José Mateo Mariñas
| Biografía | |
|---|---|
| Nacemento | 8 de setembro de 1918  Bembibre, España |
| Morte | valor descoñecido valor descoñecido |
| Actividade | |
| Ocupación | xornalista, político |
José Mateo Mariñas Ferrero, nado en Bembibre (O Bierzo) o 8 de setembro de 1918, foi un xornalista e político español.
Traxectoria
[editar | editar a fonte]Incorporouse ao PSOE en 1935. Na guerra civil foi sarxento de Intendencia no exército leal.[1] Nos anos corenta residía en Rábade e foi o contacto do partido para organizar a Federación Provincial do PSOE de Lugo, con Manuel Cobas Rodríguez, Luis Fernández del Valle, Graciano Leivas Freire, Antonio Vidal Vilas e outros. Detidos en xullo de 1945, acusados de rebelión na causa 321/45, foron xulgados en Lugo o 20 de abril de 1946. Cobas, Mariñas e Vidal foron condenados a seis meses e un día, e Luis foi condenado a nove meses de prisión. José Mateo Mariñas saíu en liberdade o 27 de xuño de 1946.
En 1949 foi nomeado correspondente en España do semanario mexicano Claridad e trasladouse a Madrid.[2] Dende xullo de 1949 enviou crónicas de Madrid para El Progreso.[3] Foi crítico taurino. Restablecida a democracia formou parte da Agrupación Socialista de Chamartín (Madrid). Traballou como xornalista en TVE. Foi elixido vicepresidente da Unión de Periodistas en abril de 1978.[4]
Notas
[editar | editar a fonte]- ↑ Diario Oficial del Ministerio de Defensa Nacional, 26-12-1938, p. 1386.
- ↑ El Progreso, 28-4-1949, p. 2.
- ↑ El Progreso, 7-7-1949, p. 4.
- ↑ Elegida la junta directiva de la Unión de Periodistas
Véxase tamén
[editar | editar a fonte]Bibliografía
[editar | editar a fonte]- Expediente procesual de José Mateo Mariñas Ferrero
- "Reorganización y proceso de estructuración del sindicalismo socialista en Galicia" / Guillerme Pérez Agulla e Rogelio Pérez Poza, in Análisis históricos del sindicalismo en España. Del Franquismo a la estabilidad democrática (1970‐1994) Arquivado 12 de setembro de 2021 en Wayback Machine.
