Jean-Victor Poncelet

Jean-Victor Poncelet
	; (1849)
Biografía
Nacemento	1 de xullo de 1788 ; Metz, Francia
Morte	22 de decembro de 1867 (79 anos); París, Francia
145º Presidente Academia francesa das ciencias
	1 de xaneiro de 1842 – 31 de decembro de 1842 ; ← Étienne Serres (pt) – Jean-Baptiste Dumas →
143º Presidente Academia francesa das ciencias
	11 de maio de 1840 – 31 de decembro de 1840 ; ← Siméon Denis Poisson – Étienne Serres (pt) →
Deputado da Asemblea Nacional
Datos persoais
Residencia	BS Asahi (en)
Educación	Escola Politécnica ; Lycée Fabert (en)
Actividade
Campo de traballo	Matemáticas, mecánica e Xeometría proxectiva
Lugar de traballo	Metz ; París
Ocupación	matemático, catedrático, enxeñeiro, físico, político, enxeñeiro militar
Empregador	Escola Politécnica
Membro de	Academia das Artes e das Ciencias dos Estados Unidos (1865–); Academia de Ciencias de Rusia (1857–); Royal Society (1842–); Accademia delle Scienze di Torino (1841–); Academia francesa das ciencias (1834–); Academia Prusiana das Ciencias (1832–); Academia de Ciencias de Hungría ; Sociedade Filomática de Paris (pt)
Carreira militar
Rango militar	brigadier general (en)
Conflito	Guerras napoleónicas
Obra
Arquivos en	Servizo Histórico de Defensa [ GR 8 YD 3113] ;
Premios
	(31 de maio de 1863) Orde do Mérito das Ciencias e as Artes; (9 de xullo de 1853) grande oficial da Lexión de Honra; (10 de decembro de 1850) comandante da Lexión de Honra; (5 de maio de 1842) Membro estranxeiro da Royal Society; (1825) Premio Montyon de Ciencia; Membro da Academia Estadounidense das Artes e as Ciencias; Cabaleiro da Lexión de Honra; Oficial da Lexión de Honra; os 72 nomes na Torre Eiffel (pt) ;
	Sinatura
Descrito pola fonte	Nordisk familjebok; Dicionario Enciclopédico Brockhaus e Efron; Biblioteca dixital BEIC

Jean-Victor Poncelet, nado en Metz o 1 de xullo de 1788 e finado en París o 22 de decembro de 1867, foi un matemático e enxeñeiro francés, autor de notables achegas que supuxeron a recuperación da xeometría proxectiva como unha disciplina matemática importante.

Traxectoria

Jean-Victor Poncelet naceu en Metz no ano 1788. Estudou na Escola Politécnica e na Academia Militar da súa cidade natal. Foi oficial do exército de Napoleón e participou na campaña contra Rusia; entre 1813 e 1814 estivo retido na prisión de Saratoff, despois de ser dado por morto durante a retirada de Moscova. Os seus descubrimentos matemáticos máis importantes, que haberían de renovar a xeometría proyectiva, foron xestados precisamente durante os anos de cativerio.

Ao volver a Francia, aproveitando os poucos intres libres que lle deixaban as súas funcións como enxeñeiro militar, dedicouse a pór por escrito e dar a coñecer os seus descubrimentos. En 1831 foi elixido membro da Academia de Ciencias, para ocupar a cadeira que o falecemento de Laplace deixara vacante, aínda que por razóns políticas tardou en aceptar o ofrecemento.

Contribucións

Débeselle fundamentalmente o importante principio de dualidade ou de Poncelet segundo o que:

Todo enunciado de xeometría proxectiva plana permanece válido se se substitúen os puntos por rectas, as rectas por puntos, a concorrencia de rectas polo aliñamento de puntos etc. e viceversa.

En 1822 publicou o seu libro sobre xeometría proxectiva, de forma que unha serie de problemas dificilmente resolubles pola antiga xeometría das formas, eran agora facilmente resoltos aplicando os novos métodos. A xeometría proxectiva fúndase por completo sobre o que chamaba un axioma de continuidade completamente simple: se se toma un arco de círculo cortado en dous puntos por unha recta, se se despraza a recta, hai un momento en que xa non toca o arco do círculo máis que nun punto e un momento no que se sae do círculo, xa non o toca en ningún punto. O axioma de continuidade de Poncelet habilita a posibilidade de tratar o caso da tanxente como un caso extremo, é dicir, que non é que un dos puntos desapareza, senón que os dous puntos sempre existen, pero virtuais. Cando a recta sae totalmente do círculo, non é que os dous puntos desaparezan, sempre están alí, pero ambos son virtuais. É precisamente este axioma da continuidade o que permite organizar todo un sistema de proxeccións, denominado sistema proxectivo.

Algunhas publicacións

Traité des propriétés projectives des figures. París (1822), 2 ed en 2 vols. 1862, 1865
Mémoire sur les roues hydrauliques verticais etc. Metz 1826
Cours de mécanique appliquée aux machines. Metz 1826
Théorie des effets mécaniques de la Turbine Fourneyron. Metz 1838
Introduction à la mécanique industrielle. Metz 1840

Honras

É un dos 72 científicos que ten o seu nome inscrito na Torre Eiffel.

Eponimia

O Poncelet é unidade obsoleta de potencia
O premio Poncelet, desde 1868

Xéneros

(Epacridaceae) Ponceletia R.Br^[1].
(Poaceae) Ponceletia Thouars^[2]

Notas

↑ Prodr.
↑ Fl. Tristan d'Acugna 36 1811 (IK)

Véxase tamén

Bibliografía

Bell, Eric Amorne. Men of mathematics, Touchstone books
Didion, M. (1870). Notice sur la vie et les ouvrages du général J. V. Poncelet. L'Académie nationale de Metz. in Mémoires de l’Académie nationale de Metz 1870 (50e année / 1868-1869; 2e série) pp. 101–159.
Bertrand, J. (1879). Mémoires de l'Académie des Sciences 41.
Taton, René (1970). "Jean-Victor Poncelet". Dictionary of Scientific Biography. New York: Gale Cengage. ISBN 978-0-684-16970-5.

Outros artigos

Teorema de Poncelet–Steiner

Ligazóns externas

[1] Prodr.

[2] Fl. Tristan d'Acugna 36 1811 (IK)

[1]

[2]