Hervannan jäähalli
| Hervannan jäähalli | |
|---|---|
 Unha das pistas. | |
| Datos | |
| Coordenadas | 61°27′21″N 23°50′13″L / 61.455845358712, 23.836842378465 |
| Localización | Tampere,  Finlandia |
| Construción | |
| Inauguración | 1984 |
| [ editar datos en Wikidata ] | |
O Hervannan jäähalli é un pavillón de xeo situada no distrito de Hervanta, ao sur da cidade de Tampere, Finlandia. O recinto conta con dúas pistas de xeo.
Historia
[editar | editar a fonte]As obras do Hervannan jäähalli finalizáronse en 1984. O recinto deportivo foi construído nun búnker que xa existía no lugar.[1]
Logo de varios anos pospoñéndose, en abril de 2023 comezaron as obras de remodelación das instalacións, cuxos vestiarios e baños estaban case no seu estado orixinal, ademais os problemas co aire interior obrigaron en 2023 a instalar purificadores de aire. Os traballos comezaron máis tarde do previsto a petición dos clubs, para que puideran finalizar as actividades deportivas da tempada antes do inicio das obras. Se ben inicialmente estimouse que o custo da reforma sería de algo máis de dous millóns de euros, o orzamento acabou aumentando ata os 2,8 millóns, un incremento que tivo que aprobarse en febreiro dese mesmo ano.[1]
Características
[editar | editar a fonte]
O pavillón está situado no distrito de Hervanta, ao sur da cidade de Tampere, a 40 metros de profundidade, o que levou á pista de xeo a ser considerada a especial de Finlandia. Ao ser un recinto subterráneo a unha gran profundidade, só se pode acceder a el por ascensor, nun traxecto que dura ao redor dun minuto.[1]
Conta con dúas pistas de hóckey sobre xeo de dimensións internacionais.[1] Ambas as pistas están habilitadas para a práctica, tanto do hóckey sobre xeo como do ringette, e unha delas (a número 1) conta con dous corredores para a práctica do curling.[2] As súas pistas son empregadas habitualmente por equipos de formación de hóckey sobre xeo, para ringette, para patinaxe artística, escolas, empresas... e conta con quendas de patinaxe público gratuíto na tempada de outono a marzo.[1][3]
O Hervannan jäähalli non conta con bancadas mais si con cafetería.[3]
Notas
[editar | editar a fonte]- ↑ 1,0 1,1 1,2 1,3 1,4 Punkari, Pasi; Kujansuu, Valtteri (1 de febreiro de 2023). "Tampereen Hervannassa on ehkä Suomen erikoisin jäähalli – nyt se menee remonttiin, eikä urakasta tule helppo". Yle (en finés). Consultado o 14 de decembro de 2024.
- ↑ "Hervannan jäähalli" (en inglés). Curling.fi. Consultado o 14 de decembro de 2024.
- ↑ 3,0 3,1 "Jäähallit" (en finés). Cidade de Tampere. Consultado o 14 de decembro de 2024.
Véxase tamén
[editar | editar a fonte] |
Wikimedia Commons ten máis contidos multimedia na categoría: Hervannan jäähalli |
