Lembit Lõhmus

Lembit Lõhmus
	; (2013)
Biografía
Nacemento	25 de setembro de 1947 (77 anos); Tarvastu, Estonia (pt)
Educación	Escola de Arte de Tartu
Actividade
Ocupación	decorador, gravador
Premios
	(2011) cidadanía honoraria de Tarvastu (pt) . ;

Lembit Lõhmus, nado en Mustla, condado de Viljandi, o 25 de setembro de 1947, é un ilustrador e deseñador de moedas estoniano.

Traxectoria

Logo de finalizar o seu ensino secundario, Lõhmus cursou estudos superiores de Arte entre 1969 e 1975, primeiro na Escola de Arte de Tartu e posteriormente na Universidade de Arte de Talín (actualmente Academia de Artes de Estonia).^[1]

Logo do seu período formativo, entre 1975 e 1977 dirixiu a sección de Artes Aplicadas do Museo de Arte de Estonia.^[1]^[2]

Nos anos seguintes exerceu como artista gráfico independente e como deseñador de interiores. Tamén é autor de máis de medio milleiro de mataselos e ex libris, e entre 1989 e 1992 foi o presidente do Club de Ex Libris de Talín.^[1]^[2]

Os seus deseños foron obxecto de exposicións internacionais, tanto individuais como colectivas, en países como Letonia, Lituania, Alemaña, Moldova, Finlandia, Dinamarca, Polonia e Austria.^[1]

Lõhmus foi tamén o autor dos deseños de máis de 200 selos de correos,^[3] primeiro para o servizo postal da Unión Soviética e despois para o de Estonia, así como para outros países. Ademais foi elixido polo Banco Central de Estonia para deseñar o anverso nacional común a toda a serie de moedas do euro, desde a dun céntimo ata a de dous euros, que comezaron a emitirse en 2002.^[1]^[4]^[2]