Griegos

Griegos

Localización
40°25′46″N 1°42′43″O
Estado	España
Comunidade autónoma	Aragón
Provincia	Provincia de Teruel
Capital	Griegos
Contén a división administrativa	Griegos
Poboación
Poboación	140 (2023) (4,45 hab./km²)
Xeografía
Parte de	comunidade de Albarracín
Superficie	31,47 km²
Altitude	1.601 m
Comparte fronteira con	Albarracín
Identificador descritivo
Código postal	44114
Código INE	44119
Sitio web	come.to…

Griegos é unha localidade e municipio de España, na provincia de Teruel, Comunidade Autónoma de Aragón, da comarca Sierra de Albarracín. Ten unha área de 31,47 km² cunha poboación de 160 habitantes (INE 2016) e unha densidade de 5,08 hab/km².

Xeografía

Situado aos pés da Muela de San Juan, Griegos é un pequeno pobo da Serra de Albarracín, situado nos Montes Universais. Situado nunha paraxe natural, de singular beleza, ofrece ao visitante unha gran variedade de posibilidades. As súas xentes, os seus costumes, a súa gastronomía... aínda conservan a rusticidade de outrora.

É o segundo pobo con maior altitude de España atopándose, dependendo das fontes, a unha altitude de 1.601, 1.602 ou de 1.604 msnm, anexo á Muela de San Juan. En 2008, foi denominado como o pobo máis frío de toda España.

Historia

Os restos de poboamento máis antigos son da transición entre a I Idade de Bronce e a época ibérica. Destacan 3 xacementos: El Cuarto, El Cabecico de los Moros y El Castillejo. En 1930, Martín Almagro descubriu unha necrópole celtibérica na escavación de El Castillejo na que apareceron 14 tumbas datadas arredor do 300 a.C.

O 21 de xuño de 1257, por privilexio do rei Xaime I dado en Teruel, este lugar pasa a formar parte de Sesma de Villar del Cobo na Comuidade de Santa María de Albarracín, que dependían directamente do rei. Este réxime administrativo perdurou pois foi a única comunidade que continuou existindo trala aplicación do Decreto de Disolución das mesmas, en 1837. Hoxe ten a súa sede en Tramacastilla.

Clima

O clima de Griegos é mediterráneo continentalizado. A altitude é o factor principal que provoca que en Griegos se dean temperaturas tan baixas, cunha temperatura media anual de tan só 7,5 °C. Posúe invernos extremadamente fríos e longos, e veráns frescos e curtos, podéndose unicamente superar os 30 graos entre xuño e agosto. No inverno as temperaturas poden baixar dos -15 graos. En pleno verán os termómetros poden mesmo chegar a rexistrar temperaturas por baixo dos 0 graos nalgunhas ocasións.

Respecto das precipitacións, caracterízase por ser unha zona relativamente húmida, sendo o inverno a estación máis chuviosa e destacando unha seca estival nos meses de xullo e agosto. As precipitacións destacadas son as provinientes das frontes Atlánticas, que aínda que levan un longo traxecto percorrido e perderon gran capacidade, deixan precipitacións elevadas. As precipitacións apenas son debidas a centros que actúan no Mediterráneo, xa que son as Serras de Gúdar e Javalambre as que interferen no avance das choivas.

Parámetros climáticos medios de Griegos no período 1961-2003
Mes	Xan	Feb	Mar	Abr	Mai	Xuñ	Xul	Ago	Set	Out	Nov	Dec	Anual
Temperatura máxima media (en °C)	3,8	5,5	8,4	10,9	14,7	20,3	24,5	24	19,9	13,4	8,2	5	13,2
Temperatura media (en °C)	-0,4	0,6	3,1	5,5	9,2	14,1	17,7	17,4	13,8	8,1	3,4	0,7	7,8
Temperatura mínima media (en °C)	-4,6	-4,3	-2,2	0	3,6	7,9	10,9	10,7	7,7	2,8	-1,4	-3,6	2,3
Precipitación total (mm)	41	43	60	60	84	69	35	39	54	54	50	52	641
Fonte: Ministerio de Agricultura, Alimentación e Medio Ambiente. Datos de precipitación para o período 1961-2003 e de temperatura para o período 1961-2003 en Griegos (9098).

Demografía

Táboa da evolución demográfica de Griegos entre 1877 e 2016
Ano	1877	1887	1897	1900	1910	1920	1930	1940	1950	1960	1970	1981	1991	2001	2011	2016
Poboación	387	427	422	415	429	481	455	294	396	344	238	180	142	136	140	160
(Fonte: INE)

Política local

Últimos alcaldes de Griegos

Período	Alcalde	Partido
1979-1983	Miguel Martínez Martínez	PSOE
1983-1987	Manuel Chavarrías González	PAR
1987-1991	Manuel Chavarrías González	PAR
1991-1995	José Luís Chavarrías Sorando	PSOE
1995-1999	Miguel Martínez Martínez	PSOE
1999-2003	Begoña Lahoz Lapuente	PP
2003-2007	Miguel Martínez Martínez	PSOE
2007-2011	Juan Manuel Lapuente Belinchón	PP
2011-2015	José Luís Chavarrías Sorando	PSOE
2015-2019	Juan Manuel Lapuente Belinchón	C's

Resultados electorais

Eleccións municipais
Partido	2003	2007	2011	2015
C's	-	-	-	2
PSOE	1	1	4	1
PAR	2	-	-	1
CHA	-	-	-	1
PP	2	4	1	-
Total	5	5	5	5

Flora e fauna

A paraxe natural é a riqueza principal de Griegos, rodeado de frondosos bosques, extensos campos de cereais, devesas de pasto do gando, modelaxe cárstica, innumerables fontes de auga fresca e cristalina,

A fauna é abundante e emerxente, destacándose a abundancia de bolboretas e as especies cinexéticas; Griegos atópase na Reserva Nacional de Caza dos Montes Universais.

O frío limita en gran medida a riqueza florística na zona. Unha riqueza importante en Griegos e na serranía son os fungos e cogomelos, abundantes no outono, que todos se afanan por colleitar.

Patrimonio

Do patrimonio histórico da vila salientan tres construcións, a igrexa de San Pedro, a ermida de San Roque e o Pairón de San Antonio Abad.

Entre os restos celtiberos situados en Griegos atópanse a necrópole de "O Cuarto", o torreón "O Castillejo" e o hábitat de "A Chea de Terra".

Próximos á poboación consérvanse centos de metros de trincheiras da guerra civil española, así como majadas e parideiras antigas onde se gorecía noutros tempos o gando, e tamén construcións para a produción do cal, as chamadas "caleras", etc.

Ademais do patrimonio histórico, o turismo é atraído pola inauguración dunhas pistas de esquí de fondo, xunto cos carreiros de PR e GR que hai pola zona, ademais da oferta hostaleira: hostal, casas de alugueiro, casas de turismo rural, apartamentos, etc.. En cuestión de turismo, Gregos benefíciase da descentralización do turismo da serra —moi estancado na poboación de Albarracín— e ofrece alternativas atractivas ao visitante: sendeirismo, esquí de fondo, raquetas de neve, mountain bike ou simplemente descanso de fin de semana da tensión urbana.

Vista da Serra de Albarracín dende o miradoiro da Muela de San Juan. No fondo, a localidade de Griegos.

Servizos

Griegos a pesar de ser un municipio pequeno ten varios negocios e diferentes servizos. Giregos conta cunha panadaría, que ademais se fai cargo da repartición de pan nas localidades próximas; tamén conta cun Hostal, unha casa rural "Casa Aldea", así como un bar-restaurante "La Muela de San Juan" e ademais existe un Museo etnográfico sobre insectos chamada a "Casa das Bolboretas".

Ademais conta cos servizos públicos de consultorio médico e colexio público. A pesar das dificultades que existen nos núcleos rurais para manter as escolas públicas, Griegos conseguiu mantela aínda que sexa con apenas 6 alumnos. Nos últimos cursos está a aumentar o número de escolares grazas a iniciativas municipais.

Véxase tamén

Ligazóns externas

• Centro de Estudos da Comunidade de Albarracín (CECAL)