Hüseyin Aygün
| Biografía | |
|---|---|
| Nacemento | 20 de outubro de 1970  (54 anos)Tunceli, Turquía (pt)  |
.svg){kind=small} Deputado da Grande Asemblea Nacional de Turquía | |
| | |
| Datos persoais | |
| Educación | Ankara University Law School (en) |
| Actividade | |
| Ocupación | político, avogado |
| Partido político | Partido Republicano Popular |
Hüseyin Aygün, nado en Tunceli o 20 de outubro de 1970, é un escritor, avogado e político turco da minoría zaza aleví. Foi representante da provincia de Tunceli no parlamento entre 2011 e 2015 polo CHP.
Traxectoria
[editar | editar a fonte]Ihsaniye Aygün traballou como avogado na súa cidade natal, despois de se formar na Facultade de Dereito da Universidade de Ancara. Escribiu varios libros, principalmente sobre o masacre de Dersim contra os zaza alevís. Dersim 1938 ve Zorlu İskan (2009) , 0.0.1938 Resmiyet ve Hakikat (2010), Dersim 1938 ve Hacı Hıdır Ataç’ın Defteri (2012), Fişlemenin Kısa Tarihi (2014). Mais tamén é autor dun libro en zazaki, Eve tarixe ho teri Amaene (2007).
Secuestro
[editar | editar a fonte]Militantes do PKK secuestrárono arredor das 19:00, hora local, o 12 de agosto de 2012, cando volvía de visitar a localidade de Ovacik (Tunceli) acompañado dun reporteiro dun xornal e do seu asesor. Os militantes saíronlle ao paso e tras pararen o seu coche na autoestrada levárono a un bosque, ameazándoo con dispararlle se opuña resistencia.
Os secuestradores liberárono o 14 de agosto de 2012[1]. Nas súas primeiras declaracións afirmou que estaba ben de saúde e que o trataran con respecto, asegurando que pretendían realizar unha chamada ao cesamento das hostilidades[2]. As súas declaracións xeraron controversia no seo do seu partido, e así Metin Feyzioğlu criticou a simpatía que desprendían por unha organización terrorista mentres o voceiro Haluk Koç subliñou o chamamento á paz expresado por Aygün[3].
Conflitos co seu partido
[editar | editar a fonte]Aygün fixo declaracións sobre a responsabilidade do seu partido no masacre de Dersim e máis tarde sobre o status do alevismo, causando polémica co resto dos deputados e co líder do partido Kemal Kılıçdaroğlu. Debido a estas declaracións contrarias á política do seu partido, algúns membros do CHP solicitaron a súa expulsión[4].
En 2014, Aygün participou na fundación do Movemento Xuño Unido, unha organización progresista formada despois das protestas de Gez e mostrouse partidario da súa conversión nun partido político[5].
Nas eleccións de xuño de 2015 non se presentou á reelección[6].
Notas
[editar | editar a fonte]- ↑ "Kurdish rebels free Turkish lawmaker". Reuters. 14 de agosto de 2012.
- ↑ "Kidnapping aimed at propaganda, says released MP". Hürriyet Daily News. 15 de agosto de 2012.
- ↑ "Freed MP’s remarks on peace show rift in party". Hürriyet Daily News. 16 de agosto de 2015.
- ↑ Kabir Tambar (2014). The Reckoning of Pluralism: Political Belonging and the Demands of History in Turkey. Stanford University Pres. p. 134.
- ↑ "Interview with Hüseyin Aygün: The Political Dynamics of Turkey: The Legacy of the Past and the Increasing Challenges of Today – Part II". Research Turkey. 11 de marzo de 2015. Arquivado dende o orixinal o 23 de agosto de 2017. Consultado o 23 de agosto de 2017.
- ↑ "Main opposition CHP faces low numbers of candidate nominees". Daily Sabah. 3 de marzo de 2015.
