Fátima Hamed Hossain
| Biografía | |
|---|---|
| Nacemento | 23 de febreiro de 1978  (46 anos)Ceuta, España |
Member of the Assembly of Ceuta (en)  | |
| | |
| Datos persoais | |
| Relixión | Islam |
| Educación | Universidad Nacional de Educación a Distancia - Grao de Dereito (1998–2004) |
| Actividade | |
| Ocupación | avogada, política |
| Partido político | Movimiento por la Dignidad y la Ciudadanía |
Fátima Hamed Hossain, nada en Ceuta en 1978, é unha avogada e política española. É deputada da Asemblea de Ceuta desde 2015 polo partido Movimiento por la Dignidad y la Ciudadanía (MDyC). Foi a primeira muller musulmá á fronte dun grupo político con representación en España.[1]
Traxectoria
[editar | editar a fonte]O Movimiento por la Dignidad y la Ciudadanía é un partido político español de ámbito ceutí formado en outubro de 2014 por un grupo de membros escindidos de Coalición Caballas, liderados por Hamed.[2] Nas eleccións ceutíes de 2015 o MDyC obtivo 3.264 votos (11,19 % do total) e tres escanos. Deste xeito, Hamed converteuse na primeira muller musulmá en liderar un grupo político na Asemblea de Ceuta.[3] Nas eleccións ceutíes de 2019, Hamed volveu liderar a candidatura. Desta volta, os resultados empeoraron respecto aos anteriores comicios e perderon un deputado dos tres cos que contaban na lexislatura anterior.
O sábado 13 de novembro de 2021, Fátima Hamed Hossain participou nun acto no Teatro Olympia de Valencia. Nese evento tamén estaban Yolanda Díaz (vicepresidenta segunda do Goberno de España e Ministra de Traballo e Economía Social), Ada Colau (alcaldesa de Barcelona), Mónica Oltra (vicepresidenta primeira e conselleira de Igualdade da Generalitat Valenciana), e Mónica García (voceira de Más Madrid na Asemblea de Madrid).[4]
Notas
[editar | editar a fonte]- ↑ "Fatima Hamed, diputada en Ceuta: "Vox es lo más antipatriota que puede existir"". Público. 2 de xuño de 2021.
- ↑ «Hamed da forma al Movimiento por la Dignidad y la Ciudadanía.» El Faro de Ceuta, 1 de novembro de 2014
- ↑ "Fatima Hamed, la primera musulmana que lidera un grupo parlamentario en Ceuta.". Arquivado dende o orixinal o 03 de agosto de 2015. Consultado o 23 de marzo de 2022.
- ↑ "¿Quién es Fatima Hamed Hossain? La quinta invitada del acto de Díaz, Colau, Oltra y García". El Periódico de Aragón. 5 de novembro de 2021.