Gallego Otero
| Biografía | |
|---|---|
| Nacemento | 4 de xuño de 1926  Cumanayagua, Cuba (pt)  |
| Morte | 27 de marzo de 2012 (85 anos) Cumanayagua, Cuba (pt) |
| Actividade | |
| Ocupación | científico |
Enrique Fernández Otero, coñecido como Gallego Otero, nado en La Sierrita (Cumanayagua, Cienfuegos) o 4 de xuño de 1926 e finado no mesmo lugar o 27 de marzo de 2012, foi un científico cubano de orixe galega. Combatente na Revolución Cubana, foi fundador dun museo botánico dedicado ás plantas medicinais que leva o seu nome.
Traxectoria
[editar | editar a fonte]Naceu en La Sierrita, no municipio de Cumanayagua, da provincia cubana de Cienfuegos, sendo fillo de dous inmigrantes galegos da provincia de Lugo, os agricultores Jesús Otero Veiga e Elena Fernández Bullán.[1] Aos cinco anos, seu pai suicidouse cun disparo de escopeta e a familia viviu unha época de diferentes penurias.[2] Viviu nunha cova e traballou dende os 10 anos en diferentes actividades vencelladas á agricultura e á gandaría.[3]
En 1958 uniuse á ao Movemento 26 de Xullo liderado por Fidel Castro e ingresou como soldado nas patrullas campesiñas da serra de Escambray. Tomou parte na fundación de varias institucións creadas pola Revolución Cubana como as Milicias Nacionais Revolucionarias ou os Comités de Defensa da Revolución e participou no primeiro Congreso do Partido Comunista de Cuba en 1975.
Amplo coñecedor da flora da illa, traballou durante décadas no cultivo de plantas medicinais e en 1984 o propio Fidel Castro encomendoulle a creación dun espazo para o fomento destas plantas, creándose así a "Finca agroecolóxica e agrobiolóxica de plantas medicinais", preto do seu lugar natal.[4] Traballou durante cinco anos co doutor Rodolfo Arencibia Figueroa e desa labor conxunta naceu a idea da creación dun museo, o hoxe chamado "Museo de Plantas Medicinales Gallego Otero".[5][6]
Notas
[editar | editar a fonte]- ↑ "El Gallego Otero, un científico popular cubano" (en castelán). 4 de xuño de 2024. Consultado o 27 de marzo de 2025.
- ↑ "DEUDA CON EL GALLEGO OTERO" (en castelán). 16 de xuño de 2008. Consultado o 27 de marzo de 2025.
- ↑ "El Gallego Otero, un científico popular cubano" (en castelán). 4 de xuño de 2024. Consultado o 27 de marzo de 2025.
- ↑ "Las raíces del “Gallego Otero” quedaron en su finca" (en castelán). 9 de xullo de 2020. Consultado o 27 de marzo de 2025.
- ↑ "Gallego Otero, presente siempre (+Video)" (en castelán). 7 de xuño de 2020. Consultado o 27 de marzo de 2025.
- ↑ "Museo de Plantas Medicinales Gallego Otero". EcuRed (en castelán). Consultado o 27 de marzo de 2025.