José María Urquiola Iglesias
| Biografía | |
|---|---|
| Nacemento | 1906  Mieres, España |
| Morte | 25 de novembro de 1979 (72/73 anos) Oviedo, España |
| Outros nomes | Chema Urquiola Pepe Tino |
| Actividade | |
| Ocupación | maquis |
| Carreira militar | |
| Conflito | guerra civil española |
 | |
José María Urquiola Iglesias, coñecido como Chema ou Pepe ou Tino, nado en Mieres en 1906 e finado en Oviedo o 25 de novembro de 1979, foi un guerrilleiro antifranquista.
Traxectoria
[editar | editar a fonte]Militante do PCE. En xuño de 1943 foi o encargado de solicitar aos guerrilleiros da Federación de Guerrillas de León-Galicia reunidos en Ferradillo a súa incorporación á Unión Nacional, que nun principio foi rexeitada. Pero en setembro, no III Congreso da Federación, esta adheriuse. Foi o encargado de reconstituír os comités provinciais do PCE. En 1944 foi procesado con Antonio Paleo Saavedra, Severino González Guitián e outros no sumario 390/44 do Xulgado Militar Especial de Oviedo por un delito contra a Lei de Seguridade do Estado.[1]
Foi detido o 7 de xaneiro de 1945 en Ourense, e como consecuencia caeron 79 persoas na provincia de Lugo e en Ferrol, o que provocou unha desfeita no Partido Comunista. Fuxiu cando era trasladado a Madrid,[2] pero foi novamente detido na capital do Estado en 1945. Xulgado por rebelión militar na Coruña no proceso 75/1946, en consello de guerra celebrado o 17 de xullo de 1946 con Enriqueta Otero, Julio Nieto López, Ramón Vivero Geada e Marcelino Villares Santiago, foi condenado a pena de morte.[3][4] A pena foi conmutada a reclusión perpetua e finalmente a trinta anos de prisión. Cumpriu condena na Prisión Central de Burgos, de onde saíu en liberdade condicional en xaneiro de 1959.[5]
Notas
[editar | editar a fonte]- ↑ Boletín Oficial da Provincia de Oviedo, 20-1-1945, p. 2.]
- ↑ Requisitoria no BOE, 3-2-1945, p. 398.
- ↑ La Voz de Galicia, 18-7-1946, p. 6.
- ↑ El Ideal Gallego, 19-7-1946, p. 4.
- ↑ BOE, 19-3-1959, p. 4364.
Véxase tamén
[editar | editar a fonte]Bibliografía
[editar | editar a fonte]- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. ISBN 84-8485-231-8.
