Kreuzlingen

Kreuzlingen
Localización
	47°38′45″N 9°10′42″L / 47.6458, 9.1783
Estado federado	Suíza
Cantóns	Turgovia
Distrito	Distrito de Kreuzlingen (pt)
Capital de	Distrito de Kreuzlingen (pt)
Poboación
Poboación	21.801 (2017) (1.897,39 hab./km²)
Lingua oficial	lingua alemá
Xeografía
Superficie	11,49 km²
Bañado por	Lago Constanza
Altitude	397 m
Comparte fronteira con	Kemmental (pt) ; Constanza
Organización política
Membro de	SGV-ACS (en) ; KlimaBündnis-Städte Schweiz (en) ; Aliança Climática (pt) (2004–)
Identificador descritivo
Código postal	8280
Prefixo telefónico	071
Código de municipio suízo	4671
Outro
Irmandado con	Wolfach (pt) ; Cisternino
Sitio web	kreuzlingen.ch

Kreuzlingen é unha cidade e comuna suíza do cantón de Turgovia, capital do distrito de Kreuzlingen.

Situación

Kreuzlingen atópase nas beiras do lago Constanza. Limita ao norte coa comuna de Constanza (DE-BW), ao leste con Bottighofen, ao sueste con Lengwil, ao suroeste con Kemmental e ao oeste con Tägerwilen.

Cidade transfronteiriza

Realmente esta cidade e a veciña alemá de Constanza forman un único núcleo urbano, compartindo as súas rúas e conformando unha cidade real que supera os 100.000 habitantes, a maior concentración urbana deste gran lago.

Historia

A orixe da cidade está no antigo mosteiro agostiño de "Crucelin", fundado no ano 1125 polo bispo Ulrich I (Santo Ulrico). Unha das rutas do Camiño de Santiago comeza en Kreuzlingen-Constanza.^[1]

Monumentos e turismo

A cidade de Kreuzlingen conta con numerosos monumentos e lugares de lecer. Anexo ao seu porto atópase o Seeburgpark, un parque á beira do lago cunha importante zona de xogos infantís, amplos recintos de animais en perigo da zona e acceso directo ao Seemuseum, ou Museo do Lago, cuxo contido xira ao redor da historia do transporte fluvial e a pesca no mesmo.

Entre os edificios máis importantes da cidade están a basílica de Santo Ulrico (século XII) e o Palacio Girsberg (século XV), que alberga un Museo de Marionetas.

Comunicacións

A cidade sitúase no extremo nordés de Suíza e nas beiras do lago, o cal a converte nun nó de comunicacións importante, con accesos directos por ferrocarril e barco a diferentes cidades das veciñas Alemaña e Austria. Ademais, o aeroporto de Zürich atópase a só unha hora de traxecto por tren.

Cidades irmandadas

Notas

↑ "SUIZA - Caminos a Santiago. Vía Jacobi - Jakobsweg (itinerario completo) - Desde Constanza (Alemania) a Ginebra (Suiza)". Wikiloc ; Rutas del Mundo (en castelán). Consultado o 2022-04-17.

Véxase tamén

Ligazóns externas

[1] "SUIZA - Caminos a Santiago. Vía Jacobi - Jakobsweg (itinerario completo) - Desde Constanza (Alemania) a Ginebra (Suiza)". Wikiloc ; Rutas del Mundo (en castelán). Consultado o 2022-04-17.

[1]