Jaime Penedo
.jpg) (2015)  | |||||||||||||||||||||||||||||||||||||||||||||||||||||||||||||||||||
| Nome orixinal | Jaime Manuel Penedo Cano | ||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Biografía | |||||||||||||||||||||||||||||||||||||||||||||||||||||||||||||||||||
| Nacemento | 26 de setembro de 1981 (43 anos) Cidade de Panamá | ||||||||||||||||||||||||||||||||||||||||||||||||||||||||||||||||||
| Altura | 1,86 m. | ||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||||||||||
| Período de actividade | 1998 - 21 de febreiro de 2019 | ||||||||||||||||||||||||||||||||||||||||||||||||||||||||||||||||||
| Nacionalidade deportiva | Panamá | ||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||
| Liga | Major League Soccer | ||||||||||||||||||||||||||||||||||||||||||||||||||||||||||||||||||
| Posición de xogo | Gardameta | ||||||||||||||||||||||||||||||||||||||||||||||||||||||||||||||||||
| Número deportivo | 26 | ||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||
| Participou en | |||||||||||||||||||||||||||||||||||||||||||||||||||||||||||||||||||
| 2018 | Mundial de Fútbol Rusia 2018 |
||||||||||||||||||||||||||||||||||||||||||||||||||||||||||||||||||
  | |||||||||||||||||||||||||||||||||||||||||||||||||||||||||||||||||||
Jaime Manuel Penedo Cano, nado na Cidade de Panamá o 26 de setembro de 1981, é un exfutbolista panameño, que xogaba de porteiro. Militou en clubs de seis países, en América e Europa, e foi 137 veces internacional coa selección de Panamá, sendo o segundo futbolista que máis veces vestiu a súa camiseta. Gañou coa selección a Copa Centroamericana de 2009 e participou no Mundial de 2018 en Rusia.
Traxectoria
[editar | editar a fonte]Naceu na Cidade de Panamá, sendo fillo de dous dos numerosos inmigrantes galegos que chegaron ao país procedentes de Boborás.[1][2] Formouse como gardameta de fútbol no Estudiantes de Panamá e en 1998 debutou co primeiro equipo, no que xogou ata o ano 2002. A continuación pasou polo Plaza Amador e o Árabe Unido, e gañou con este último tanto o Torneo Apertura como o Clausura do ano 2004.
En 2005 aterrou en Europa para xogar en principio no Cagliari italiano,[3] pero acabou rexeitando a oferta do club e viaxou a España,[4] onde despois dun tempo sen equipo fichou polo Osasuna B.[5] Disputou 12 partidos co filial navarro na Segunda División B, e en 2007 marchou a Guatemala, onde asinou co CSD Municipal. Militou durante cinco anos no equipo da Cidade de Guatemala, gañando catro veces o campionato de liga guatemalteco e participando noutras tantas edicións da Liga de Campións da CONCACAF.
En 2013 fichou polo Los Angeles Galaxy dos Estados Unidos.[6] Xogou no equipo californiano ata mediados de 2015, compartindo equipo entre outros con Landon Donovan ou Robbie Keane, e proclamouse campión da MLS na súa primeira tempada. Foi titular na final, na que o seu equipo derrotou na prórroga ao New England Revolution.[7]
En xaneiro de 2016 fichou polo Deportivo Saprissa de Costa Rica, onde xogou ata mediados de 2016.[8][9] En xuño dese ano, foi contratado polo Dinamo de Bucarest de Romanía,[10] co que xogou dous anos, gañando unha Copa da Liga. En febreiro de 2019 anunciou a súa retirada do fútbol profesional.[11]
Selección panameña
[editar | editar a fonte]Foi 137 veces internacional coa selección de Panamá, sendo o segundo futbolista con máis partidos na historia do combinado, só por detrás de Gabriel Gómez (con 149). Debutou co equipo panameño en xuño de 2013, substituíndo a Francisco Portillo nun partido contra Cuba.[12]
Participou nas Copas de Ouro da CONCACAF de 2005 e 2013, sendo elixido en ambas mellor porteiro do torneo. En 2009 proclamouse con Panamá campión da Copa Centroamericana, despois de derrotar a Costa Rica na final disputada no Estadio Nacional de Tegucigalpa. En 2018 foi un dos 23 futbolistas panameños que participaron n no Mundial de Rusia. Foi titular nos tres encontros da súa selección no Mundial, quedando eliminados na fase de grupos. Tralo remate do torneo anunciou a súa retirada da selección, con 36 anos.[13]
Palmarés
[editar | editar a fonte]- Árabe Unido
- Primeira División de Panamá (2): Apertura 2004, Clausura 2004.
- Municipal
- Liga Nacional de Guatemala (4): Clausura 2008, Apertura 2009, Clausura 2010, Apertura 2011.
- LA Galaxy
- Major League Soccer (1): 2014.
- Dinamo de Bucarest
- Cupa Ligii (1): 2016/17.
- Selección de Panamá
- Copa Centroamericana (1): 2009.
Notas
[editar | editar a fonte]- ↑ "Al principio no asimilé la lesión pero ahora estoy bien: Penedo del Osasuna" (en castelán). 26 de xullo de 2006. Consultado o 24 de maio de 2022.
- ↑ Olga, Suárez (3 de maio de 2021). "El fuerte lazo que une Boborás y Panamá" (en castelán). Consultado o 24 de maio de 2022.
- ↑ "Portero panameño Penedo ficha por el Cagliari" (en castelán). 26 de xullo de 2005. Consultado o 24 de maio de 2022.
- ↑ "Dely no entiende por qué portero Penedo desaprovechó el Cagliari" (en castelán). 9 de agosto 2005. Consultado o 24 de maio de 2022.
- ↑ "Osasuna incorporará al meta panameño Penedo al equipo filial" (en castelán). 26 de maio de 2006. Consultado o 24 de maio de 2022.
- ↑ "Portero panameño Penedo viaja a Los Ángeles a finiquitar acuerdo con Galaxy" (en castelán). 2 de agosto de 2013. Consultado o 24 de maio de 2022.
- ↑ "LA Galaxy 2, New England Revolution 1: MLS Cup Final Match Recap". mlssoccer.com (en castelán). Arquivado dende o orixinal o 11 de xaneiro de 2015. Consultado o 24 de maio de 2022.
- ↑ Álvarez, Cristian (2 de decembro de 2015). "Saprissa anuncia fichaje del arquero Jaime Penedo" (en castelán). Consultado o 24 de maio de 2022.
- ↑ "Penedo es presentado por el Saprissa; nuevo reto para el arquero panameño" (en castelán). 12 de xaneiro de 2016. Consultado o 24 de maio de 2022.
- ↑ Vega Loo, Manuel (4 de xullo de 2016). "Jaime Penedo es contratado en el Dinamo de Bucarest" (en castelán). Consultado o 24 de maio de 2022.
- ↑ "Jaime Penedo anuncia su retiro del fútbol tras 20 años de carrera" (en castelán). 22 de febreiro del 2019. Consultado o 24 de maio de 2022.
- ↑ "Panama vs. Cuba 2003-06-29". national-football-teams.com (en inglés). Consultado o 24 de maio de 2022.
- ↑ "Portero Penedo se retira de selección de Panamá". Reuters (en castelán). 17 de agosto de 2018. Consultado o 24 de maio de 2022.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en fichajes.com (en castelán).
