Hosni Mubarak

Hosni Mubarak

(2009)
Nome orixinal	(ar) حُسني مُبارك
Biografía
Nacemento	4 de maio de 1928 Kafr el-Muṣīlḥa منوفيه (Reino de Exipto)
Morte	25 de febreiro de 2020 (91 anos) O Cairo, Exipto
Causa da morte	complicacións dunha cirurxía
Lugar de sepultura	Heliópolis
25º Secretario Xeral do Movemento de Países Non Aliñados
16 de xullo de 2009 – 11 de febreiro de 2011 ← Raúl Castro – Mohamed Hussein Tantawi →
Presidente da Organización para a Unidade Africana
28 de xuño de 1993 – 13 de xuño de 1994 ← Abdou Diouf – Zine el-Abidine Ben Ali →
Presidente da Organización para a Unidade Africana
24 de xullo de 1989 – 9 de xullo de 1990 ← Moussa Traoré – Yoweri Museveni →
Presidente de Exipto
14 de outubro de 1981 – 11 de febreiro de 2011 ← Sufi Abu Taleb – Mohamed Hussein Tantawi →
Primeiro ministro do Exipto
7 de outubro de 1981 – 2 de xaneiro de 1982 ← Anwar el-Sadat – Ahmad Fuad Mohieddin →
Vicepresidente de Exipto
16 de abril de 1975 – 14 de outubro de 1981 ← Hussein el-Shafei – Omar Suleiman →
Datos persoais
Residencia	O Cairo
Relixión	Sunnismo
Educación	Academia Militar Exipcia - ciencia militar, Aviación (–1949) Instituto Militar Supremo das Forzas Armadas da República de Kirguizistán Academia Militar do Estado Maior das Forzas Armadas de Rusia Academia Militar M.V. Frunze
Actividade
Campo de traballo	Política
Ocupación	político, aviador, militar
Partido político	Partido Nacional Democrático Unión Árabe Socialista
Carreira militar
Rama militar	Forza Aérea Exipcia
Rango militar	mariscal do Aire
Conflito	Guerra de Suez guerra civil do Iemen do Norte Guerra dos Seis Días guerra de desgaste Guerra do Yom Kippur Guerra libio-exipcia Guerra do Golfo
Outro
Cónxuxe	Suzanne Mubarak (1959–2020), morte da persoa
Fillos	Alaa Mubarak, Gamal Mubarak
Condenado por	Corrupción matar
Cronoloxía
	Papeis de Panamá
Premios
(1999)  doutor honoris causa pola Universidade de Pequín../... 30+
Sinatura
Descrito pola fonte	Lentapedia (full versions) (en) Lentapedia Dictionary of African Biography,

Muhammad Hosni Said Mubarak (árabe : محمد حسنى سيد مبارك) coñecido como Hosni Mubarak, nado en Kafr-El Meselha (Monufia) o 4 de maio de 1928 e finado o 25 de febreiro de 2020, foi un político exipcio. Foi presidente do seu país desde o 14 de outubro de 1981, 8 días despois do asasinato de Anwar el-Sadat, ata o 11 de febreiro de 2011 momento no que se viu obrigado a deixar o poder logo que dende o 25 de xaneiro de 2011 se sucederan protestas populares para esixir un cambio no país do Nilo. Mubarak foi internado o 12 de abril tras sufrir unha crise cardíaca durante un interrogatorio. O día 13 de abril de 2011 foi ordenada a súa detención canda a dos seus fillos Alaa e Gamal, co fin de indagar nos posibles delitos que se lles imputan. O día 2 de xuño de 2012 foi condenado a cadea perpetua pola represión das protestas durante a Primavera árabe, na que morreron máis de 800 persoas.

Era tamén Secretario Xeral do Movemento de Países Non Aliñados desde o 16 de xullo de 2009 substituíndo a Raúl Castro.

Traxectoria

Terminados os seus estudos de secundaria, ingresou na Academia Militar Exipcia obtendo o título en Ciencias Militares aos 20 anos de idade. En 1950 ingresou na academia da Forza Aérea, recibindo instrución tamén en Frunze, a actual Bixkek, capital de Kirguizistán, entón república da Unión Soviética, obtendo o título de piloto de combate. Ascendeu rapidamente e en 1964 foi nomeado representante da delegación militar exipcia na Unión Soviética.

En 1967 convértese en Xefe da Forza Aérea Exipcia, sendo responsable dalgúns dos combates que se suceden no permanente conflito con Israel. En 1973 participa activamente nos preparativos e desenvolvemento da Guerra do Yom Kippur.

Gobernou en Exipto durante 30 anos con man férrea baixo un goberno corrupto. Celebrou durante o seu mandato catro procesos electorais, fortemente manipulados. Así mesmo, privou o pobo exipcio de liberdades básicas. Este e outros feitos precipitou o inicio das protestas na súa contra. Foron necesarias máis de 300 mortes violentas nun intento do goberno de Mubarak de conter as revoltas. A saída do poder de Mubarak propiciou que o exército tomase as rendas. En 18 días de protestas pacíficas, salpicadas de violencia por parte das forzas represivas, Mubarak foi derrocado do poder político exipcio.

Véxase tamén

Ligazóns externas

• Biografía extensa por Fundación CIDOB Arquivado 22 de marzo de 2015 en Wayback Machine. (en español)

  Conflito árabe-israelí