|
Finlandia (en finés: Suomi, en sueco: Finland ( pronunciación (axuda · info))), oficialmente República de Finlandia ( pronunciación (axuda · info)) (en finés: Suomen tasavalta, en sueco: Republiken Finland) é un país nórdico situado no norte de Europa. O país fai fronteira polo oeste con Suecia, polo leste con Rusia e polo norte con Noruega. Polo oeste e polo sur está rodeada polo mar Báltico, que separa de Suecia e Estonia, atravesando o golfo de Finlandia. A capital e maior cidade do país é Helsinqui.
No ano 2009, Finlandia tiña unha poboación de 5,3 millóns de habitantes nunha área de 338.145 quilómetros cadrados. A meirande parte da poboación do país atópase no extremo sur, na costa do golfo de Finlandia e proximidades. Finlandia é o sexto país máis grande de Europa en termos de área, e conta cunha baixa densidade de poboación de 15,5 habitantes por quilómetro cadrado, o que o converte no país menos densamente poboado dentro da Unión Europea. A maioría dos finlandeses falan o finés como a súa lingua materna, a cal é unha das poucas linguas oficiais da Unión Europea que non descenden da familia indoeuropea. A segunda lingua oficial de Finlandia é o sueco, o cal é lingua materna dun 5,5% da poboación nacional.
Previamente Finlandia foi parte de Suecia e dende 1809 a 1917, cando obtivo a súa independencia, o país foi o autónomo Gran Ducado de Finlandia como parte da Rusia Imperial. Hoxe en día, Finlandia é unha república, parlamentaria e democrática. O país é membro das Nacións Unidas e da Unión Europea dende 1995. A economía de Finlandia é unha das máis prosperas do continente, baseándose nos importantes sectores de servizos así como de manufactura. No país existe un estado de benestar así como unha política altamente democrática e con niveis sumamente baixos de corrupción. O país conta co euro como moeda oficial dende o 28 de febreiro de 2002, substituído ao marco finlandés.
|
Artigo destacado
editar
Finlandia participou en primeira ocasión no Festival de Eurovisión en 1961, e participou en total 45 veces. Finlandia gañou o festival por primeira vez no 2006 con "Hard Rock Hallelujah" de Lordi. Anteriormente o seu mellor resultado fora un 6º lugar con "Tom tom tom" de Marion Rung en 1973.
Antes da vitoria do 2006 Finlandia era considerada por moitos como o mellor exemplo dun país con pobres resultados en Eurovisión. Terminou nove veces en último lugar e obtivo "cero puntos" tres veces. A canción finlandesa de 1982, "Nuku pommiin" de Kojo, é unha das quince cancións que obtivo cero puntos desde que se introduciu o sistema de puntuación actual en 1975 (Noruega terminou en último lugar dez veces e obtido cero puntos catro veces, con todo gañou tres). No 2006, Lordi obtivo a vitoria, cunha canción radicalmente diferente ao europop que dominaba nas propostas da competencia: unha canción de rock heavy, interpretada por unha banda de "monstros" e un espectáculo visual ao uso. A banda e a súa canción "Hard Rock Hallelujah" rompeu récord ao obter a puntuación máis alta na historia do Festival de Eurovisión ata aquela data (292 puntos).
Cidade destacada
editar
Kajaani (en sueco Kajana) é unha cidade de Finlandia. Está localizada no centro do país, ao sueste do Lago Oulu (en finés Oulujärvi), que drena ao golfo de Botnia a través do Río Oulu (en finés Oulujoki). É o centro e capital da rexión de Kainuu, da cal é tamén a cidade máis poboada. A día 31 agosto 2018, tiña unha poboación de 37.039.
A cidade fundouse no século XVII, alimentada polo crecemento da industria do alcatrán. Sucumbiu ante as forzas rusas durante a Gran Ira do século XVIII, que destruiu o castelo de Kajaani en 1716. Hoxe en día, a economía local está impulsada principalmente polas industrias da serra, a madeira para construción e a industria papeleira, aínda que a fábrica de papel de UPM Kymmene en Kajaani, a principal empresa que proporcionaba traballo dende 1907 ata 2008, está agora pechada. A igrexa de Kajaani foi construída en 1896 en estilo neogótico polo arquitecto Jac Ahrenberg, remprazando a unha igrexa anterior. O Teatro Municipal de Kajaani fundouse en 1969.
Kajaani é a casa de dous equipos de fútbol, AC Kajaani e Kajaanin Haka, e do equipo de hóckey sobre xeo Hokki. A Universidade de Ciencias Aplicadas de Kajaani foi fundada en 1992.
Divisións administrativas
Categorías
editar
Queres atopar artigos relacionados con Finlandia? Proba buscando nas seguintes categorías:
Biografía destacada
Imaxe destacada
Sabías que...?
Artigos de calidade e bos
Proxectos relacionados
Portais relacionados
Proxectos irmáns
|
|
|
.jpg)
