Kylie Minogue

Kylie Minogue
	; (2018)
Biografía
Nacemento	(en-au) Kylie Ann Minogue ; 28 de maio de 1968 (56 anos); Melbourne, Australia
Educación	Camberwell High School (en)
Altura	1,52 m
Peso	102 lb
Cor dos ollos	Azul
Cor do pelo	Louro
Actividade
Ocupación	cantante, emprendedora, compositora, actriz, cantautora, produtora
Período de actividade	1979 -
Xénero artístico	Música pop, pop dance, Nu-disco (pt) , electropop, música electrónica, Art pop (pt) , R&B contemporáneo e bubblegum (pt)
Patrimonio estimado	90.000.000 A$
Tesitura	Soprano ; ;
Instrumento	Voz
Selo discográfico	EMI ; Warner Bros. Records ; Festival Records ; Bertelsmann Music Group ; Pete Waterman Entertainment (pt) ; Warner Music Australia (pt) ; Warner Records ; Geffen Records ; Astralwerks ; Parlophone ; Warner Music Group ; Mushroom Records (pt) ; Capitol Records ; Deconstruction Records (pt) ; BMG Rights Management
Obra
	Obras destacables Locomotion / Glad to be Alive (pt) ; (1985-2022) Veciños; (1987) I Should Be So Lucky (pt) ;
Familia
Parella	Clément Sibony (2014–2015); Andrés Velencoso (2008–2013); Olivier Martinez (2003–2007)
Irmáns	Dannii Minogue
Premios
	(26 de xaneiro de 2019) Officer of the Order of Australia (en) ; (maio de 2008) cabaleiro da orde das Artes e as Letras; (2008) BRIT Award for International Female Solo Artist (en) ; (2002) BRIT Award for International Female Solo Artist (en) ; (1 de xaneiro de 2001) Medalla do Centenario; (1988) Gold Logie Award for Most Popular Personality on Australian Television (en) , premiado polo traballo Veciños; Oficial da Orde do Imperio Británico; Amadeus Austrian Music Awards (pt) ; Australian National Living Treasure; Ordem da Austrália (pt) ; Orde do Imperio Británico ;
	Sinatura
Descrito pola fonte	Obálky knih,
Sitio web	kylie.com

Kylie Minogue, nada en Melbourne o 28 de maio de 1968, é unha cantante de música pop australiana. Leva vendidos máis de 80 millóns de discos ao longo da súa carreira.

Traxectoria

Naceu no seo dunha familia dedicada ao teatro, o que lle levou nos seus inicios a participar en varias series da televisión australiana. O seu principal traballo foi na serie Neighbours, unha das de maior éxito naquel país. Mentres traballaba nesta serie, xurdiulle a oportunidade de gravar o tema "The Loco-Motion", para Mushroom Records. O resultado foi tan bo, que editaron un sinxelo que saíu á venda e o tema permaneceu durante sete semanas como número un das listas australianas.

Alcanzou a fama a finais dos anos 80 como resultado do seu papel na serie de televisión australiana Neighbours (Veciños), antes de comezar a súa carreira como cantante pop e artista. A súa irmá, Dannii Minogue, tamén é cantante.

Logo de asinar un contrato cos compositores e produtores discográficos Stock, Aitken e Waterman, Minogue conseguiu unha cadea de éxitos a nivel internacional, pero a súa popularidade empezou a declinar a comezos dos anos 90, levándoa a separarse da compañía de Stock, Aitken e Waterman en 1992. Durante varios anos intentou establecerse como intérprete e compositora independente, distanciándose dos seus traballos iniciais. Durante esta etapa de exploración persoal, colaborou coa banda australiana Nick Cave & The Bad Seeds coa canción "Where the Wild Roses Grow", que tivo grande éxito en Australia.

No ano 2000, volveu á popularidade como artista dance-pop. Co seu regreso ao número 1 das listas co seu sinxelo "Spinning Around" e a súa presentación nas Olimpíadas do 2000, Kylie e Madonna convertéronse nas únicas cantantes femininas en ter números 1 nos anos 80, 90 e 2000.

En Australia ostenta o récord de maior número de entradas de concerto vendidas por unha intérprete feminina, e foi a única en colocar nove singles no posto número un das listas australianas. No ano 2002 o seu álbum Fever chegou a multiplatino mundial e levou a cabo o seu tour "KylieFever2002".

No ano 2003 Kylie regresou con novo álbum; despois do sinxelo "Slow" (cuxa coautora foi a cantante islandesa Emilíana Torrini), o álbum chegou a vender máis de 2 millóns de copias. En 2004 gañou o Grammy na categoría 'Best Dance Recording' pola súa canción "Come Into My World".

Para celebrar 17 anos de carreira musical Kylie sacou á venda Ultimate Kylie unha compilación coas cancións que marcaron a súa carreira durante as últimas 2 décadas.

En novembro de 2007, Kylie publicou o seu décimo álbum de estudio, X, e o seu primeiro single, "2 Hearts", foi todo un éxito nas listas de vendas, incluído a española, onde chegou ao número 1 dos singles máis vendidos durante máis dun mes.

Discografía

Álbums

Kylie (1988)
Enjoy Yourself (1989)
Rhythm of Love (1990)
Let's Get to It (1991)
Greatest Hits (1992)
Kylie Minogue (1994)
Impossible Princess (1997)
Intimate And Live (1998)
Light Years (2000)
Fever (2001)
Body Language (2003)
Ultimate Kylie (2005)
ShowGirl Homecoming Live In Sydney (2007)
X (2007)
Aphrodite (2010)
Kiss Me Once (2014)

Véxase tamén

Ligazóns externas

Páxina web oficial (en inglés)