Leonardo Lemos Montanet
 (2023)  | |
| Biografía | |
|---|---|
| Nacemento | 31 de maio de 1953 (71 anos) Fene, España |
| Bispo de Ourense | |
| 16 de decembro de 2011 – ← Luís Quinteiro Fiúza Diocese: diocese de Ourense | |
| Datos persoais | |
| Relixión | Igrexa católica |
| Educación | Pontificia Universidade de San Tomé de Aquino |
| Actividade | |
| Ocupación | bispo católico (2012–), sacerdote católico (1979–) |
| Consagración | Julián Barrio |
 | |
 | |
José Leonardo Lemos Montanet, nado en Barallobre (Fene), o 31 de maio de 1953, é un crego católico galego, bispo de Ourense dende 2011.
Mocidade
[editar | editar a fonte]Leonardo Lemos naceu na parroquia de Santiago de Barallobre, no concello de Fene. Aos nove anos a súa familia trasladouse a vivir a Ferrol por razóns laborais.
A súa era unha familia de militaresː seu pai, dous de seus tíos e mais o seu curmán estudaron na Escola Naval Militar de Marín[1]. Porén marchou a estudar o COU no Instituto Xelmírez de Santiago de Compostela, onde entrou no seminario.[2]
Traxectoria eclesiástica
[editar | editar a fonte]Comezos
[editar | editar a fonte]Estudou no seminario maior de Santiago de Compostela e licenciouse en Estudos eclesiásticos pola Universidade Pontificia de Salamanca en 1978, ano no que tamén será ordenado diácono. En setembro deste ano foi nomeado formador do seminario menor da Asunción. É a partir deste momento cando fai parte da Sociedade Sacerdotal da Santa Cruz, asociación de cregos vencellada ao Opus Dei[2][3].
O 19 de maio de 1979 foi ordenado sacerdote da arquidiocese compostelá polo seu arcebispo, Ángel Suquía Goicoechea.[2]
Logo de ser ordenado sacerdote comezou dando clase no seminario menor de Santiago de Compostela e como axudante do crego en Conxo. Posteriormente marchou a Roma a proseguir a súa formación. Dunha banda licenciouse en Filosofía teorética pola Universidade Gregoriana en 1984 e doutra diplomouse en Arqueoloxía polo Instituto Pontificio de Arqueoloxía, e en Arquivística e Biblioteconomía tamén no Vaticano. En 1987 conseguiu doutorarse en Filosofía pola Universidade Pontificia San Tomé de Aquino, tamén na capital italiana.
Ao remate dos seus estudos volveu a Galicia e estableceuse en Santiago de Compostela, onde conseguiu traballo como capelán dunha residencia universitaria relixiosa, e dando clase tamén no seminario maior da cidade. En 1992 recibiu o encargo de ser o director da biblioteca da diocese. En 2001 nomeárono director técnico de estudos do seminario menor, en 2003 ascendeu a cóengo da catedral de Santiago e en 2005 chegou a ser secretario capitular da mesma, mentres que daba misa na parroquia de San Fernando, no centro da cidade de Santiago.
Bispo de Ourense
[editar | editar a fonte]O 16 de decembro de 2011 foi designado bispo de Ourense polo papa Bieito XVI[4], recibindo a consagración episcopal polo arcebispo compostelán Julián Barrio o 11 de febreiro de 2012. Os bispos co-consagrantes foron Renzo Fratini, nuncio para España, os seus predecesores na sé auriense Luís Quinteiro Fiúza, Xosé Diéguez Reboredo e Carlos Osoro, e o bispo de Astorga Camilo Lorenzo Iglesias.
En abril de 2013, con ocasión da "Xornada pola Vida" convocada pola Conferencia Episcopal Española, monseñor Lemos escribiu unha carta na que chamaba á protección da vida humana dende a concepción, lembrando a postura doutrinal da Igrexa católica en canto ao aborto inducido.[5]
Sucesión apostólica
[editar | editar a fonte]- Artigo principal: Sucesión apostólica.
|
|
| Dignidades da Igrexa católica | ||
|---|---|---|
| Predecesor: Luís Quinteiro Fiúza |
 2011 - |
Sucesor: no cargo |
Notas
[editar | editar a fonte]- ↑ Salgado, María (2023-01-15). "Leonardo Lemos, obispo de Ourense: "Que la mujer no pueda ser sacerdote no tiene nada que ver con la igualdad"". La Región (en castelán). Consultado o 2023-11-11.
- ↑ 2,0 2,1 2,2 Bispado de Ourense, accedido o 28 de maio de 2013.
- ↑ El nuevo obispo de Ourense admite pertenecer a una sociedad controlada por el Opus Dei, El País, 17 de decembro de 2011. (en castelán)
- ↑ El sacerdote José Leonardo Lemos Montanet ha sido nombrado Obispo de Orense Arquivado 15 de abril de 2013 en Wayback Machine., Conferencia Episcopal Española, 16 de decembro de 2011. (en castelán)
- ↑ "El obispo dirige a los fieles una carta por el derecho a la vida" (en castelán). 6 de abril de 2013. Arquivado dende o orixinal o 01 de xullo de 2013. Consultado o 28 de maio de 2013.
