Garza imperial

Garza imperial.

Pouco preocupante

Reino:	Animalia
Filo:	Chordata
Clase:	Aves
Orde:	Pelecaniformes
Familia:	Ardeidae
Xénero:	Ardea
Especie:	A. purpurea

Nome binomial

'Ardea purpurea'
(Linnaeus, 1766)

Área de distribución da garza imperial. Amarelo: nidifica; verde: todo o ano; azul: non nidifica.

Subespecies

Ardea purpurea purpurea
Ardea purpurea bournei
Ardea purpurea madagascariensis
Ardea purpurea manilensis

A garza imperial ou garza vermella (Ardea purpurea) é unha ave da familia das garzas (Ardeidae). É nativa de África, Europa meridional e central e Asia. As poboacións europeas son migratorias e hibernan en África. As poboacións do norte de Asia tamén migran cara terras máis meridionais.

Taxonomía

Segundo os autores, hai de tres a catro subespecies:

Ardea purpurea purpurea Linnaeus, 1766. Nativa en África, Europa e Asia.
Ardea purpurea bournei (de Naurois, 1966), Garza de Bourne. Nativa de Cabo Verde (para algúns autores inclúese dentro da subespecie purpurea, pero para outros trátase dunha especie distinta coñecida como Ardea bournei).
Ardea purpurea madagascariensis Oort, 1910. Nativa de Madagascar.
Ardea purpurea manilensis Meyen, 1834. Nativa de Asia dende Paquistán ata Filipinas e Indonesia. Tamén se pode atopar en Rusia.