Lars-Emil Johansen
Lars-Emil Johansen, nado en Illorsuit o 24 de setembro de 1946, é un político groenlandés que exerceu como o segundo primeiro ministro de Groenlandia dende 1991 a 1997, e foi Presidente do Inatsisartut dende 2013 a 2018. Johansen foi presidente do partido Siumut entre 1987 e 1997, e foi deputado do Parlamento de Groenlandia dende a súa creación en 1979. Antes diso foi representante de Groenlandia no Parlamento de Dinamarca dende 1973, unha posición que recuperou en 2001 e mantivo até 2011. Tamén foi presidente do Consello Nórdico Occidental dende 2015 até 2016.[1]
Traxectoria
[editar | editar a fonte]Naceu en Illorsuit, un pequeno asentamento preto de Uummannaq no concello de Qaasuitsup, como fillo do axente comercial Kristian Johansen e da parteira do distrito Elisabeth Johansen;[2] a súa nai fora a primeira muller membro do consello do país de 1959 a 1975.
En 1970, Johansen rematou a súa educación como profesor, e ao ano seguinte foi elixido para o consello do país de Groenlandia, a autoridade local máis poderosa de Groenlandia antes da creación do Inatsisartut.
Foi nomeado comandante da Orde do Dannebrog dinamarquesa e da Real Orde do Mérito de Noruega, así como de dous tipos de Nersornaat, o Nersornaat de prata e o Nersornaat de ouro ( Medalla de Groenlandia ao Servizo Meritorio).
Notas
[editar | editar a fonte]- ↑ Patursson, Steinar (13 de agosto de 2015). "Lars Emil Johansen formaður í Útnorðurráðnum" (en Faroese). Portal.fo. Consultado o 10 de abril de 2016.
- ↑ Biography on the website of the Danish Parliament (Folketinget) Consultado o 20 de marzo de 2017
 |
|  | |
