Lagopus

Lagopus é un xénero de aves da orde dos galiformes, familia dos fasiánidos e subfamilia dos tetraoninos.

Comprende tres especies coñecidas como lagópodos.

Taxonomía

Descrición

O xénero foi descrito en 1760 polo zoólogo francés Mathurin Jacques Brisson.

Etimoloxía

O nome científico Lagopus está formado pola unión dos elementos do latín científico lago- e -pus. O primeiro deriva da raíz do substantivo do grego antigo λαγὠς lagṓs, 'lebre'; e o segundo, de ποδόσ podós, xenitivo de πούς poús, 'pé'. Literalmente: 'os de pés de lebre' (ou 'os de pés como os da lenre').

Especies

Lagópodo cinsento, macho en plumaxe invernal, no Xapón.

Lagopus leucura, en Alberta.

Na actualidade recoñécense no xénero as tres especies seguintes:

• Lagopus lagopus (Linnaeus, 1782) - lagópodo común
• Lagopus leucura (Richardson, 1831) - lagópodo de cola branca
• Lagópodo cinsento (Montin, 1781) - lagópodo alpino, lagópodo branco ou perdiz nival

Nota sobre os nomes vulgares

A Real Academia Galega, no seu Dicionario, define lagópodo como «Zooloxía. Ave da orde dos galiformes, de tamaño mediano, coa plumaxe que varía do pardo ao branco, os tarsos e os dedos cubertos de plumas, da que existen varias especies».

Para usarmos un nome diferente para cada unha das especies, séguese o criterio da Academia: «As escollas normativas deber ser harmónicas coas das outra linguas, especialmente coas romances en xeral e coa portuguesa en particular, ...»

Nomes noutras linguas romances

• Lagopus lagopus
  • Castelán: lagópodo común
  • Catalán: lagòpede comú
• Lagopus leucura
  • Castelán: lagópodo coliblanco
  • Francés: lagopède à queue blanche
  • Portugués: lagópode-de-cauda-branca
• Lagopus muta
  • Castelán: perdiz nival, lagópodo alpino

Véxase tamén

Outros artigos

• Galiformes
• Fasiánidos
• Tetraoninos
• Camuflaxe para a neve

Ligazóns externas

• Lagopus na ADW.