Xoán Manuel Jiménez Morán
| Biografía | |
|---|---|
| Nacemento | 22 de setembro de 1956  (68 anos)Verín, España |
 Alcalde de Verín | |
| 2007 – 2015 ← Emilio González Afonso – Gerardo Seoane Fidalgo → | |
| Alcalde de Verín | |
| 1995 – abril de 2004 (moción de censura) ← Emilio González Afonso – Emilio González Afonso → | |
| Actividade | |
| Lugar de traballo | Verín |
| Ocupación | político |
| Partido político | Partido Popular |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xuño de 2015.) |
Juan Manuel Jiménez Morán, nado en Verín o 22 de setembro de 1956, é un político galego do PPdeG.
Traxectoria
[editar | editar a fonte]Diplomado universitario en enfermería (ATS) e estudou menciña ata 4º curso na Universidade de Santiago de Compostela.
Nas eleccións municipais de 1983 concorreu como independente na listas de Coalición Galega en Verín e resultou escollido concelleiro, pasando a ostentar responsabilidades de goberno co alcalde Santiago Cid Harguindey. Volveu a ser elixido concelleiro nas municipais de 1987 e de 1991 baixo as siglas de AP-Centristas de Galicia e Converxencia Centrista-CDS, respectivamente, e baixo o liderado de Cid Harguindey que revalidou novamente a alcaldía. Porén, o 17 de outubro de 1991 perderon o goberno tras unha moción de censura. En decembro de 1991 pasou a formar parte xunto co seu grupo do PPdeG, trala integración de Centristas de Galicia en dita formación.
Nas municipais de 1995 foi candidato do PPdeG á alcaldía de Verín e foi elixido alcalde con maioría absoluta. Nas municipais de 1999 revalidou a alcaldía, novamente con maioría absoluta e en 2003 por maioría simple. En abril de 2004 unha moción de censura do PSdeG-PSOE, o BNG e os independentes do anterior alcalde Santiago Cid Harguindey desaloxouno da alcaldía. Nas municipais de 2007 recuperou a alcaldía tras lograr a maioría absoluta. Nas municipais de 2011 volveu ser novamente elixido tras revalidala maioría absoluta.
Nas municipais de 2015 non logrou a maioría absoluta, polo perdeu a alcaldía tras un pacto entre o PSdeG-PSOE e o BNG que fixo alcalde ó candidato socialista Gerardo Seoane Fidalgo. Nas municipais de 2019 pasou a ser a terceira forza por detrás do PSdeG e o BNG, polo que permaneceu como portavoz na oposición ata o final do mandato.
Dende 1994 ata 2011 foi membro do consello de administración da CRTVG.
Jiménez Morán foi o aliado e man dereita de Alberto Núñez Feijóo[1] nos conflitos internos do PPdeG na provincia de Ourense e chegou a disputarlle o liderado provincial do partido a Xosé Manuel Baltar en xaneiro de 2010[2], o fillo de Xosé Luís Baltar.
En novembro de 2011, logo das Eleccións Xerais, foi designado polo Parlamento de Galicia como un dos senadores en representación da comunidade autónoma. Volveu ser designado tralas xerais de 2015[3] e 2016.
| Predecesor: Emilio González Afonso |
Alcalde de Verín 1995 - 2004 |
Sucesor: Emilio González Afonso |
| Predecesor: Emilio González Afonso |
Alcalde de Verín 2007 - 2015 |
Sucesor: Gerardo Seoane Fidalgo |
Vida persoal
[editar | editar a fonte]Está casado e ten un fillo e unha filla.
Notas
[editar | editar a fonte]- ↑ "Alberto Núñez Feijóo será el único candidato para presidir el Partido Popular de Galicia". abc (en castelán). Consultado o 2016-04-24.
- ↑ "Jiménez Morán reta a Baltar a que revele la identidad de personas con doble firma - Portada de Ourense - Faro de Vigo". Faro de Vigo. Consultado o 2016-04-24.
- ↑ "Jiménez Morán será de nuevo senador por designación autonómica". europapress.es (en castelán). Europa Press. Consultado o 2016-04-24.