Jeanne d'Arc
| Jeanne d'Arc | |
|---|---|
| Ficha técnica | |
| Título orixinal | Jeanne d'Arc |
| Director | Luc Besson |
| Produtor | Patrice Ledoux |
| Guión | Luc Besson Andrew Birkin |
| Intérpretes | Milla Jovovich John Malkovich Faye Dunaway Dustin Hoffman |
| Música | Éric Serra |
| Fotografía | Thierry Arbogast |
| Montaxe | Sylvie Landra |
| Estudio | Gaumont |
| Distribuidora | Gaumont |
| Estrea | Estrea: 18 de outubro de 1999 27 de outubro de 1999 12 de novembro de 1999 |
| Duración | 158 minutos[1] |
| Orixe |  Francia |
| Xénero | Acción, drama |
| Orzamento | $60 000 000[2] |
| Recadación | $66 976 317 |
| Na rede | |
| http://www.joan-of-arc.com | |
           | |
Jeanne d'Arc (tamén coñecido en inglés como The Messenger: The Story of Joan of Arc) é un filme francés dirixido por Luc Besson que se estreou en 1999. Está protagonizado por Milla Jovovich, John Malkovich, Faye Dunaway e Dustin Hoffman. O guión foi escrito por Besson e Andrew Birkin, e a banda sonora orixinal foi composta por Éric Serra.
Conta a historia de Xoana de Arco, heroína de guerra francesa e mártir relixiosa do século XV. A historia comeza cando Xoana presencia as atrocidades dos ingleses contra a súa familia, e a partir dese intre comeza a ter visións que a inspiran a liderar ós franceses contra as forzas de ocupación inglesas. O seu éxito na loita permite que Carlos VII sexa coroado rei de Francia. Posteriormente, Xoana é executada e queimada viva acusada de herexía.
O filme anterior de Besson, Le Cinquième Élément, tamén protagonizado por Jovovich, foi un éxito da crítica e de recadación, e tivo unha grande influencia na carreira de ambos. Jeanne d'Arc pretendía continuar co éxito e asentar o status de Besson e Jovovich na industria do cine.[3] Porén, recibiu malas críticas, e unha recadación inferior á agardada,[4] conseguindo $67 millóns sobre un orzamento de $60 millóns.
Sinopse
[editar | editar a fonte]En 1412, nace en Domrémy (Francia) a Doncela de Orleáns. A guerra dos Cen Anos contra Inglaterra dura xa case un século e devastou Francia. Xoana é unha rapaza moi relixiosa, e despois de ter a súa primeira visión, volve ó seu fogar e atópase con que os ingleses acabaron coa súa familia. Algúns anos despois, completamente convencida de que Deus lle encomendou a misión de expulsar ós ingleses de Francia, vai ver ó Delfín, o futuro Carlos VII, que lle proporciona tropas para levantar o sitio de Orleáns.
Personaxes
[editar | editar a fonte]- Milla Jovovich como Xoana de Arco
- John Malkovich como Carlos VII de Francia
- Faye Dunaway como Iolanda de Aragón
- Dustin Hoffman como A Conciencia
- Andrew Birkin como John Talbot
- Vincent Cassel como Gilles de Rais
- Pascal Greggory como Xoán II, Duque de Alençon
- Richard Ridings como La Hire
- Desmond Harrington como Jean d'Aulon
- Timothy West como Pierre Cauchon
Galardóns e nomeamentos
[editar | editar a fonte]- 1999: Nomeada ós Premios Razzie: Peor actriz (Milla Jovovich)
- 1999: Premios César: 2 Premios. 8 nomeamentos.
Notas
[editar | editar a fonte]- ↑ "The Messenger: The Story of Joan of Arc (1999)". Box Office Mojo. Consultado o 30 de abril de 2013.
- ↑ Hayward, p. 162.
- ↑ Hayward, p. 161.
- ↑ "Luc Besson". MSN. Arquivado dende o orixinal o 28 de novembro de 2014. Consultado o 5 de outubro de 2014.
Véxase tamén
[editar | editar a fonte]Bibliografía
[editar | editar a fonte]- Hayward, Susan; Powrie, Phil (2009). The Films of Luc Besson: Master of Spectacle. Manchester: Manchester University Press. ISBN 978-0-7190-7029-7.
Ligazóns externas
[editar | editar a fonte]- Jeanne d'Arc na IMDb (en inglés).
- Ficha en AllMovie (en inglés)
- Ficha en BoxOfficeMojo (en inglés)
- Ficha en RottenTomatoes (en inglés)
| Control de autoridades |
|
|---|
