998, así como o primeiro presidente. Na actualidade segue ligado a esta asociación como coordinador da escola de vela tradicional. Formou parte da comisión xestora para refundar a Federación Galega pola Cultura Marítima e Fluvial no ano 1999, ocupando posteriormente o cargo de secretario (2000-2003) e presidente (2003 a 2005). Durante o tempo que ocupou a presidencia, inaugurouse a Escola de Navegación Tradicional da ACD Dorna, celebráronse as edicións do Encontro de Embarcacións Tradicionais de Galicia 2003 na Illa de Arousa e no 2005 en Cambados, así como tamén se editou o primeiro número da revista Ardentía de cultura marítima publicada por esta entidade.

Participou en proxectos empresariais de cultura marítima como Intramar, onde dirixiu o proxecto divulgativo escolar Cambados á beira do Mar en colaboración coa Confraría de Pescadores de Cambados e a Consellería do Mar^[4], sendo o director e guionista do documental que leva o mesmo nome. Tamén participou no proxecto Natura 42 SL, relacionado co medio ambiente e o Parque Nacional das Illas Atlánticas.

Obras

Salgadoiro de queixo e mozzarella, Todogrove, 2009.
As gotas de mercurio, Lobisome Producións, 2021.
Serei os teus ollos en Idomeni, Lobisome Producións, 2024.

Notas

↑ "O cambadés Exidio Cuíñas presenta a súa primeira novela". La Voz de Galicia. 31 de decembro de 2009.
↑ "Xaquín Exidio Cuíñas: «O lector vai transportarse no tempo e no espazo»". La Voz de Galicia. 4 de xaneiro de 2022.
↑ "Exidio Cuíñas recorre las guerras del siglo XX en “As gotas de mercurio”". Faro de Vigo. 3 de xaneiro de 2022.
↑ "A Cofraría de Cambados crea un programa de turismo-pesca". La Voz de Galicia. 15 de xullo de 2006.

Véxase tamén

Ligazóns externas

Bou de Vara, blog.

[1] "O cambadés Exidio Cuíñas presenta a súa primeira novela". La Voz de Galicia. 31 de decembro de 2009.

[2] "Xaquín Exidio Cuíñas: «O lector vai transportarse no tempo e no espazo»". La Voz de Galicia. 4 de xaneiro de 2022.

[3] "Exidio Cuíñas recorre las guerras del siglo XX en “As gotas de mercurio”". Faro de Vigo. 3 de xaneiro de 2022.

[4] "A Cofraría de Cambados crea un programa de turismo-pesca". La Voz de Galicia. 15 de xullo de 2006.

[1]

[2]

[3]

[4]