Hans Kelsen

Hans Kelsen
	;
Biografía
Nacemento	11 de outubro de 1881 ; Praga, República Checa
Morte	19 de abril de 1973 (91 anos); Berkeley, Estados Unidos de América
Member of the Constitutional Court of Austria (en)
Datos persoais
Relixión	Xudaísmo, catolicismo e Protestant Church of the Augsburg Confession in Austria (en)
Educación	Universidade de Viena ; Universidade de Heidelberg ; Universidade Harvard ; Akademisches Gymnasium
Actividade
Campo de traballo	Dereito, Teoría do dereito, Dereito constitucional e Dereito internacional
Lugar de traballo	Colonia
Ocupación	avogado, profesor universitario, filósofo, xuíz, xurista
Período de tempo	Filosofia do século XX (pt)
Empregador	Universidade de Viena ; Universidade Carolina de Praga ; Colégio de Guerra Naval (pt) ; Universidade de Xenebra ; Universidade de California, Berkeley ; Universidade de Colonia ; Instituto Tecnológico e de Estudos Superiores de Monterrey (pt)
Membro de	Instituto do Dereito Internacional (1954–); Academia das Artes e das Ciencias dos Estados Unidos ; Real Academia de Artes e Ciencias dos Países Baixos ; Academia Austríaca de Ciencias
Alumnos	Helen Silving-Ryu (pt)
Influencias	Hans Vaihinger e Miguel Carbonell-Leal (en)
Obra
Doutorando	Alfred Schütz
Familia
Cónxuxe	Margarete Kelsen
Fillos	Hanna Renate Kelsen, Maria Beate Feder
Pai	Adolf Kelsen
Premios
	(1963) doutor honoris causa pola Universidade de París; (1961) Condecoración Austríaca das Ciencias e as Artes; (1951) doutor honoris causa pola Universidade Nacional Autónoma de México; (1936) doutor honoris causa pola Universidade Harvard; doutor honoris causa pola Universidade de Utrecht; honorary doctorate of Salzburg University (en) ; Grand Officer of the Order of Honour for Services to the Republic of Austria (en) ; doutor honoris causa pola Universidade de Viena; Gran Cruz do Mérito con Estrela da Orde do Mérito da República Federal de Alemaña; Anel de Honra da cidade de Viena ;
Descrito pola fonte	Obálky knih, ; Handbuch österreichischer Autorinnen und Autoren jüdischer Herkunft 18. bis 20. Jahrhundert (en) , (sec:5083, p.666) >>>:Kelsen, Hans
Sitio web	hanskelsen.com

Hans Kelsen, nado en Praga (República Checa) o 11 de outubro de 1881 e finado en Orinda (California) o 19 de abril de 1973, foi un xurista estadounidense de orixe austríaca. Creou a «teoría pura do Dereito», o normativismo e o principio da pirámide das normas.

Kelsen pertenceu ao movemento do positivismo xurídico, que é unha corrente do positivismo xeral, fundada por Augusto Comte. Ensinou no Juridicum de Viena entre 1911 e 1929. Viuse obrigado a fuxir de Austria logo do Anschluss a causa da súa ascendencia xudía, exiliándose aos Estados Unidos onde se inclinou polo dereito teórico.

A teoría pura do Dereito

Para Kelsen a lei é norma positiva (é dicir, "posta" polos homes e non por un ser transcendente). Por outra banda, a norma é relativa, sen fundamento algún na Verdade. Non se pode falar, desde a súa perspectiva, dunha lei natural, polo menos non no ámbito xurídico. Segundo a teoría de Kelsen, o Dereito está constituído só e exclusivamente das normas positivas e válidas do ordenamento xurídico, sexa cales fosen os preceptos que conteñan. De aí que a súa teoría sexa denominada Doutrina Pura do Dereito, como unha das súas obras máis coñecidas. Consonte o pensamento kelsiano o ordenamento xurídico é o obxecto do dereito, non outro.

Normativismo e pirámide das normas

Hans Kelsen fundou a escola normativista e figurou na orixe da teoría chamada pirámide das normas. Esta teoría dotou dunha base obxectiva e laica ao ordenamento das diferentes fontes do dereito, asegurando así unha explicación racional ao principio de xerarquía das normas. O principio fundamental desta teoría apóiase sobre a idea de conformidade. De xeito que unha norma inferior válida non pode ser contraria á norma inmediatamente superior. Se tal fose o caso, un contencioso podería desembocar na «anulación» ou na «corrección» da norma inferior contraria inválida.

Esta sinxela e elegante consideración teórica permite explicar e favorecer a aparición do control constitucional nos países occidentais nos que esta práctica era descoñecida, especialmente en Europa. Nos Estados Unidos practicábase este tipo de control desde inicios do século XIX.

Na cimeira da pirámide, o autor coloca unha norma hipotética fundamental (Grundnorm), que asegura a coherencia do conxunto, aínda que ao prezo, porén, de recorrer a unha ficción xurídica. O carácter hipotético desta norma levou aos seus detractores a afirmar que o autor non fora capaz de se desprender dos postulados do Dereito natural, segundo os cales a lexitimidade do dereito emana da divindade ou da mesma natureza.

Consciente destas crítica, Kelsen procedeu a efectuar importantes refundicións da súa teoría, aínda que se distinguen, polo xeral, dúas épocas na súa obra: antes e despois do exilio norteamericano.

Alén do Dereito

Alén das contribucións de Hans Kelsen á ciencia xurídica, o xurista descorreu, tamén profusamente, sobre política, socioloxía e relixión. Foi un respectado teórico da democracia.

Influencia

Kelsen colaborou na redacción da Constitución de Austria de 1920.

A difusión internacional do pensamento de Hams Kelsen fixo del unha saliente figura da teoría xeral do dereito no século XX.

Obras

Teoría xeral do Estado, (1934).
Natureza e Sociedade, (1945).
The Law of the United Nations, (1951).
Principles of International Law, (1952).
A Democracia.
Dereito Internacional e Estado Soberano.
Xurisdición Constitucional.
O Estado como integración.
Teoría comunista do Dereito.
Teoria xeral das normas.
O problema da xustiza.
Teoria pura do Dereito.
Teoria xeral do Dereito e do Estado.
A ilusión da Xustiza.
Que é xustiza?.

Véxase tamén

Outros artigos

Ligazóns externas

Enciclopedia Standford de Filosofía: artigo The Pure Theory of Law. (en inglés)
Forma de Estado y visión del mundo, de Hans Kelsen (en castelán)
Kelsen y Max Weber, de Norberto Bobbio (en castelán)
Hans Kelsen Institut Wien (Werke, Lebenslauf, Forschung) (en alemán)
Inventario de las obras completas de Hans Kelsen (en castelán)