Igrexa da Veracruz

Igrexa da Veracruz
Tipo	igrexa e monumento
Localización
42°25′53″N 8°04′30″O
Estado	España
Comunidade autónoma	Galicia
Provincia	provincia de Ourense
Concello	O Carballiño
Implicados
Arquitecto(s)	Antonio Palacios Ramilo
Patrimonio cultural
Ben de interese cultural
Data	5 de outubro de 1995
Identificador	RI-51-0009048
[ Wikidata ]

A igrexa da Veracruz (coñecida localmente como a "igrexa nova") é un templo católico que se atopa no concello ourensán do Carballiño. É unha das últimas obras inacabadas do arquitecto galego Antonio Palacios (foi finalizada en 1957).

Historia

A construción do edificio foi financiada polos veciños, especialmente pola influencia do párroco Luciano Evaristo Vaamonde da Cortiña. As obras comezaron o 25 de xuño de 1943 e tardaron catorce anos en completarse. A morte de Antonio Palacios, o arquitecto xefe, atrasou a súa finalización. É difícil de clasificar en termos de estilo; aínda que se trata dun edificio contemporáneo, predominan a decoracións e elementos medievais; polo que se podería situar no estilo historicista. Está baixo a advocación de San Cibrao. Aínda que a torre está inacabada, a igrexa foi inaugurada o 17 de setembro de 1952. As obras remataron en 1957.

Características

A torre ten 52 metros de altura e está pechada porque o seu acceso non é seguro. A igrexa ten unha superficie de 1080 m².