Guerras mitridáticas

Guerras mitridáticas
Tipo guerra Data 88 a. C.  –  63 a. C. Localización Anatolia
Primeira Guerra Mitridática (pt) , Segunda Guerra Mitridática (pt) e Terceira Guerra Mitridática

As guerras mitridáticas foron tres enfrontamentos militares entre a República romana e o Ponto no século -I. Denomínanse así por Mitrídates VI, quen foi rei do Ponto naquela época e un famoso inimigo de Roma.

• A Primeira guerra mitridática tivo lugar entre os anos -88 e -84. As lexións romanas estiveron baixo o mando de Lucio Cornelio Sila. As batallas máis importantes incluíron a de Queronea (-86) e a de Orcómenos en -86. A guerra concluíu coa vitoria de Roma e a sinatura do tratado de Dárdanos.

• A Segunda guerra mitridática tivo lugar entre os anos -83 e -81. Os exércitos romanos foron comandados por Lucio Licinio Murena. A guerra chegou ó seu fin de maneira sen que houbese un vencedor claro tras a derrota romana e a retirada por orde de Sila.

• A Terceira guerra mitridática tivo lugar entre os anos -75 e -63. O exército de Roma foi dirixido en primeiro lugar por Lucio Licinio Lúculo (de -75 a -66) e posteriormente por Cneo Pompeio Magno (de -66 a -63). A guerra rematou coa derrota e posterior suicidio de Mitrídates VI en -63.

A forza do reino do Ponto foi destruída e Roma afirmou o seu poder sobre Anatolia.