José Vázquez Grela
![]() ![]() | |
Biografía | |
---|---|
Nacemento | 6 de xullo de 1886 ![]() Ames, España ![]() |
Morte | 12 de setembro de 1936 ![]() Nigrán, España ![]() |
Datos persoais | |
País de nacionalidade | España ![]() |
Actividade | |
Ocupación | xornalista , mestre ![]() |
Lingua | Lingua castelá ![]() |
José Vázquez Grela, nado en Ames o 6 de xullo de 1886[1] e finado en Nigrán o 12 de setembro de 1936, foi un mestre, agrarista e xornalista galego.
Traxectoria[editar | editar a fonte]
![](http://upload.wikimedia.org/wikipedia/commons/thumb/4/4c/Jos%C3%A9_V%C3%A1zquez_Grela_cos_seus_alumnos_premiados_pola_FAR_da_Estrada_en_Buenos_Aires_1930.jpg/250px-Jos%C3%A9_V%C3%A1zquez_Grela_cos_seus_alumnos_premiados_pola_FAR_da_Estrada_en_Buenos_Aires_1930.jpg)
Emigrou a América. Ao retornar instalouse en Cuntis, onde participou no movemento agrario, ocupando o cargo de xefe das sociedades agrarias de Cuntis, foi redactor de El Bólido e colaborou en Acción Agraria. Despois fundou El Bólido de Cuntis. Rematou a carreira de Maxisterio en 1920[2]. Foi mestre interino no Porriño e Mesego (Cuntis). Na ditadura de Primo de Rivera foi mestre en Graba (Silleda) e Santa Cristina de Vea (A Estrada). En 1931 pediu traslado para Nigrán. Pertenceu á directiva da Asociación de Trabajadores de la Enseñanza de Vigo e foi membro da Agrupación Socialista de Vigo. Na folga xeral revolucionaria de 1934 foi detido e estivo dous meses preso. Participou na campaña do Estatuto de Autonomía. Logo do golpe de Estado do 18 de xullo de 1936 foi detido e paseado no Barrio da Devesa de Nigrán o 12 de setembro.
Vida persoal[editar | editar a fonte]
Casou con Josefa Iglesias, natural de Cuntis, coa que tivo seis fillos: María Asunción, Antonio Manuel, Julia, Alfredo e José Gonzalo.
Notas[editar | editar a fonte]
- ↑ Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 58.
- ↑ El Noticiero Gallego, 4-6-1920, p. 4.
Véxase tamén[editar | editar a fonte]
Bibliografía[editar | editar a fonte]
- Méixome, Carlos (2021). Catas na memoria. A persecución franquista no Val de Miñor. Santiago de Compostela: Laiovento. pp. 34–52. ISBN 978-84-8487-506-2.
Ligazóns externas[editar | editar a fonte]
- Nigrán homenaxea ao mestre republicano José Vázquez Grela, fusilado no 36Arquivado 10 de agosto de 2019 en Wayback Machine.
- Nigrán honra o seu mestre de mestres
- José Vázquez Grela na páxina web Nomes e Voces.