Henrik Larsson

Henrik Larsson

(2014)
Biografía
Nacemento	(sv) Edward Henrik Larsson 20 de setembro de 1971 (53 anos) Helsingborg, Suecia
Altura	177 cm
Peso	74 kg
Actividade
Ocupación	futbolista, floorball player (en) , adestrador de fútbol
Nacionalidade deportiva	Suecia
Deporte	fútbol Floorball
Liga	Premier League
Posición de xogo	Dianteiro
Traxectoria   Deporte base 1977–1988 Högaborgs BK   Equipo 1988–1992 Högaborgs BK 64 (23) 1992–1993 Helsingborgs IF 56 (50) 1993–1997 Feyenoord Rotterdam 101 (26) 1997–2004 Celtic F.C. 221 (174) 2004–2006   FC Barcelona 40 (13) 2006–2009 Helsingborgs IF 84 (38) 2007–2007 → cesión:    Manchester United FC 7 (1) 2012–2012 Råå IF 1 (0) 2013–2013 Högaborgs BK 2 (0)   Selección nacional 1993–2009   Suecia 106 (37)   Adestrador 2010–2012 Landskrona BoIS 2013–2013 Högaborgs BK (pt) (segundo adestrador) 2014–2014 Falkenbergs FF (pt) 2015–2016 Helsingborgs IF
Participou en
xuño de 2008	Eurocopa de Fútbol Austria/Suíza 2008
2006	Mundial de Fútbol Alemaña 2006
2004	Eurocopa de Fútbol Portugal 2004
2002	Mundial de Fútbol Corea/Xapón 2002
2000	Eurocopa de 2000
1994	Mundial de Fútbol Estados Unidos 1994
Familia
Fillos	Jordan Larsson
Premios
(2004)  Guldbollen (2001)  Bota de Ouro (1998)  Guldbollen  membro da Orde do Imperio Británico
Páxina web	henriklarssonofficialwebsite.com

Henrik Edward Larsson, nado en Helsingborg o 20 de setembro de 1971, é un exfutbolista e actual adestrador sueco. Xogaba de dianteiro e actualmente adestra ao Landskrona BoIS.

Biografía

Henrik Larsson naceu en Helsingborg (provincia de Escania), o 20 de setembro de 1971, fillo dunha nai sueca e dun pai caboverdiano. Xoga de dianteiro centro e comezou a súa carreira deportiva como futbolista no club da súa cidade, o Helsingborgs IF. Está casado e ten un fillo e unha filla.

Carreira deportiva

En realidade, o seu debut como futbolista produciuse no pequeno Högaborg de xuvenís, con 17 anos, pero ben logo fichou polo Helsingborgs IF, que xogaba na segunda división sueca e co que ascendeu á primeira división do seu país. Con este club, fixo 50 goles en 56 partidos, o que lle abriu as portas do fútbol internacional. En 1993 marchou para xogar aos Países Baixos, no Feyenoord, por uns 450.000 euros, e por un pouco non marcha para o Grasshopper de Zürich, que tamén poxaba por el. No club neerlandés, xogou catro tempadas e proclamouse en dúas ocasións campión de copa.

Logo dunhas disputas contractuais, en 1997 iniciou a época máis longa e produtiva da súa carreira deportiva, cando foi xogar a Escocia co Celtic FC de Glasgow, cunha fichaxe de 975.000 euros. Cos verdibrancos conquistou catro ligas, dúas copas, e un subcampionato da Copa da UEFA, cando o seu club perdeu contra o Porto FC por 3-2 (os dous tantos, de Larsson). Ademais foi o máximo goleador da liga escocesa en tres tempadas, meteu 242 goles en 315 partidos, e de feito en 2001 acadou a Bota de Ouro, galardón que sinala o máximo goleador das ligas europeas, logo de meter 35 tantos co club escocés. Durante a súa época escocesa sufriu unha grave lesión ao partir a perna por dous puntos nun partido da Copa da UEFA contra o Olympique de Lión. Larsson foi o terceiro máximo goleador do Celtic ao longo da súa historia e é o xogador dun club británico que máis tantos fixo en competicións europeas.

En 2004 fichou polo equipo catalán do FC Barcelona, co que militou na primeira división de fútbol da Liga española. Co Barça debutou o 29 de agosto de 2004. Co FC Barcelona, proclamouse campión de liga en dúas tempadas, campión da Supercopa de España e campión na Liga de Campións da UEFA: de feito, el foi o autor de dúas asistencias a dous goles que lle deron o título aos barcelonistas diante do Arsenal FC londiniense (2-1)

Despois de disputar o Mundial de fútbol de 2006 en Alemaña, decidiu retirarse da primeira liña do fútbol. Anunciou que abandonaba a selección do seu país, o que se lle sumaba ao abandono, xa antes anunciado, do cadro catalán. Larsson comezou a tempada do 2006 co seu Helsingborgs IF de toda a vida. Porén, a finais de novembro anunciou que no mercado de inverno sería fichado polo Manchester United da liga inglesa, ata o 12 de marzo, data en que regresaría á liga sueca para rematar a tempada co Helingborgs IF. Dentro do mesmo club deixou a práctica do fútbol e pasouse ao floorball, unha especie de hóckey en sala, onde estivo xogando ata xaneiro de 2009.

Internacionalidade

Foi internacional coa selección sueca en 93 ocasións. O seu debut como internacional produciuse o 13 de outubro de 1993 no encontro Suecia-Finlandia (3-2).

Larsson marcou 36 goles coa súa selección e disputou tres mundiais (1994, 2002 e 2006) e dúas Eurocopas (2000 e 2004. Anunciou a súa retirada da selección de fútbol en 2002 pero as presións dos afeccionados, do primeiro ministro de Suecia e do presidente da UEFA Lennart Johansson conseguiron que participase co equipo amarelo na Eurocopa portuguesa. Alí os suecos perderon en cuartos contra os neerlandeses, nos penaltis, pero Larsson marchou co bo regusto de facer tres goles en catro partidos, un deles (contra Bulgaria) elixido como o mellor gol do torneo.

Ao remate do Mundial de 2006 Larsson volveu anunciar o abandono da selección sueca.

Participacións en mundiais

Participou coa selección de fútbol de Suecia no Mundial de 1994 nos Estados Unidos. Xogou alí cinco partidos, contra Camerún, Rusia, Brasil, Romanía e Bulgaria. neste seu primeiro mundial Larsson só xogou como titular no partido contra os búlgaros onde marcou o terceiro dos goles dos suecos. Na clasificación final, a selección escandinava foi terceira.

En 2002 participou no Mundial do Xapón e Corea, onde disputou catro partidos contra Inglaterra, Nixeria, a Arxentina e o Senegal). Larsson foi titular en todos os catro e marcou tres goles (dous contra Nixeria e un contra o Senegal).

Finalmente en 2006 disputou os seus últimos partidos coa selección sueca no Mundial de Alemaña. Xogou os catro partidos de Suecia contra Trinidad e Tobago, Paraguai, Inglaterra e en oitavos contra Alemaña, a anfitrioa. Foi titular en todos os encontros e meteulles un gol aos ingleses. Porén, no encontro de oitavos, cando Suecia perdía 2-0, desperdiciou unha posibilidade de ouro de facer gol ao errar un penalti cometido contra el mesmo.

Mundial	Onde	Posición de Suecia
Mundial de fútbol 1994	Estados Unidos	Semifinal, 3º posto
Mundial de fútbol 2002	Corea do Sur e o Xapón	Oitavos, 13º posto
Mundial de fútbol 2006	Alemaña	Oitavos, 14º posto

Palmarés

Campionatos nacionais

• 2 Copas dos Países Baixos (Feyenoord, 1994 e 1995)
• 4 Ligas escocesas (Celtic FC, tempadas 97-98, 00-01, 01-02 i 03-04)
• 2 Copas de Escocia (Celtic FC, tempadas 00-01 i 03-04)
• 2 Ligas españolas (FC Barcelona, 2004-2005 i 2005-2006)
• 1 Supercopa de España (FC Barcelona, 2005)
• 1 Copa Cataluña (FC Barcelona, tempada 2004-2005)

Campionatos internacionais

• 1 Liga de Campións da UEFA (FC Barcelona (2006).

Títulos individuais

• 3 veces máximo goleador da liga escocesa de fútbol (Celtic FC, tempadas 00-01, 01-02 e 02-03)
• 1 Bota de Ouro (Celtic FC, tempada 00-01)
• Mellor futbolista do ano en Suecia (1997)
• 2 veces elixido mellor futbolista do ano en Escocia (1998 e 2001)

Títulos de honra

En 2005 invísteno doutor honoris causa pola Universidade de Strathclyde (Glasgow, Escocia), pola súa contribución ao deporte e á beneficiencia. En 2006 recibe a Orde do Imperio Británico, a petición do Celtic FC e concedida pola raíña Isabel II, que o acredita como membro do Imperio Británico pola súa contribución ao fútbol no Reino Unido, malia ser un título que en contadas ocasións se lle concede a civís estranxeiros.

Véxase tamén

Ligazóns externas

• Henrik Larsson Web oficial (en inglés)