Giovanni Anselmo

Giovanni Anselmo

Biografía
Nacemento	5 de agosto de 1934 Borgofranco d'Ivrea, Italia (pt)
Morte	18 de decembro de 2023 (89 anos) Turín, Italia
Actividade
Ocupación	escultor, debuxante, fotógrafo, artista conceptual, ilustrador, artista visual
Período de actividade	(Con vida en: 1970 )
Movemento	Arte povera
Representante	Galerie Micheline Szwajcer (en) , Konrad Fischer Galerie (en) e Marian Goodman Gallery (en)
Participou en
19 de xuño de 1982	Documenta 7 (pt)
30 de xuño de 1972	Documenta 5 (pt)
Descrito pola fonte	Allgemeines Künstlerlexikon (pt) , (p.vol. 4 (1992), p. 205-206)

Ceo condensado (1987). Münster, Alemaña

Giovanni Anselmo, nado en Borgofranco d'Ivrea o 5 de agosto de 1934 e finado o 18 de decembro de 2023, foi un escultor italiano e un os principais representantes da arte Povera, que consiste en achegarse á natureza da materia orgánica e inorgánica.

Traxectoria

O espazo tempo no que o espectador se introduce e participa ante a obra de Anselmo non é a metáfora da sensibilidade senón a existencia real desta sensibilidade e da súa produción. A obra de Giovanni a fin de explicar as mutacións da existencia e da historia fundaméntase nesa noción da realidade na que se sitúa o home e a súa inestabilidade no medio, nas mutacións, nas perturbacións dos materiais, da enerxía e das forzas contrarias como a gravidade. De modo que rompe co concepto de representación formal a través das mutacións temporais, que son metáfora do tempo imaxinado, pasado, presente e futuro. As obras de Anselmo xorden sempre dunha relación consigo mesmo, das súas experiencias persoais e individuais, suxerindo o modo no que el se sitúa na terra. Este artista utiliza os materiais de acordo coas súas características específicas. Así utilizou o ferro como metáfora temporal porque se oxida e desaparece, e tamén do azucre, a graxa, o pan, a auga ou a leituga. Mentres que a pedra, aparece polo seu peso, por ter a mesma orixe que o home, pola súa evolución, suxerindo así unha tensión tempo-espazo. En Senza titolo de 1968 composta por leituga, granito, serraduras e cobre; a leituga cando se deshidrata co paso do tempo diminúe o volume e co paso do tempo tenda a caer nas serraduras.

Obra (escolma)

• Infinito (1971)
• Specchio (1968)
• Torsione (1968)
• L'Aurea della Pittura (1996)

Véxase tamén

Bibliografía

• Moure, G; Anselmo, G.; Cora, B.: Giovanni Anselmo. Polígrafa, 1995

Ligazóns externas

• Fernández Campón, M.: Sobre la espera. Un itinerario (en castelán).
• Giovanni Anselmo: Materia y monocromo Arquivado 06 de xuño de 2014 en Wayback Machine. (en castelán).