Jean-Jacques Mercier
| Biografía | |
|---|---|
| Nacemento | 15 de setembro de 1826  Lausana, Suíza |
| Morte | 30 de marzo de 1903 (76 anos) Niza, Francia |
| Actividade | |
| Ocupación | curtidor (1864–1887), empresario |
| Familia | |
| Cónxuxe | Laure Marcel |
| Fillos | Jean-Jacques Mercier-de Molin |
| Pai | Jean-Jaques Mercier ll |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2012.) |
Jean-Jacques Mercier foi un importante empresario suízo, vencellado á historia moderna da cidade de Lausana.
Nado nunha familia de curtidores establecida en Lausana desde 1740, Jean-Jacques Mercier foi o terceiro en levar ese nome logo de seu pai e de ser avó. Comezou a súa carreira no negocio familiar, pero foi mediante o matrimonio como conseguiu entrar no círculo das antigas familias de Lausana nun tempo en que a mestura de ambientes era algo infrecuente. Moi involucrado en política, foi concelleiro na súa cidade entre 1866 e 1879 e tomou parte na elaboración da constitución do cantón de Vaud.
Curtidor durante 43 anos, Jean-Jacques Mercier demostrou unha gran capacidade para as vendas e tamén para a produción: baixo a súa dirección, a curtidoría familiar que comezou en 1740 ampliouse ata converterse nunha das industrias insignia da rexión na segunda metade do século XIX.
Jean-Jacques Mercier comprendeu rapidamente a importancia dun mercado americano en auxe, e estableceuse aló, o que lle proporcionou uns beneficios considerables. Coa riqueza adquirida na curtidoría, puido diversificar a súa actividade e mergullarse noutro sector: o desenvolvemento urbano de Lausana, co que se converteu nun dos propietarios máis importantes da cidade.
Foi el o principal impulsor do metro que conectou a estación de Lausana co porto de Ouchy en 1877, aproveitouse da terra escavada durante a construción para encher o val do Flon, no corazón da cidade, e crear un enorme predio para novos edificios. Así puido construír rapidamente unha estación de tren e establecer un negocio de almacéns. En 1884, comprou o Castelo de Ouchy, propiedade do goberno e a antiga residencia de bispos da que só quedaba unha torre en ruínas. Tras volver urbanizar a propiedade, fixo que o arquitecto Francis Isoz transformase o castelo nun hotel.
En 1893, Jean-Jacques Mercier estaba ben asentado no sector inmobiliario e comprou a propiedade do número oito da rúa do Grand-Chêne. Unha vez máis chamou ao arquitecto Francis Isoz para deseñar un edificio que segue sendo hoxe en día un dos monumentos máis impresionantes da cidade: a Maison Mercier.
