Giorgio Gallaro

Giorgio Gallaro
	; (2019)
Biografía
Nacemento	16 de xaneiro de 1948 (76 anos); Pozzallo, Italia (pt)
Administrador apostólico
	25 de febreiro de 2020 – 19 de febreiro de 2023 ; Diocese: Eparquia de Piana degli Albanesi (pt)
Arcebispo titular
	25 de febreiro de 2020 – ; ← Carlos Briseño Arch (en) ; Diocese: Trecalae (en)
Eparch of Piana degli Albanesi (en)
	31 de marzo de 2015 – 25 de febreiro de 2020 ; ← Sotìr Ferrara ; Diocese: Eparquia de Piana degli Albanesi (pt)
Datos persoais
Residencia	Piana degli Albanesi (pt)
Grupo étnico	Pobo arbëreshë
Relixión	Igrexa católica, Igrexa católica italo-albanesa, Igrexa católica greco-melquita e Igrexa católica latina
Educación	Pontificia Universidade de San Tomé de Aquino ; Pontificio Instituto Oriental
Actividade
Ocupación	bispo católico (2015–), sacerdote católico (1972–), diácono (1971–)
Consagración	Donato Oliverio

Giorgio Demetrio Gallaro, nado o 16 de xaneiro de 1948 en Pozzallo (Italia), é un eclesiástico greco-católico italiano, bispo de Piana degli Albanesi dende o 31 de marzo de 2015.

Traxectoria

Naceu en Pozzallo (Sicilia) o 16 de xaneiro de 1948.^[1] Rematou os estudos de Filosofía no seminario diocesano de Noto en 1968, e os de Teoloxía no seminario de San Xoán en Camarillo (California).^[1] Foi ordenado diácono en 1971, e o 27 de maio de 1972 foi ordenado sacerdote da arquidiocese dos Ánxeles, onde serviu como vigairo parroquial e catequista.^[1]

En 1980 licenciouse en Teoloxía litúrxica polo Pontificio Instituto Litúrxico, e en 1981 doutorouse en Dereito canónico oriental polo Pontificio Instituto Oriental.^[1]

En setembro de 1987 incardinouse na eparquía greco-melquita de Newton, logo de exercer o seu ministerio na mesma dende 1982, traballando no tribunal matrimonial, como profesor do seminario, como secretario do arcebispo e como vigairo xudicial.^[1] Entre 1983 e 1990 foi tamén sacerdote visitante na comunidade grecocatólica ucraína de Manchester.^[1]

En 1994 licenciouse en Teoloxía ecuménica pola Pontificia Universidade de San Tomé de Aquino, e posteriormente foi profesor no Seminario Católico Bizantino dos Santos Cirilo e Metodio en Pittsburgh. Compaxinou isto co seu ministerio na arquieparquía de Pittsburgh como vigairo xudicial. Foi tamén consultor da Congregación para as Igrexas Orientais.^[1]

O 31 de marzo de 2015 o papa Francisco nomeouno bispo de Piana degli Albanesi.^[1] Recibiu a consagración episcopal o 28 de xuño na Divina Liturxia celebrada na catedral de San Demetrio Megalomártir, de mans do bispo de Lungro Donato Oliverio, e tendo como co-consagradores ao bispo de Newton Nicholas Samra e ao exarca de Grecia Dimitrios Salachas.^[1]

Obra

Giorgio Gallaro ten escrito varios libros e numerosos artigos relacionados coas igrexas católicas orientais. Foi tamén autor de moitos artigos en SOPHIA, a publicación da eparquía de Newton, baixo diferentes pseudónimos.^[1] Ademais de inglés e italiano, fala francés, castelán, latín e grego, e ten coñecementos de albanés, portugués e árabe.^[1]

Artigos

Gallaro, George; Salachas, Dimitri (2010). "The Ritus Sacer and the Sacrament of Marriage in the Byzantine Churches". The Jurist: Studies in Church Law and Ministry (en inglés) (Catholic University of America) (70). ISSN 0022-6858.
Giorgio D., Gallaro (2010). "Revisiting the saintly founder of Grottaferrata: Nilus the Calabrian". Nicolaus. Rivista di teologia ecumenico-patristica 37 (2): 293–300.
Giorgio D., Gallaro (2011). "A Calabrian in the footsteps of the Desert Fathers: Saint Francis of Paola". Nicolaus. Rivista di teologia ecumenico-patristica 38: 219–223.
Gallaro, George Dmitry; Vasiľ, Cyril (2013). "Remarriage in the Orthodox Church Challenges Catholic Church". Studia Canonica (en inglés) 47 (1): 119–143. ISSN 0039-310X. doi:10.2143/STC.47.1.2990738.
Gallaro, George Dmitry (2014). "Christian oikonomìa Revisited". Studia Canonica (en inglés) 48 (1): 151–169. ISSN 0039-310X. doi:10.2143/STC.48.1.3047115.
Gallaro, George; Lorusso, Lorenzo (2016). "Divorced and Remarried in the Eastern Orthodox Churches". Studia Canonica (en inglés) 50 (2): 485–502. ISSN 0039-310X. doi:10.2143/STC.50.2.3183450.

Notas

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 "Fr George Gallaro Becomes Bishop of Piana degli Albanesi in Sicily" (PDF). Sophia, The Journal of the Eparchy of Newton (en inglés) (Eparchy of Newton). Vol. 45 (3): 12. 2015. ISSN 0194-7958. Arquivado dende o orixinal (PDF) o 30 de maio de 2020. Consultado o 30 de maio de 2017.

Dignidades da Igrexa católica
Predecesor: Sotìr Ferrara	Bispo de Piana degli Albanese 2015 - actualidade	Sucesor: (no cargo)

[Sophia-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 "Fr George Gallaro Becomes Bishop of Piana degli Albanesi in Sicily" (PDF). Sophia, The Journal of the Eparchy of Newton (en inglés) (Eparchy of Newton). Vol. 45 (3): 12. 2015. ISSN 0194-7958. Arquivado dende o orixinal (PDF) o 30 de maio de 2020. Consultado o 30 de maio de 2017.

[1]