José Sabariz García
| Biografía | |
|---|---|
| Nacemento | Antas de Ulla, España  |
| Morte | 15 de marzo de 1936 Antas de Ulla, España |
| Actividade | |
| Ocupación | labrego, político |
José Sabariz García, nado en Antas de Ulla e finado no mesmo concello o 15 de marzo de 1936, foi un labrego e político galego.
Traxectoria
[editar | editar a fonte]Militante de Izquierda Republicana. O 16 de febreiro de 1936, cando se celebraban as eleccións a Cortes, encontrándose nun colexio electoral de Antas de Ulla, José Varela Basabrú disparoulles a el, a Victorino García Otero e a outro. José e Victorino foron trasladados ao Hospital de Lugo.[1] Finou na súa casa de Antas de Ulla o 15 de marzo. Ao seu enterro asistiron o gobernador civil de Lugo e outras autoridades[2][3] A súa morte foi noticia na prensa estatal porque o autor dos disparos, José Varela, era o xenro de José Benito Pardo Rodríguez (Pepe Benito).