Kolmanskop

Kolmanskop

Localización
26°42′15″S 15°13′54″L
Estado	Namibia
Rexión	Karas
Creación	1908

Kolmanskop (Afrikaans, alemán: Kolmannskuppe) é unha cidade pantasma no Deserto do Namib no sur de Namibia, a dez quilómetros no interior da cidade portuaria de Lüderitz. Leva o nome dun condutor de transporte chamado Johnny Coleman que, durante unha tormenta de area, abandonou o seu carro de bois nunha pequena inclinación fronte ao asentamento. Foi nunha época unha pequena pero moi rica vila mineira, agora é un destino turístico dirixido pola empresa conxunta Namibia - De Beers.

Historia

En 1908, o traballador Zacharias Lewala atopou un diamante mentres traballaba nesta área e mostrouno ao seu supervisor, o inspector ferroviario alemán August Stauch. Dado que a zona era rica en diamantes, os mineiros alemáns comezaron a asentarse e pouco despois o Imperio Alemán declarou unha grande área como Sperrgebiet, comezando a explotar o xacemento de diamantes.

Impulsados ​​pola enorme riqueza dos primeiros mineiros de diamantes, os residentes construíron a vila no estilo arquitectónico dunha cidade de Alemaña, con servizos e institucións que incluían un hospital, sala de festas, central eléctrica, escola, pista de birlos, teatro e pavillón de deportes, casino, fábrica de xeo e o primeiro equipamento de Raios X do hemisferio sur, así como o primeiro tranvía de África. Tiña un enlace ferroviario a Lüderitz. As radiografías non se facián por motivos médicos, senón para controlar que ninghún traballador se tragara un diamante para roubalo.

A cidade comezou a declinar despois da segunda guerra mundial cando os diamantes comezaron a esgotarse lentamente. A principios dos anos 50, a zona estaba en declive. O descubrimento en 1928 dos depósitos máis ricos de diamantes nunca coñecidos, nas terrazas da praia a 270 km ao sur de Kolmanskop, preto do río Orange acelerou a desaparición da cidade. Moitos dos habitantes da cidade marcharon, cara ao sur, ao novo descubrimento, deixando as súas casas e posesións atrás. No novo xacemento de diamantes unicamente era necesario explorar as praias, fronte a unha explotación máis difícil en Kolmaskop. A cidade abandonouse en 1956. A forza xeolóxica do deserto provocou que a día de hoxe os turistas camiñen a través de casas enterradas na area. Kolmanskop é moi popular entre os fotógrafos polos seus escenarios nos que a area do deserto reclama esta cidade que unha vez foi próspera e no que o clima árido conserva a arquitectura eduardiana tradicional da zona. Debido á súa situación dentro da área restrinxida (Sperrgebiet) do deserto de Namib, os turistas necesitan un permiso para entrar na cidade.

Na cultura popular

• Kolmanskop foi usado como localización para a serie de TV de Suráfrica O proxecto Mantis (1985). Dirixida por Manie van Rensburg, producida por Paul Kemp, escrita por John Cundill, e protagonizada por Marius Weyers e Sandra Prinsloo.
• A cidade empregouse como unha das localizacións da película de 1993 Dust Devil.
• A película de 2000 The King Is Alive rodouse en Kolmanskop, coa cidade utilizada como escenario principal da película.
• A cidade apareceu nun episodio de 2010 de Life After People. O episodio centrouse nos efectos do vento e da area nos distintos edificios abatidos e amosou salas cheas de area.
• A cidade empregouse como unha das localizacións da película de 1994 Lunarcop.
• A cidade usouse no primeiro episodio da serie da BBC Wonders of the Univers para axudar a explicar a entropía e o seu efecto no tempo.
• A serie de televisión Destination Truth nun dos seus episodios investigou a Kolmanskop, que se rumoreaba que estaba embruxada.
• Tim Walker fotografou a Agyness Deyn en Kolmanskop, Namibia para Vogue Reino Unido en maio de 2011.
• A película non narrativa de 2011 Samsara presenta fotogramas rodadas en Kolmanskop.
• Presentada en 2011 na Tempada 1, Episodio 2 Namibia / Bodie do programa de televisión "Forgotten Planet"
• A portada do cuarto álbum de Tame Impala, The Slow Rush e os seus sinxelos fotografáronse en Kolmanskop por Neil Krug.

Galería

• 
  Interior dunha casa abandonada
• 
  O símbolo da vila de Kolmannskuppe.
• 
  Casas abandonadas en Kolmanskop.
• 
  Casas abandonadas.
• 
  Despois do despoboamento, a area invadiu as casas.
• 
  Casa do antigo xerente das minas.
• 
  Vista principal de Kolmannskuppe.
• 
  Unha vista aérea de Kolmanskop.
• 
  Fábrica de xeo
• 
  Dormitorio
• 
  Casa do mestre
• 
  Selo de 10 Pfennig co mataselo Kolmannskuppe 19. 1. 12
• 
  Interior da sala de festas de Kolmanskop
• 
  Vista aérea de Kolmanskop (2017)
• 
  Hospital de Kolmanskop

Notas

Referencias

Véxase tamén

Ligazóns externas

• "Kolmanskop Ghost Town Tour". The Cardboard Box Travel Shop (website). Arquivado dende o orixinal o 11 de novembro de 2013. Consultado o 11 de novembro de 2013. 
• Martin, Grant (3 de setembro de 2013). "New Photos from Kolmanskop, Namibia's Abandoned Diamond Ghost Town". Forbes. Consultado o 11 de novembro de 2013. 
• "A Ghost Town Devoured by the Namibian Desert". Environmental Graffiti (2010). Arquivado dende o orixinal o 11 de novembro de 2013. Consultado o 11 de novembro de 2013. 
• fotografías de Kolmanskop (en inglés)
• Colección fotos Kolmanskop 2012 (en alemán)