Julia García-Valdecasas

Julia García-Valdecasas

Biografía
Nacemento	(es) Julia García-Valdecasas Salgado 29 de xaneiro de 1944 Barcelona, España
Morte	5 de febreiro de 2009 (65 anos) Barcelona, España
Causa da morte	pneumonía
Deputada de España
25 de marzo de 2004 – 1 de outubro de 2006 – José Luis Ayllón (pt)  → Lexislatura: VIII lexislatura de España Circunscrición electoral: Barcelona Electa en: Eleccións Xerais 2004 en España
Ministerio de Política Territorial e Función Pública
4 de setembro de 2003 – 18 de abril de 2004 ← Javier Arenas Bocanegra – Jordi Sevilla →
Delegate of the Government in Catalonia (en)
18 de setembro de 1993 – 6 de setembro de 2003 ← Miguel Solans Soteras (pt) – Susanna Bouis Gutiérrez (pt)  →
Datos persoais
Educación	Universidade de Barcelona
Actividade
Lugar de traballo	Madrid
Ocupación	política, farmacéutica
Partido político	Partido Popular
Membro de	Partido Popular de Cataluña
Familia
Cónxuxe	Xabier Añoveros Trías de Bes
Pai	Francisco García-Valdecasas Santamaría

Julia García-Valdecasas Salgado, nada en Barcelona o 29 de xaneiro de 1944 e finada na mesma cidade o 5 de febreiro de 2009, foi unha política española.

Traxectoria

Era filla de Francisco García-Valdecasas, quen fora reitor da Universidade de Barcelona durante o franquismo. Licenciada en Farmacia nesa universidade, traballou de boticaria dende 1969 ata 1979. Posteriormente ingresou no corpo de Interventores e Auditores do Estado por oposición en 1980, e a ese traballo dedicou o resto da súa vida. Chegou a ostentar a presidencia da Asociación Nacional de Interventores de España de 1990 a 1994.

Comezou a súa carreira política cando o presidente de goberno español José María Aznar a nomeou delegada do Goberno en Cataluña en maio de 1996. Afiliouse ao Partido Popular e ocupou o cargo de delegada ata agosto de 2003 cando foi promovida ao cargo de ministra de Administracións Públicas. Foi a primeira muller en ocupar ese ministerio.

O 14 de marzo de 2004 foi elixida Deputada pola circunscrición de Barcelona no Congreso dos Deputados, pero ao perder o PP o goberno tivo que abandonar o ministerio, onde foi substituída polo socialista Jordi Sevilla. O 1 de outubro de 2006 deixou o escano no Congreso por razóns de saúde, posto que lle diagnosticaron unha enfermidade dexenerativa chamada atrofia multisistema ou MSA. Faleceu dous anos máis tarde, en febreiro de 2009 dunha pneumonía.

Vida persoal

Estaba casada co profesor de dereito mercantil Xabier Añoveros Trias de Bes e tiña 3 fillos.