Houston Dynamo
| Houston Dynamo | |||
|---|---|---|---|
| Nome | Houston Dynamo | ||
| Alcume(s) | Orange Crush, Dinamo de Houston | ||
| Fundación | 15 de decembro de 2005 (18 anos) | ||
| Estadio | BBVA Compass Stadium Houston, Texas Estados Unidos | ||
| Inauguración | 12 de maio de 2012 | ||
| Capacidade | 22,039 | ||
| Propietario |  Gabriel Brener Oscar de la Hoya Ben Guill Jake Silverstein | ||
| Presidente | Chris Canetti | ||
| Adestrador |  Wilmer Cabrera | ||
| Liga | Major League Soccer | ||
| 2016 | Oeste: 10º Global: 19º | ||
| Vestimenta | Adidas | ||
| Patrocinador | BHP Billiton | ||
| Na rede | |||
| http://www.houstondynamo.com | |||
     | |||
| |||
O Houston Dynamo é un club de fútbol profesional de Houston, no estado de Texas. O equipo foi fundado no ano 2005, xoga na Conferencia Oeste da Major League Soccer. Nas súas dúas primeiras tempadas o club gañou dous MLS Cup consecutivas. Debido a súa localización, xogou nas conferencias Leste, Oeste e na Central en tan só nove anos de historia.[1].
O nome de Dynamo provén do notable número de industrias enerxéticas na cidade de Houston. Entre os xogadores máis destacados que vestiron a elástica laranxa cabe destacar a Brad Davis e a Brian Ching.[2]
Historia
[editar | editar a fonte]O partido inaugural foi o dous de abril de 2006, fronte o Colorado Rapids, no que o conxunto de Houston venceu por cinco goles a dous, con catro goles de Brian Ching que ó mes foi seleccionado para disputar a Copa Mundial da FIFA 2006 coa selección de fútbol dos Estados Unidos. Na súa primeira tempada o Dynamo chegou a final da MLS Cup vencendo nos penaltis, tras o 1-1 no tempo regulamentario, contra o New England Revolution.[3] A tempada seguinte sumou a súa primeira participación na Liga de Campións da CONCACAF onde alcanzou as semifinais. Ese mesmo ano logrou o seu segundo título da MLS Cup consecutivo, gañando por dous goles a cero fronte ó Kansas City Wizards[4].
No ano 2008 acadou a súa primeira final internacional, a SuperLiga Championship Game, pero perdeuna nos penaltis tras empatar a dous goles fronte o New England Revolution[5]. Nos playoffs da MLS caeron nas semifinais de conferencia, polo que non puideron revalidar o título. Ao ano seguinte ós Orange Crush non conseguiron bater ó Los Angeles Galaxy na final da conferencia Oeste [6]. No ano 2010 o equipo sufriu a marcha do seu presidente, nunha tempada en que o equipo acabou no seu peor posto ata ese momento, a sétima posición, que lles deixaba fora dos playoffs por primeira vez na súa historia [7].
Tras unha mala tempada, o equipo rexurdiu e logrou un posto para a final da MLS Cup pero non conseguiu vencer ó Los Angeles Galaxy perdendo por un axustadísimo un a cero [8]. O ano 2012 foi o primeiro no que o equipo texano exercía a localía no BBVA Compass Stadium, o partido inaugural (Houston Dynamo vs DC United) rematou con vitoria laranxa por un gol a cero, cun auténtico golazo dende fóra da área de Brad Davis. O estadio cambiou pero os resultados foron os mesmos, chegaron á final pero perdérona, de novo, contra Los Angeles Galaxy[9]. Na seguinte tempada seguiu a racha de chegar as roldas finais do playoff, ese ano os texanos foron eliminados na final de conferencia.
Tras unha serie de boas tempadas na MLS, non chegaron nin a clasificarse para os playoffs, quedando na oitava posición na conferencia Leste, o peor resultado da súa historia. O ano seguinte volveu ser unha mala tempada, volveu quedar sétimo pero esta vez na conferencia Oeste.
Xogadores [10][11]
[editar | editar a fonte]
|
|
Títulos [1]
[editar | editar a fonte]- MLS Cup(2): 2006, 2007.
Récords[12]
[editar | editar a fonte]- Máis goles nunha tempada:
Brian Ching 13 - 2008 - Máis asistencias nunha tempada: Brad Davis 16 - 2011
- Máis paradas nunha tempada: Tally Hall 99 - 2011
Notas
[editar | editar a fonte]- ↑ 1,0 1,1 "Copia arquivada". Arquivado dende o orixinal o 28 de decembro de 2015. Consultado o 06 de decembro de 2015.
- ↑ "Copia arquivada". Arquivado dende o orixinal o 10 de novembro de 2015. Consultado o 06 de decembro de 2015.
- ↑ "Copia arquivada". Arquivado dende o orixinal o 29 de setembro de 2015. Consultado o 06 de decembro de 2015.
- ↑ "Copia arquivada". Arquivado dende o orixinal o 05 de marzo de 2016. Consultado o 06 de decembro de 2015.
- ↑ "Copia arquivada". Arquivado dende o orixinal o 05 de marzo de 2016. Consultado o 06 de decembro de 2015.
- ↑ "Copia arquivada". Arquivado dende o orixinal o 04 de marzo de 2016. Consultado o 06 de decembro de 2015.
- ↑ "Copia arquivada". Arquivado dende o orixinal o 05 de marzo de 2016. Consultado o 06 de decembro de 2015.
- ↑ "Copia arquivada". Arquivado dende o orixinal o 05 de marzo de 2016. Consultado o 06 de decembro de 2015.
- ↑ "Copia arquivada". Arquivado dende o orixinal o 22 de xaneiro de 2016. Consultado o 06 de decembro de 2015.
- ↑ http://www.houstondynamo.com/players
- ↑ http://www.mismarcadores.com/equipo/houston-dynamo/2i4sdl32/
- ↑ "Copia arquivada". Arquivado dende o orixinal o 29 de setembro de 2015. Consultado o 06 de decembro de 2015.