Luc Besson

Luc Besson
	; (2016)
Biografía
Nacemento	(fr) Luc Paul Maurice Besson ; 18 de marzo de 1959 (65 anos); París, Francia
Presidente do xurado do Festival de Cannes
	; ← David Cronenberg – Liv Ullmann →
Actividade
Ocupación	produtor de cinema, escritor de literatura infantil, montador, produtor delegado, actor, director de cinema, guionista, realizador
Período de actividade	1981 -
Obra
	Obras destacables (1994) Léon; (2006) Arthur et les Minimoys (pt) ;
Familia
Cónxuxe	Virginie Silla (2004–); Milla Jovovich (1997–1999); Maïwenn (1992–1997); Anne Parillaud (1986–1991)
Fillos	Satine Besson; () Virginie Silla; Juliette Besson; () Anne Parillaud; Shanna Besson; () Maïwenn; Talia Besson; () Virginie Silla; Mao Besson; () Virginie Silla
Premios
	(2016) Premio Inkpot; (1998) César de melhor realizador (pt) , premiado polo traballo Le Cinquième Élément; (1983) Sitges Film Festival Best Director award (en) , premiado polo traballo O Último Combate (pt) ;
Descrito pola fonte	Obálky knih,
Páxina web	lucbesson.fr →

Luc Paul Maurice Besson, nado o 18 de marzo de 1959 en París, Francia, é un director, guionista e produtor francés de cinema. Entre as súas obras destacan Le Grand Bleu, Nikita, Léon, Le Cinquième Élément e Arthur et les Minimoys. Ten no seu haber numerosos premios de cinema tanto franceses como internacionais.

Traxectoria

Fillo dun matrimonio de monitores de submarinismo, criouse en Iugoslavia e Grecia. Por mor dun accidente de mergullo tivo que abandonar a idea de se converter en biólogo mariño e decidiu dedicarse ao cinema.

Despois de traballar coma asistente de dirección e de dirixir catro curtametraxes, debutou coma director en 1982 con Le dernier combat, un drama visual apocalíptico carente de diálogos ao longo de toda a cinta. En 1985 dirixiu o filme de xénero policiaco Subway, con Christopher Lambert e Isabelle Adjani coma protagonistas. Posteriormente rodou Le Grand Bleu en 1988, filme que trata sobre a apnea e que, a pesar de ser rexeitado maioritariamente pola crítica, se converteu nun filme de culto^{[Cómpre referencia]}.

En 1991 traballou con Anne Parillaud en Nikita, unha longametraxe sobre unha criminal que recibe formación por parte dos servizos secretos para devir unha asasina; o seu éxito nos Estados Unidos foi tal que o director John Badham rodou en 1993 unha segunda versión co título A asasina. O seu documental mariño Atlantis, de 1991, causou unha grande impresión pola calidade da súa fotografía^{[Cómpre referencia]}.

Besson traballou en numerosas producións co actor francés Jean Reno, quen interpretou entre outros o papel principal en Léon (1994), filme que supuxo o descubrimento de Natalie Portman. Igualmente, Besson destaca pola colaboración que fai nas bandas sonoras xunto a Eric Serra, quen compón a música para as súas obras. A custosa produción de ciencia ficción Le Cinquième Élément, de 1997, con Bruce Willis e Milla Jovovich nos papeis principais, foi un grande éxito de público. En 1999 rodou Jeanne d'Arc, unha película de corte histórico que recrea a vida da Doncela de Orleáns.

Co filme Arthur et les Minimoys, de 2006, Besson rodou a historia de catro volumes que el mesmo escribiu. Na versión inglesa contou coas voces de Madonna, Snoop Dogg e David Bowie, entre outros. En 2007 escribiu o guión de Taxi 4 e participou coma produtor no filme Flora Plum (2010), dirixido por Jodie Foster.

No ano 2000 fundou a empresa Europacorp para producir e distribuír filmes a nivel internacional.

Filmografía

Coma director

The Last Battle (1983)
Subway (1985)
Le Grand Bleu (1988)
Nikita (1990)
Atlantis (1991)
Léon (1994)
Le Cinquième Élément (1997)
Jeanne d'Arc (1999)
Angel-A (2005)
Arthur et les Minimoys (2006)
Arthur et la vengeance de Maltazard (2009)
Les Aventures extraordinaires d'Adèle Blanc-Sec (2010)

Coma produtor

Videoclips

Pull Marine : Isabelle Adjani (1983)
Mon Légionnaire : Serge Gainsbourg (1988)
Que mon coeur lâche : Mylène Farmer (1993)
Love Profusion : Madonna (2003)

Véxase tamén

Ligazóns externas

Luc-besson.com Sitio Web Oficial