Godz

Godz
Orixe	Nova York, Estados Unidos
Período	1966 - 1973; 2007 - actualidade
Xénero(s)	rock experimental, garage rock, rock psicodélico
Selo(s) discográfico(s)	ESP-Disk
Membros	Jim McCarthy; Paul Thornton; Jay Dillon; Larry Kessler
Na rede
	http://www.originalgodz.com/

The Godz foi unha banda estadounidense de garage rock procedente de Nova York activa de 1966 ata 1973. A súa música vai dende o primeiro noise rock ata o rock de vengarda e o rock psicodélico.

Traxectoria

The Godz comezou a súa carreira en 1966 no selo ESP-Disk. A súa primeira gravación, Contact High With The Godz, producida polo selo a finais de 1966, foi un intento de superar as limitacións e as normas aceptadas da música da época. En 1967 produciron a súa segunda gravación, Godz 2, aínda máis audaz e cuns ambientes sonoros máis experimentais, e que segundo a meirande parte da xente e a súa mellor obra. No seu terceiro traballo, The Third Testament, aparecido en 1968, o cuarteto converteuse nun trío e en 1973 gravaron o seu cuarto e derradeiro traballo, Godzundheit. Ese mesmo ano separáronse.

Jay Dillon morreu anos máis tarde e a principios do 2007 os membros suporvivintes, Jim McCarthy, Larry Kessler e Paul Thornton, reuníronse para realizar novas gravacións.

Discografía

Álbum	Ano	Selo
Contact High With The Godz	1966	ESP-Disk
Godz 2	1967	ESP-Disk
The Third Testament	1968	ESP-Disk
Godzundheit	1973	ESP-Disk
Gift from the Godz	2014	Manta Ray

Véxase tamén

Ligazóns externas