José Romero González
| Biografía | |
|---|---|
| Nacemento | 1899  Lavadores, España |
| Morte | 2 de febreiro de 1937 (37/38 anos) Vigo, España |
| Causa da morte | paseo, ferida por arma de fogo |
| Actividade | |
| Ocupación | metalúrxico, político |
 | |
José Romero González, coñecido como Pepe Merrello, nado en Lavadores en 1899 e finado en Vigo o 2 de febreiro de 1937, foi un metalúrxico e político galego.
Traxectoria
[editar | editar a fonte]Metalúrxico domiciliado no barrio de Naia, de Lavadores. Co golpe de Estado do 18 de xullo de 1936 fuxiu. Reclamado polo xuíz militar de Vigo mediante requisitoria o 12 de setembro.[1] Volveu ser reclamado polo xuíz militar de Vigo o 11 de novembro xunto con Guillermo Santos Caride, o seu irmán Jaime Santos Caride e Álvaro Ballesteros Estévez.[2] Foi procesado en rebeldía en dúas causas militares. Agochado na casa da súa moza en Castrelos, foi delatado. Chegaron na súa procura gardas civís e falanxistas e ao tentar fuxir caeu nunha gabia e dispararonlle alí. O seu corpo foi conducido ao cemiterio de Pereiró, onde se rexistrou a súa morte a causa de hemorraxia intratorácica.
