Himno da Liga de Campións da UEFA

O Himno da Liga de Campións da UEFA, titulado de xeito oficial simplemente como Champions League, é unha adaptación de Tony Britten da peza de Georg Friedrich Händel chamada "Zadok the Priest" (en galego: "Zadok o sacerdote"), pertencente á serie dos catro "Coronation Anthems" (en galego: himnos de coroación).

Historia e características

A UEFA elixiu a Tony Britten en 1992 para levar a cabo a creación do seu himno. Unha vez arranxada a composición orixinal de Händel, Champions League foi interpretada pola Royal Philharmonic Orchestra e o coro da Academy of St. Martin in the Fields. A letra da canción está escrita no tres idiomas oficiais da UEFA, é dicir, en inglés, alemán e francés.

Antes dos partidos e nas retransmisións de televisión interprétase unha versión abreviada do himno, que é a correspondente á seguinte parte da letra:

Ils sont les meilleurs

Sie sind die besten
These are the champions
Die Meister
Die Besten
Les grandes équipes

The champions!

Véxase tamén

Outros artigos

• Liga de Campións da UEFA

Ligazóns externas

• Páxina web oficial da UEFA
• Himno da Liga de Campións da UEFA
• Versións especiais do himno da Liga de Campións da UEFA nas finais
• World Soccer Anthems