Portal:Tampere

[[Ficheiro:|1100px]] Tampere (en sueco Tammerfors) é unha cidade de Finlandia, capital da rexión de Pirkanmaa (provincia de Finlandia Oriental). Segundo o censo do 31 de xaneiro de 2012 ten unha poboación de 215.315 hatibantes. A cidade está situada ao sur do país, entre os lagos Näsijärvi e Pyhäjärvi. É a terceira cidade máis poboada de Finlandia por detrás de Helsinqui e Espoo. Tampere está situada entre dous lagos, o Näsijärvi e o Pyhäjärvi. Como entre ambos lagos hai un desnivel de 18 metros, os rápidos que os comunican, Tammerkoski, teñen sido unha importante fonte de enerxía ao longo da historia da cidade, máis recentemente xerando electricidade. Tampere é alcumada a "Manchester de Finlandia" polo seu pasado industrial como antigo centro da industria finlandesa. Orixinalmente fundada como mercado á beira da canle Tammerkoski en 1775 por Gustavo III de Suecia, catro anos despois, o 1 de outubro de 1779, concedéronselle dereitos de cidade. Amosar máis contido destacado Artigo destacado O tranvía de Tampere (en finés Tampereen raitiotie), coñecido popularmente como Tampereen ratikka, é a rede de tranvías que percorre a cidade de Tampere, Finlandia. En novembro de 2016 o goberno municipal tomou a decisión de dotar á cidade dun tranvía, sinalando que as obras comezarían na primavera do ano seguinte. En marzo de 2017 comezaron as obras do primeiro tramo, Pyynikintori-Hospital Universitario-Hervanta. O 9 de agosto de 2021 inauguráronse oficialmente as dúas primeiras liñas, cos números 1 e 3. Lugar de interese A pista de xeo de Koulukatu (en finés Koulukadun kenttä) é unha pista de xeo situada na rúa Koulukatu, no distrito de Kaakinmaa da cidade de Tampere, Finlandia. Construída en 1956, trátase da primeira pista de xeo artificial construída en Finlandia. No lugar no que se encontra a pista había tres pistas de tenis da Tampereen Tennisseura que o Ilves solicitou conxelar durante o inverno para a práctica do hóckey sobre xeo. Co tempo instalouse unha pista de xeo artificial que xogou un papel moi importante no desenvolvemento da modalidade. Ata a construción de Hakametsä os tres equipos máis fortes da cidade (Ilves, KOOVEE e Tappara) disputaron os seus encontros como locais na pista, e durante a década de 1980 foi onde xogou os seus partidos como local o equipo feminino do Ilves. No recinto téñense xogado clásicos de inverno ao aire libre como o Koulukarun lassikko disputado entre os equipos femininos do Ilves e as Blues de Espoo en 2012. Categorías Queres atopar artigos relacionados con Tampere? Proba buscando nas seguintes categorías: Tampere Cultura en Tampere Deporte en Tampere Edificios e estruturas de Tampere Lagos de Tampere Nados en Tampere Parques de Tampere Portal:Tampere Prensa escrita de Tampere Rúas e prazas de Tampere Subdivisións de Tampere Transporte en Tampere Biografía destacada Olivia Mathilda "Wivi" Lönn, nada en Tampere o 29 de maio de 1872 e finada en Helsinqui o 27 de decembro de 1966, foi unha arquitecta finlandesa, e a primeira do país en crear o seu propio estudio. Wivi Lönn estudou arquitectura na Universidade Politécnica de Helsinqui, graduándose en 1896. Os edificios máis destacados da carreira de Lönn foron construídos a principios do século XX. A súa etapa máis activa durou pouco máis de 15 anos, e xa a principios da década de 1930 practicamente se retirara da arquitectura en activo. A parte central da produción de Lönn encóntrase nas cidades de Tampere e Jyväskylä. En Tampere localízanse, entre outras, a Escola Finlandesa Feminina e a Estación Central de Bombeiros. Xunto con Armas Lindgren deseñou, entre outras, a Nova Casa dos Estudantes en Helsinqui, e o Teatro Estonia en Talín. Lönn deseñou máis de 30 escolas, aínda que non todas se realizaron. Ademais das escolas deseñou varios edificios industriais, entre outros, para as fábricas de Parviainen. Considérase que os puntos fortes da obra de Lönn son a hábil distribución e o uso económico do espazo, mais arquitectonicamente non se desviou da realmente do estilo da súa época. Imaxe destacada Zona de baño de Rauhaniemi, construída en 1929 no barrio de Lapinniemi. Vexa o artigo Näsijärvi. Sabías que...? ... o Centro Museístico Vapriikki (na imaxe), con sede na antiga fábrica de Tampella, foi elixido como o "Museo do Século" na Gala de Cultura do Século o 18 de outubro de 2017, que foi parte do programa do centenario de Finlandia.? ... a empresa Nokia foi fundada en Tampere en 1865 como planta de celulosa por Fredrik Idestam? ... a Tampere Filharmonia foi denominada Tampereen kaupunginorkesteri (en galego Orquestra Cidade de Tampere) dende a súa fundación en 1930 ata 2002? Artigos de calidade e bos Artigos de calidade (2) Ilves Naiset Historia do Ilves Naiset Artigos bos (0) Proxectos relacionados Finlandia Portais relacionados Proxectos irmáns Wikimedia Commons en Commons