Jules Dassin

Jules Dassin
	;
Biografía
Nacemento	(en) Julius Dassin ; 18 de decembro de 1911 ; Middletown (Estados Unidos de América)
Morte	31 de marzo de 2008 (96 anos); Atenas (Grecia)
Causa da morte	gripe
Lugar de sepultura	Primeiro Cemitério de Atenas (pt)
Grupo étnico	Pobo xudeu
Relixión	Xudaísmo
Educación	Morris High School (en) ; Camp Kinderland (en)
Actividade
Ocupación	director de cinema, actor, director teatral, produtor de cinema, guionista, realizador
Período de actividade	1934 - 1980
Xénero artístico	Cinema negro
Familia
Cónxuxe	Melina Mercouri (1966–1994), morte do cónxuxe; Béatrice Launer (1933–1962), divorcio
Fillos	Joe Dassin; () Béatrice Launer; Richelle Dassin; () Béatrice Launer; Julie Dassin; () Béatrice Launer
Parentes	Julien Dassin, neto
Premios
	(1955) Premio do Festival de Cannes ao mellor director, premiado polo traballo Rififi (pt) ;
Descrito pola fonte	Obálky knih,

Julius "Jules" Dassin, nado en Middleton (Connecticut) o 18 de decembro de 1918 e finado en Atenas (Grecia) o 31 de marzo de 2008 foi un director de cinema estadounidense.

Traxectoria

Dassin foi un dos oito fillos do barbeiro Samuel Dassin e Berthe Vogel. A súa familia era xudía de orixe rusa. Creceu en Harlem e estudou no instituto no Bronx. Na década de 1930 uniuse ao Communist Party USA, mais abandonouno en 1939 tralo pacto entre Hitler e Stalin. Comezou coma actor na compañía ARTEF (Yiddish Proletarian Theater) de Nova York.

Dassin comezou a ser coñecido polos seus filmes de cinema negro Brute Force (1947), The Naked City (1948) e Thieves' Highway (1949), ue o converteron nun dos principais directores estadounidenses da posguerra.^[1]

En 1948 o produtor Darryl F. Zanuck chamou a Dassin para informalo que ía entrar na lista negra, pero que tiña tempo de facer un filme para a Fox.^[2] Entrou finalmente durante a produción de Night and the City en 1950 e non se lle permitiu montar nin supervisar a banda sonora do filme.^[3] Tamén tivo problemas para atopar traballo no estranxeiro, porque as compañías evitaban a distribución destes filmes en Europa. En 1952 a actriz Bette Davis contratouno para dirixila na súa obra Two's Company. O espectáculo pechou axiña e Dassin marchou a Europa, sen traballar coma director ata que chegou a produción francesa Du Rififi chez les hommes (1954). A maior parte da obra de Dassin nas décadas seguintes foron producións europeas.

En 1955 coñeceu a actriz Melina Mercouri no Festival de Cannes e nesa época descubriu a obra literaria de Nikos Kazantzakis. Estes dous elementos ligárono a Grecia. En 1962 divorciouse da súa primeira esposa e casou co Mercouri, matrimonio que durou ata a morte dela. A parella tivo que abandonar Grecia tralo golpe dos coroneis en 1967. Viviron entón en Nova York ata a caída da ditadura en 1974 cando volveron ao país. A súa prolífica carreira en Europa e a súa relación con Grecia, combinado coa pronuncia habitual do seu apelido en Europa, "Da-SAN", en lugar de "DASS-in", como se pronunciaba nos Estados Unidos, levou ao feito común de consideralo un director europeo.^[3]

Foi un dos grandes impulsores do regreso dos mármores de Elgin a Grecia, para o que creou a Institución Melina Mercouri na súa lembranza. Faleceu en 2008 por complicacións da gripe.

Filmografía

Ano	Filme	Acreditado como
Ano	Filme	Director	Produtor	Guionista	Actor	Personaxe
1941	The Tell-Tale Heart	Si
1942	Nazi Agent	Si
	The Affairs of Martha	Si
	Reunion in France	Si
1943	Young Ideas	Si
1944	The Canterville Ghost	Si
1946	Two Smart People	Si
1946	A Letter for Evie	Si
1947	Brute Force	Si
1948	The Naked City	Si
1949	Thieves' Highway	Si
1950	Night and the City	Si
1955	Du Rififi chez les hommes	Si		Si	Si	César le Milanais
1957	Celui qui doit mourir	Si		Si
1959	La legge	Si		Si
1960	Never on Sunday	Si	Si	Si	Si	Homer Thrace
1962	Phaedra	Si	Si	Si	Si	Christo
1964	Topkapi	Si	Si		Si	Turkish cop
1966	10:30 P.M. Summer	Si	Si	Si
1968	Hamilchama al hashalom	Si	Si
1968	Uptight	Si	Si	Si
1970	La Promesse de l'aube	Si	Si	Si	Si	Ivan Mozzhukhin
1974	I Dokimi	Si		Si	Si
1978	Kravgi gynaikon	Si	Si	Si
1980	Círculo de dous	Si

Notas

↑ Luther, Claudia (1 de abril de 2008). "Blacklisted Director Jules Dassin Dies at 96". The Times. Arquivado dende o orixinal o 05 de setembro de 2012. Consultado o 23 de maio de 2015.
↑ Cineaste, Dan Georgakas, primavera 2007, p.72
↑ ^3,0 ^3,1 Dassin, Jules (1 de febreiro de 2005). Night and the City (post-screening interview in DVD supplements). Criterion Collection.

Véxase tamén

Ligazóns externas

Jules Dassin na IMDb (en inglés).
Fotografías da familia Dassin (en francés)
Jules Dassin en The New York Times Movies (en inglés)
Obituario en New York Times (en inglés)
Obituario (en inglés)

[the_times-1] Luther, Claudia (1 de abril de 2008). "Blacklisted Director Jules Dassin Dies at 96". The Times. Arquivado dende o orixinal o 05 de setembro de 2012. Consultado o 23 de maio de 2015.

[2] Cineaste, Dan Georgakas, primavera 2007, p.72

[dassin_interview-3] 3,0 ^3,1 Dassin, Jules (1 de febreiro de 2005). Night and the City (post-screening interview in DVD supplements). Criterion Collection.

[1]

[2]

[3]