Fonteo, Baleira

Fonteo
	Igrexa parroquial
Concello	Baleira
Provincia	Lugo
Coordenadas	43°03′N 7°15′O / 43.05, -7.25
Área	4,22 km²
Poboación	54 hab. (2019)
Densidade	12,8 hab./km²
Entidades de poboación	8
	[ editar datos en Wikidata ]

Santa María de Fonteo é unha parroquia do concello de Baleira. Segundo o IGE en 2013 tiña 64 habitantes.

Xeografía

Ten unha superficie de 4,22 km², e unha altitude media de 600 m. Limita ao norte coa Braña, ao sur con Librán, ao leste con Cubilledo e ao oeste con Montecubeiro (Castroverde). Os seus 64 habitantes están distribuídos en 4 núcleos e 4 lugares. As entidades de poboación son Castiñeiras (13), A Ferraría (15), Fonteo (32) e Río de Castro (4). Os lugares (que xeralmente forman parte dalgunhas das entidades) son O Barreiro, O Pibidal, Valdeirexe e A Veiguiña.

O seu nome deriva do nacemento do río Eo.

Patrimonio

A igrexa parroquial de Santa María de Fonteo é de tipo rural e pequenas dimensións, con muros de cachotería e cantería de granito e lousa, e cuberta de lousa a dúas e catro augas. O presbiterio e a nave están comunicados por medio dun arco triunfal de medio punto. O frontis culmina cunha espadana dun só van. No interior consérvase un só retablo na capela maior, de estilo barroco popular.

Lugares e parroquias

Lugares de Fonteo

Lugares da parroquia de Fonteo no concello de Baleira (Lugo)
O Barreiro \| Castiñeiras \| A Ferraría \| Fonteo \| O Pibidal \| Río de Castro \| Valdeirexe \| A Veiguiña

Galería de imaxes

Letreiro
Área de recreo nacemento do río Eo
Forno e centro de interpretación

Notas

↑ ^1,0 ^1,1 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.

Parroquias de Baleira

Galicia \| Provincia de Lugo \| Parroquias de Baleira
A Braña (San Miguel) \| Córneas (Santiago) \| Cubilledo (Santiago) \| A Degolada (San Lourenzo) \| A Esperela (San Pedro) \| A Fontaneira (Santiago) \| Fonteo (Santa María) \| A Lastra (San Xoán) \| Librán (Santa Mariña) \| Martín (Santiago) \| Pousada (San Lourenzo) \| Retizós (Santa María Madanela)

Véxase tamén

Outros artigos

Lugares de Baleira

[nomenclátor-1] 1,0 ^1,1 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.

[1]