Ignacio Diego

Ignacio Diego

(2016)
Biografía
Nacemento	18 de maio de 1960 (64 anos) Castro Urdiales, España
Presidente de Cantabria
23 de xuño de 2011 – 6 de xullo de 2015
Datos persoais
Educación	Universidade de Valladolid
Actividade
Ocupación	enxeñeiro, político
Partido político	Partido Popular

Juan Ignacio Diego Palacios, nado en Castro Urdiales, Cantabria, o 18 de maio de 1960, máis coñecido por simplemente Ignacio Diego ou Nacho Diego, é un político español, oitavo presidente de Cantabria desde xuño de 2011 e sétima persoa que ocupa este cargo.

Foi elixido concelleiro no concello de El Astillero nos comicios de 1987 e 1991, e desempeñou as tarefas de alcalde do mesmo municipio tras as eleccións de 1995, 1999 e 2003. Desde 2004 preside o Partido Popular de Cantabria.

Carreira política

No ano 1988 foi elixido presidente de Nuevas Generaciones do Partido Popular de Cantabria e foi deputado do Congreso, membro do gabinete da presidencia da Asemblea Rexional e director xeral de Medio Ambiente.

Desde 1995 ocupou o cargo de alcalde do municipio de El Astillero con maioría absoluta e en novembro de 2004 foi elixido presidente do PP de Cantabria, substituíndo a José Joaquín Martínez Sieso no cargo. Ignacio Diego é deputado do Grupo Popular, membro da Comisión de Regulamento e forma parte tamén da Deputación Permanente.

En outubro de 2006 anunciou a súa dimisión como alcalde de Astillero para presentarse á presidencia do Goberno de Cantabria como candidato do PP nas eleccións autonómicas de 2007.

Nestes comicios, Ignacio Diego obtivo 17 escanos, polo que non conseguiu a maioría absoluta, dando lugar a que o pacto entre socialistas (PSC-PSOE) e rexionalistas (PRC) se revalidara de novo.

Foi reelixido presidente do Partido Popular de Cantabria co 94,5% dos votos no X Congreso Rexional, celebrado en Santander o 4 de outubro de 2008.

Presidencia de Cantabria

Nas eleccións do 22 de maio de 2011 gañou por maioría absoluta os comicios fronte ao anterior presidente de Cantabria, Miguel Ángel Revilla. O 23 de xuño do mesmo ano foi investido polo Parlamento como novo presidente autonómico e o luns 27 de xuño tomou posesión como tal.

Cargos desempeñados

• Presidente de NNGG de Cantabria.
• Alcalde de El Astillero. (1995-2006)
• Presidente do PP de Cantabria. (Desde 2004)
• Deputado do Parlamento de Cantabria. (Desde 2007)
• Presidente de Cantabria. (desde 2011)

Véxase tamén

Predecesor: Juan Antonio Maestro	Alcalde de El Astillero 1995-2006	Sucesor: Carlos Cortina
Predecesor: José Joaquín Martínez Sieso	Presidente do PP de Cantabria 2004-actualidade	Sucesor: No cargo
Predecesor: José Joaquín Martínez Sieso	Líder da oposición en Cantabria 2004-2011	Sucesor: Miguel Ángel Revilla
Predecesor: Miguel Ángel Revilla	Presidente de Cantabria 2011-actualidade	Sucesor: No cargo
Predecesor: Lola Gorostiaga	Portavoz do Goberno de Cantabria 2011-actualidade	Sucesor: No cargo