Georg Alexander Pick

Georg Alexander Pick
	;
Biografía
Nacemento	10 de agosto de 1859 ; Viena, Austria
Morte	26 de xullo de 1942 (82 anos); Theresienstadt, República Checa (pt)
Residencia	Praha II (en)
Educación	Universidade de Viena
Tese académica	Über eine Klasse Abel'scher Integrale (en) (1881 )
Director de tese	Leo Königsberger (pt)
Actividade
Campo de traballo	Matemáticas
Ocupación	matemático, pedagogo, profesor universitario
Empregador	Universidade Carolina de Praga (1881–1927)
Membro de	Leopoldina
Obra
	Obras destacables Teorema de Pick; matriz de Pick (pt) ; teorema de Schwarz–Ahlfors–Pick (pt) ;
Doutorando	Paul Kuhn (en) , Charles Loewner (pt) , Saly Ruth Ramler (pt) , Josef Grünwald (en) , Walter Fröhlich (en) e Paul Kuhn (en)
Cronoloxía
13 de xullo de 1942-13 de xullo de 1942	Q104055235

Georg Alexander Pick nado en Viena o 10 de agosto de 1859 e finado o 26 de xullo de 1942 foi un matemático de orixe xudía.^[1] Morreu durante a segunda guerra mundial no campo de concentración de Theresienstadt, onde fora internado tras a invasión alemá.

É coñecido polo Teorema de Pick, unha elegante fórmula matemática que permite determinar a área de polígonos cuxos vértices están nos puntos dunha cuadrícula regular. Publicado nun artigo en 1899, popularizouse cando Hugo Steinhaus o incluíu na edición de 1969 de Mathematical Snapshots.

Traxectoria

Pick naceu no seo dunha familia xudía, fillo de Josefa Schleisinger e Adolf Josef Pick, quen dirixía un instituto privado. Até que fixo once anos, Georg foi educado no fogar.^[2] Estudou na Universidade de Viena e defendeu a súa tese doutoral en 1880 baixo a dirección de Leo Königsberger e de Emil Weyr. Despois de obter o seu doutoramento, foi nomeado asistente de Ernst Mach na Universidade Carolina de Praga, onde se converteu en docente en 1881. Despediuse da universidade en 1884, pasando a traballar con Felix Klein na Universidade de Leipzig. Salvo ese ano, permaneceu en Praga até o seu retiro en 1927, cando regresou a Viena.

Pick encabezou o comité na (entón) Universidade Carolina, que designou a Albert Einstein presidente de física matemática en 1911. Mostrou a Einstein o traballo dos matemáticos italianos Gregorio Ricci-Curbastro e Tullio Levi-Civita no campo do cálculo diferencial absoluto, que máis tarde en 1915 o axudou a formular con éxito a relatividade xeral.^[2] Pick, que tamén era violinista e tocaba nun cuarteto de corda de profesores universitarios, mantivo con Einstein unha relación de amizade e introduciuno nos círculos musicais de Viena.^[3]

Charles Loewner foi un dos seus alumnos en Praga. Tamén dirixiu as teses doutorais de Josef Grünwald, Walter Fröhlich e Saly Struik. Despois de retirarse en 1927, regresou a Viena, a cidade onde naceu. Tras o Anschluss, cando os nazis marcharon sobre Austria o 12 de marzo de 1938, Pick regresou a Praga. Foi expulsado da Academia Checa de Ciencias e Artes tras o pacto de Múnic que levou á ocupación alemá de Checoslovaquia en 1939. Enviado ao campo de concentración de Theresienstadt o 13 de xullo de 1942, morreu alí dúas semanas despois.^[2]

Notas

↑ http://www-history.mcs.st-and.ac.uk/Biographies/Pick.html
↑ ^2,0 ^2,1 ^2,2 J J O'Connor and E F Robertson. "Georg Alexander Pick". MacTutor History of Mathematics (en inglés). Arquivado dende o orixinal o 14 de xullo de 2012. Consultado o 29 de marzo de 2018.
↑ "Georg A. Pick". Educação matemática de qualidade. Consultado o 12-1-2022.

Véxase tamén

Outros artigos

[1] ttp://www-history.mcs.st-and.ac.uk/Biographies/Pick.html

[MAC-2] 2,0 ^2,1 ^2,2 J J O'Connor and E F Robertson. "Georg Alexander Pick". MacTutor History of Mathematics (en inglés). Arquivado dende o orixinal o 14 de xullo de 2012. Consultado o 29 de marzo de 2018.

[3] "Georg A. Pick". Educação matemática de qualidade. Consultado o 12-1-2022.

[1]

[2]

[3]