Jacobo Otero Goday

Jacobo Otero Goday

Biografía
Nacemento	1883 O Grove, España
Morte	27 de xuño de 1964 (80/81 anos) O Grove, España
Alcalde do Grove
1913 – 1921 ← Leopoldo Benavides Otero
Datos persoais
Educación	Universidade de Santiago de Compostela
Actividade
Ocupación	médico, político
Familia
Pai	Francisco Otero Moraña
Irmáns	Francisco Otero Goday

Jacobo Francisco Otero Goday, nado no Grove en 1884 e finado no mesmo concello o 27 de xuño de 1964, foi un médico e político galego.

Traxectoria

Foi o décimo fillo de Francisco Otero Moraña. Estudou medicina na Universidade de Santiago de Compostela. Foi alcalde do Grove de 1913 a 1921. Na Segunda República foi presidente do Partido Republicano Gallego do Grove e despois pasou a Izquierda Republicana.

Co golpe de Estado do 18 de xullo de 1936 foi detido a principios de agosto e recluido na prisión de Pontevedra. Xulgado en Pontevedra por rebelión militar, foi condenado á pena de morte. Foille conmutada a pena pola de cadea perpetua. Estivo preso na illa de San Simón e logo foi trasladado ao Forte de San Cristovo (Pamplona). Recuperou a liberdade vixiada a principios dos anos corenta e volveu exercer como médico no Grove, dedicando parte do seu patrimonio a satisfacer as multas e sancións impostas pola ditadura. Era tío de Jacobo Barral Otero, que foi alcalde do Grove en 1936. Finou no Grove o 27 de xuño de 1934.

Recoñecementos

O pobo do Grove erixiu por subscrición popular en 1962 un monumento á súa memoria, obra de Alfonso Vilar Lamelas.

Véxase tamén

Bibliografía

• Mascato, Antón (2019). Atila no Grove. Crónica política e Memoria da masacre (1923-1948). Santiago de Compostela: Positivas. pp. 325–331. ISBN 978-84-120184-6-2. 

Ligazóns externas

• La saga de la casa de Lordelo

Predecesor: Leopoldo Benavides Otero

Alcalde do Grove  1913 - 1921

Sucesor: Tomás Oviedo García