László Kubala

László Kubala

Biografía
Nacemento	10 de xuño de 1927 Budapest, Hungría
Morte	17 de maio de 2002 (74 anos) Barcelona (España)
Lugar de sepultura	Les Corts Cemetery (en)
Outros nomes	Laszy
Altura	176 cm
Actividade
Ocupación	futbolista, adestrador de fútbol
Período de actividade	1946 -
Nacionalidade deportiva	España
Deporte	fútbol
Posición de xogo	Centrocampista
Número deportivo	9
Traxectoria   Equipo 1944–1944 Ganz-MÁVAG SE 10 (3) 1945–1946 Ferencvárosi TC 49 (27) 1946–1948 ŠK Slovan Bratislava 33 (14) 1948–1949 Vasas Futball Club 20 (10) 1949–1950 Pro Patria 16 (9) 1950–1950 Hungaria 1951–1961   FC Barcelona 186 (131) 1963–1965   RCD Espanyol 29 (7) 1966–1967 FC Zürich 12 (7) 1967–1967 FC Dinamo București 19 (5)   Selección nacional 1946–1947   Checoslovaquia 6 (4) 1948–1948   Hungría 3 (0) 1953–1953   Europa 1 (2) 1953–1961   España 19 (11) 1954–1963   Cataluña 4 (4) 1965–1965   Europa 1 (1)   Adestrador 1961–1963   FC Barcelona 1963–1966   RCD Espanyol 1966–1967 FC Zürich 1968–1968 Toronto Falcons (en) 1968–1969   Córdoba CF 1969–1980   España 1980–1982   FC Barcelona 1982–1986 Al-Hilal SFC 1986–1987   Real Murcia 1987–1988 Club Deportivo Málaga 1988–1989   Elche CF 1992–1992   España sub-21 1995–1995   Paraguai
Participou en
xuño de 1980	Eurocopa de Fútbol Italia 1980
Familia
Fillos	Branislav Kubala Daucik
Premios
Gran Cruz da Real Orde do Mérito Deportivo

László Kubala Stecz (coñecido popularmente en España como Ladislao Kubala), nado en Budapest o 10 de xuño de 1927 e finado en Barcelona o 17 de maio de 2002, foi un xogador e adestrador de fútbol húngaro, de orixe eslovaca, que nos anos 50 obtivo a nacionalidade española. O máis salientable da súa carreira son os 11 anos que xogou no FC Barcelona (1950-1961), e os 11 anos que adestrou á selección española (1969-1980).

Equipos como xogador

Tralo seu paso por varios equipos de Europa central, Kubala fuxía dos réximes comunistas e estivo a piques de asinar co gran Torino Football Club en 1949, semanas antes da Traxedia de Superga na que morreron 18 xogadores e directivos do equipo nun accidente de avión, pero finalmente recalou no FC Barcelona, equipo co cal gañou 4 Ligas, 2 Copas de Ferias, 1 Copa Latina, 5 Copas do Xeneralísimo, 2 Copas Eva Duarte e 1 Pequena Copa do Mundo, ademais de ser subcampión de Europa en 1961.

Equipo	Tempadas	Encontros	Goles	Media
Ganz TE	1944	9	2	0.22
Ferencváros TC	1945-1946	49	33	0.67
ŠK Slovan Bratislava	1946-1948	36	15	0.42
Vasas SC	1948-1949	20	10	0.50
Hungaria	1949-1950
FC Barcelona	1950-1961	256	194	0.75
Espanyol	1961-1965	29	7	0.24
FC Zürich	1965-1967	1	0	0.00
Toronto Falcons	1967	19	5	0.26
TOTAL	1944-1967	419	266	0.63

Kubala xogou para 3 seleccións nacionais, feito inigualado por ningún outro xogador na historia do fútbol.

• Seleccións nas que xogou:
  • Hungría: 6 veces internacional
  • Checoslovaquia: 11 veces internacional
  • España: 20 veces internacional

Recoñecementos

Kubala é o 3º máximo goleador histórico do FC Barcelona, por detrás de Paulino Alcántara e Josep Samitier; e tamén o 3º máximo goleador histórico do FC Barcelona en encontros oficiais, por detrás de César Rodríguez e Lionel Messi. En 2004 foi incluído na lista dos 50 mellores xogadores do século XX, que fixo a IFFHS para a FIFA.

Como adestrador

Kubala adestrou ó FC Barcelona en dúas etapas (tempadas 1962-1963 e 1980-1981), sen acadar éxitos salientables. Adestrou tamén ó RCD Espanyol, Elche CF, Real Murcia, Córdoba, Málaga, FC Zürich, Toronto City e Toronto Falcons.

Foi seleccionador español durante 11 tempadas (entre 1969 e 1980), o que supón o récord de permanencia no cargo. Tamén foi seleccionador de Paraguai e de Arabia Saudita.

Véxase tamén

Outros artigos

• Copa de Europa 1960-61
• Camp de Les Corts

Ligazóns externas

• Información sobre Kubala na páxina web da FIFA Arquivado 12 de setembro de 2019 en Wayback Machine. (en castelán)
• Datos sobre Kubala en Sportec (en castelán)