Giulio Bernardi
| Biografía | |
|---|---|
| Nacemento | 1937 |
| País de nacionalidade |  Italiana. |
| Q89547790 | Estudos de moeda oriental. |
| Actividade | |
| Campo de traballo | Numismática. |
| Ocupación | numismático  |
| Premios | |
| 2012: Premio Samir Shamma, da RNS. | |
Giulio Bernardi, nado en Trieste en 1937, é un numismático italiano especializado na moeda do mundo islámico e oriental.
Traxectoria
[editar | editar a fonte]Giulio Bernardi naceu en 1937 e cursou estudos de Economía na Universidade de Trieste, a súa cidade natal.[1]
Foi coleccionista de moedas desde a súa xuventude e cultivou os estudos numismáticos de xeito autónomo ao longo da súa vida. Do mesmo xeito, abordou o comercio numismático coa creación, en 1963, da compañía Numismatica Bernardi, na que contou como socio con Giovanni Paoletti.[1]
A partir da década de 1970, tanto o seu ámbito de coleccionismo como os seus estudos centráronse primeiro na moeda do Patriarcado de Aquileia e logo na moeda medieval de Trieste, e as súas monografías sobre estes temas considéranse como referencias para estas emisións.[1][2]
Xa na década de 1980 comezou a fixar o seu interese na moeda do mundo islámico das primeiras épocas, o que o levou renunir unha salientable colección de dinares omeias e abbásidas, e tamén a publicar unha das súas grandes obras, dedicada ás emisións islámicas do período abranguido entre a reforma de Abd al-Malik ibn Marwan (696-697 d. C.) e a deposición do califa abbásida Al-Mustakfi en 946 d.C. Esta obra, publicada co título de Arabic gold coins, Corpus I, fíxoo merecedor dun recoñecemento por parte da Royal Numismatic Society, de Londres.[3][4][5]
No ámbito asociativo, Bernardi funcou o Circolo Numismatico Triestino ("Círculo Numismático de Trieste), foi delegado en Italia da Asociación Internacional de Numismáticos Profesionais e fundou en 1993 a Asociación de Numismáticos Profesionais Italianos, que presidiu ata 2010.[6]
Recoñecementos
[editar | editar a fonte]- (2012): Premio Samir Shamma, da Royal Numismatic Society, de Londres.[5][7]
Publicacións
[editar | editar a fonte]Ademais dun bo número de artigos publicados en diversas revistas numismáticas, Giulio Bernardi foi autor de varios traballos monográficos, entre os que cabe salientar os seuintes:[8][9][10]
- (1987). Bibliografía numismatica. G. Bernardi, Trieste. ISBN 9788885873087
- (1974). Monetazione del Patriarcato di Aquileia. Edizione Università di Trieste (EUT), Trieste. [Reimpresión en 2014, ISBN 978-88-8303-595-1]
- (1995). Il Duecento a Trieste: le monete. G. Bernardi, Trieste. ISBN 9788885873049
- (2012). Arabic gold coins, Corpus I. Edizione Università di Trieste (EUT), Trieste. ISBN 9788883033711
Notas
[editar | editar a fonte]- ↑ 1,0 1,1 1,2 Calegher, B. (2015). "Per Giulio Bernardi Arquivado 05 de xullo de 2022 en Wayback Machine.". Páxina IX.
- ↑ Véxase (1974) e (1995) en "Publicacións".
- ↑ Calegher, B. (2015). "Per Giulio Bernardi Arquivado 05 de xullo de 2022 en Wayback Machine.". Páxinas IX-X.
- ↑ Véxase (2012) en "Publicacións".
- ↑ 5,0 5,1 "The Samir Shamma Prize for Islamic Numismatics". The Royal Numismatic Society.
- ↑ Calegher, B. (2015). "Per Giulio Bernardi Arquivado 05 de xullo de 2022 en Wayback Machine.". Páxina X.
- ↑ "Giulio Bernardi receives Samir Shamma Award". En Coins Weekly, 25 de xullo de 2021.
- ↑ "Bernardi, Giulio Arquivado 05 de xullo de 2022 en Wayback Machine.". Digital Library Numis.
- ↑ "Bernardi, Giulio Arquivado 05 de xullo de 2022 en Wayback Machine.". WorldCat Identities.
- ↑ Calegher, B. (2015). "Per Giulio Bernardi Arquivado 05 de xullo de 2022 en Wayback Machine.". Páxinas XI-XIII.
Véxase tamén
[editar | editar a fonte]Bibliografía
[editar | editar a fonte]- Calegher, B. (2015). "Per Giulio Bernardi Arquivado 05 de xullo de 2022 en Wayback Machine.". En Callegher, B.; D'Ottone, A. (eds.). The 4th Simone Assemani symposium on Islamic coins. Edizione Università di Trieste (EUT), Trieste. Páxinas IX-XIII.
