Portal:Bulgaria

Bulgaria (

pronunciación (axuda · info)) (en búlgaro: България/Balgariya), oficialmente República de Bulgaria (

pronunciación (axuda · info)) (en búlgaro: Република България/Republika Balgariya) é un país situado ao sueste de Europa, na península dos Balcáns. Limita ao norte con Romanía, estando a maior parte da fronteira entre estes dous países conformada polo río Danubio, ao sur con Turquía e Grecia, o oeste con Macedonia do Norte e Serbia e está bañada ao leste polo Mar Negro. Foi aceptada na OTAN no ano 2004 e é membro da Unión Europea dende o 1 de xaneiro de 2007.

ler máis...

Artigo destacado

Sofía (en búlgaro, София) é a capital de Bulgaria, e con 1 270 450 habitantes (ano 2007) a cidade máis poboada do país e a 14ª da Unión Europea. Localízase na rexión oeste de Bulgaria, aos pés do macizo Vitosha. É o centro administrativo, cultural, económico e educativo do estado. Trátase dunha das capitais máis antigas de Europa, remontándose a súa historia até o século VIII a. C., cando os tracios estableceron un asentamento na zona. Sofía tivo varios nomes ao longo da súa existencia, e aínda hoxe se poden ver remanentes da milenaria historia da cidade a carón dos atractivos turísticos modernos...

...Arquivo

Ler máis...

Biografía destacada

Fernando I de Bulgaria, nado en Viena o 26 de febreiro de 1861 e finado en Coburgo o 10 de setembro de 1948 , foi príncipe e máis tarde tsar de Bulgaria. Durante o seu longo reinando, Bulgaria proclamou a súa independencia do Imperio otomán e participou en diversas guerras para ampliar o seu territorio. Veuse forzado a abdicar trala derrota do seu país na Primeira Guerra Mundial en 1918 e dende entón viviu no exilio ata a súa morte en 1948...

...Arquivo

Ler máis...

Sabías que...?

...O 62 % da superficie dos montes Pirin está composto de granito?

...que a Cruzada de Varna requiría un ataque simultáneo ao Imperio Otomán polos reinos cristiáns de Hungría e o emirato musulmán dos Karamánidas, que non tivo lugar?