Manuel Cobas Rodríguez
| Biografía | |
|---|---|
| Nacemento | 1902  Lugo, España |
| Morte | decembro de 1983 (80/81 anos) Lugo, España |
| Actividade | |
| Ocupación | político, sindicalista |
 | |
Manuel Cobas Rodríguez, nado en Lugo en 1902 e finado no mesmo concello en decembro de 1983,[1] foi un político galego.
Traxectoria
[editar | editar a fonte]Dependente de comercio. Membro da UGT, foi secretario do sindicato de Comercio e presidente da Sociedad Instructiva Dependientes Comercio en 1933 e 1935. Afiliado á Agrupación Socialista de Lugo da que foi vogal, foi concelleiro de Lugo polo PSOE en 1936 e nomeado 4º Tenente-Alacalde. Participou nas reunións a favor do Estatuto de Autonomía. Logo do golpe de Estado do 18 de xullo de 1936 foi procesado. detido o 4 de abril de 1940. Xulgado na causa 200/40, foi condenado a prisión temporal. Saíu en liberdade o 15 de decembro de 1941. Nos anos corenta participou no intento de reorganización do PSOE en Lugo e na Coruña con Luis Fernández del Valle, José Mateo Mariñas Ferrero, Graciano Leivas Freire, Antonio Vidal Vilas e outros. Foi detido con Graciano Leivas o 25 de xullo de 1945 acusado de actividades clandestinas de tipo socialista. Permaneceron na Prisión Provincial de Lugo ata o 29 de agosto, cado foron trasladados á Prisión Provincial da Coruña. Acusados de rebelión, Cobas, Mariñas e Vidal foron condenados a seis meses e un día, e Luís Fernández del Valle foi condenado a nove meses de prisión. Cobas foi novamente trasladado á prisión de Lugo o 24 de maio de 1946, de onde saíu en liberdade o 26 de xuño dese ano.
Ingresou outra volta na prisión o 24 de febreiro de 1947 acusado de axudar á guerrilla, xunto a Carmen Ares Fernández. Procesado na causa 99/47 por "encubridores de bandoleros", foi xulgado en Lugo o 30 de xaneiro de 1948 xunto con Lino Carrera Falcón, Primitivo Rodríguez Otero, José Coronas Rodríguez, Aniceto Díaz Pereira, América Díaz Pereira, Fidel Díaz Pérez, José María Díaz Cortón, Faílde Fernández Teijeiro, Antonio Freire Sanjurjo, Carmen Freire Sanjurjo, Donato Freire Barja, Anunciación Grandela Novo, Modesto López Rodríguez, Francisco Pacio Rodríguez, Manuel Páxaro Seijas, Darío Peinó Jardín, Manuel Pérez Penelas, David Rico Seivane, Serafín Rico Seivane, Salvador Riopedre Río, José Benito Sanjurjo Onega e Josefa Teijeiro Linares. Foi condenado a un ano e seis meses de prisión menor.[2] Saíu en liberdade condicional o 10 de abril de 1948.[3] Pertenceu á organización socialista clandestina de Lugo nos anos sesenta, da que foi secretario.
Notas
[editar | editar a fonte]- ↑ La Voz de Galicia, Lugo, 6-12-1983, p. 39.
- ↑ Expediente procesual de Primitivo Rodríguez Otero
- ↑ ""Reorganización y proceso de estructuración del sindicalismo socialista en Galicia" / Guillerme Pérez Agulla e Rogelio Pérez Poza, in Análisis históricos del sindicalismo en España. Del Franquismo a la estabilidad democrática (1970‐1994)" (PDF). Arquivado dende o orixinal (PDF) o 12 de setembro de 2021. Consultado o 12 de setembro de 2021.
Véxase tamén
[editar | editar a fonte]Bibliografía
[editar | editar a fonte]- Cabana Iglesia, Ana (2008). "«Escravo das miñas confidencias e apoio ñas miñas necesidades...» Contribución ao estudo da «Guerrilla do chao» no rural galego: a rede de enlaces do guerrilleiro Manuel Castro Tellado". A patria enteira. Homenaxe a Xosé Ramón Barreiro Fernández. Santiago de Compostea ; A Coruña: Consello da Cultura Galega ; Universidade de Santiago de Compostela ; Real Academia Galega. pp. 65–82. ISBN 978-84-9887-000-8.
Ligazóns externas
[editar | editar a fonte]
