José Navas
| Nome orixinal | (es) José Navas Amores  |
|---|---|
| Biografía | |
| Nacemento | 2 de decembro de 1957 (67 anos) Portugalete, España |
.svg){kind=small} Deputado no Congreso dos Deputados | |
| 20 de marzo de 1996 – 5 de abril de 2000 Lexislatura: VI lexislatura de España Circunscrición electoral: Biscaia Electo en: Eleccións Xerais 1996 en España | |
| Actividade | |
| Lugar de traballo | Madrid |
| Ocupación | político |
| Partido político | Ezker Batua - Berdeak |
José Navas Amores, nado en Portugalete (Biscaia), en 1957 é un político vasco de Ezker Batua-Berdeak.
Traxectoria
[editar | editar a fonte]José Navas naceu na localidade biscaíña de Portugalete en 1957. Ten formación como electricista, cursando mestría industrial. Navas chegou á política desde o mundo do sindicalismo.
Foi concelleiro de Esquerda Unida na súa localidade natal entre 1991 e 1996. En 1996, abandonou o seu cargo de concelleiro ó ser elixido Deputado do Congreso pola Provincia de Biscaia dentro da candidatura de Esquerda Unida-Ezker Batua. Foi deputado entre 1996 e 2000 dentro do Grupo Parlamentario Federal de Esquerda Unida. Desta forma José Navas converteuse no único deputado que obtivo na súa historia a coalición Esquerda Unida no País Vasco. A súa elección coincidiu co teito electoral histórico desta formación política que chegou a obter o 9,21% dos votos no País Vasco naquelas eleccións, o mellor resultado da súa historia.
Volveu ocupar o cargo de concelleiro en Portugalete entre 1999 e 2003. En 2001 a sede de Esquerda Unida-Ezker Batua en Portugalete sufriu un ataque de kale borroka tras votar Navas en contra de permitir a homenaxe a un expreso de ETA.[1]
En 2002 trasládase a vivir a Vitoria onde entra a traballar como asesor do Conselleiro de Vivenda e Asuntos Sociais do Goberno Vasco, Javier Madrazo. O seu labor foi a de técnico de orzamentos na Consellería de Vivenda e Asuntos Sociais.
Instalado en Vitoria, pasou a converterse rapidamente na cabeza visible do seu partido no eido local da capital arabesa. Foi candidato de Ezker Batua-Berdeak á alcaldía de Vitoria nas eleccións municipais de 2003 e 2007, sendo elixido en ambas ocasións concelleiro e exercendo como voceiro do seu partido no consistorio vitoriano. Nas eleccións municipais de 2011 foi por terceira vez candidato do seu partido á alcaldía de Vitoria,[2] pero nesta ocasión non logrou revalidar a súa acta, ó quedar o seu partido sen representación.[3]
Notas
[editar | editar a fonte]- ↑ "Atacan la sede de IU-EB en Portugalete por votar en contra de un homenaje a un ex-preso de ETA". Arquivado dende o orixinal o 26/10/2009. Consultado o 26/10/2009.
- ↑ José Navas: «EB crecerá porque Lazcoz ha generado un ejército de ciudadanos cabreados», El Correo, 17/5/2011.
- ↑ "El PP se impone también en Vitoria" El Diario Vasco.