Johann Friedrich von Eschscholtz

Johann Friedrich von Eschscholtz

Nome orixinal	Johann Friedrich Gustav von Eschscholtz
Biografía
Nacemento	1 de novembro de 1793 Dorpat, Gobernorato de Riga, Imperio Ruso (Hoxe Tartu, Estonia)
Morte	19 de maio de 1831 Dorpat, Gobernorato de Riga, Imperio Ruso
Causa da morte	Tifo
Catedrático
Datos persoais
País de nacionalidade	rusa (Alemáns do Báltico)
Formación profesional	Medicina
Educación	Universidade Imperial de Dorpat
Actividade
Campo de traballo	Botánica
Ocupación	Médico, anatomista, explorador, botánico, zoólogo e profesor de universidade
Empregador	Universidade Imperial de Dorpat
Membro de	Leopoldina Academia Prusiana das Ciencias
Obra
Abreviación dun autor en botánica	Eschsch.
Abreviatura do autor en zooloxía	Eschscholtz
Arquivos en	Biblioteca e Arquivos do Canadá (pt) Biblioteca Nacional da Alemanha (pt) California Academy of Sciences (pt) Museum für Naturkunde Berlin, Archive (en) [ MfN, HBSB, ZM S I, Eschscholtz, F.], [ MfN, HBSB, ZM S I, Eingangskatalog 1811-1857]
Premios
Membro da Leopoldina Membro da Academia prusiana das Ciencias
Descrito pola fonte	Dicionario Enciclopédico Brockhaus e Efron Russian Biographical Dictionary (en) Grande Enciclopedia Yuzhakov

Johann Friedrich von Eschscholtz (en ruso, Иоганн Фридрих фон Эшшольц), nado o 1 de novembro de 1793 Dorpat, Gobernorato de Riga, Imperio Ruso (hoxe Tartu, Estonia), e finado na mesma cidade o 19 de maio de 1831, foi un médico, anatomista, explorador, botánico, zoólogo e profesor de universidade ruso (da minoría étnica dos alemáns do Báltico).

Traxectoria

Eschscholtz estudou Medicina na Universidade Imperial de Dorpat (hoxe Universidade de Tartu), e comezou a súa carreira principal alí: foi profesor extraordinario de Anatomía (1819), director de Zooloxía (1822) e profesor titular de Anatomía (1828).

Entre 1815 e 1818 foi o médico e naturalista na nave rusa expedicionaria Rurick, baixo as ordes de Otto von Kotzebue. Recolectou especies en Brasil, Chile, California, nas illas do Pacífico, e no estreito de Bering, Kamchatka e nas illas Aleutianas.

O outro naturalista a bordo era o botánico Adelbert von Chamisso, que coleccionou con Eschscholtz os espécimes de insectos durante a viaxe. Os dous eran amigos íntimos, e Chamisso denominou a papoula de California co nomee científico de Eschscholzia californica no seu honor. Os resultados da viaxe publicáronse na revista de Berlín Entomographien en 1822.

De 1823 a 1826 Eschscholtz fixo unha segunda viaxe, na nave Predpriaetie, de novo con Kotzebue como comandante. As coleccións máis grandes, principalmente de coleópteros, recolectáronse nos trópicos e en Alasca, Sitka e California.

Antes da súa temperá morte Eschscholtz visitou o especialista francés en coleópteros Pierre François Marie Auguste Dejean. Eschscholtz describiu coleópteros que el coleccionara usando a colección de Dejean para decidir que era novo. Os nomes binomiais que el lles deu, a as súas descricións, foron publicadas por Dejean despois da morte de Eschscholtz. Dejean atribuínos a Eschscholtz, pero as regras da nomenclatura binominal máis tarde o excluíron.

Eschscholtz foi un dos primeiros e máis importantes científicos na exploración do Pacífico, Alasca e California. Entre as súas publicacións destacan System der Akalephen (1829) e o Zoologischer Atlas (1829-1833).

En 1821, von Eschscholtz foi elixido membro da Academia alemá das ciencias naturais Leopoldina.

Eschscholtz foi o primeiro naturalista en describir o verme landra (Balanoglossus), que encontrou nas illas Marshall en 1825.

As súas coleccións de insectos están no Museo Zoolóxico de Moscova, e nos Museos de Dorpat (Tartu) e Helsinqui.

Honores

Eponimia

• Kotzebue nomeu unha iila das Marshall como atol Eschscholtz (que se renomeou en 1946 como atol Bikini).
• Kotzebue tamén deu nome ne seu honor a unha pequena baía situada ao final do Kotzebue Sound (en Alasca), a baía Eschscholtz.
• O xénero Eschscholzia foi nomeado no seu honor.

Abreviaturas

• A abreviatura Eschsch. emprégase para indicar a Johann Friedrich von Eschscholtz como autoridade na descrición e clasificación científica en botánica.
• A abreviatura Eschscholtz emprégase para recoñecer a Johann Friedrich von Eschscholtz como autoridade na descrición e taxonomía en zooloxía.

Véxase tamén

Bibliografía

• Beidleman, Richard G. (2006). California's Frontier Naturalists. University of California Press. pp. 48–60. 
• Daum, Andreas W. (2019). "German Naturalists in the Pacific around 1800: Entanglement, Autonomy, and a Transnational Culture of Expertise". En Berghoff, Hartmut. Explorations and Entanglements: Germans in Pacific Worlds from the Early Modern Period to World War I. Berghahn Books. pp. 79–102. 
• Essig, E. O. (1931) History of Entomology.
• McKelvey, Susan Delano (1998). "Eschscholtz and Von Chamisso Spend a Month at the Bay of San Francisco" (PDF). Fremontia 26 (3). 
• Pont, A. C. (1995). The dipterist C. R. W. Wiedemann (1770–1840). His life, work and collections. Steenstrupia 21: 125 - 154.
• Sterling, Keir B., ed. (1997). "Eschscholtz, Johann Friedrich". Biographical Dictionary of American and Canadian Naturalists and Environmentalists. Greenwood Press. 
• "Eschscholtz, Johann Friedrich Gustav von (1793-1831)". JSTOR Global Plants (ITHAKA).