Lista de episodios de Game of Thrones

Game of Thrones é unha serie de televisión de fantasía medieval creada por David Benioff e D. B. Weiss. A serie está baseada na saga de novelas A Song of Ice and Fire do autor George R. R. Martin. A historia ten lugar nos continentes ficticios de Westeros e Essos e é unha crónica das loitas de poder entre diferentes familias nobres que se disputan entre elas o Trono de Ferro dos Sete Reinos. A serie comeza cando a Casa Stark, lidearada por Lord Eddard "Ned" Stark (Sean Bean), é involucrada nas loitas de poder arredor do rei Robert Baratheon (Mark Addy).

A serie estreouse o 17 de abril de 2011, a través da canle HBO. David Benioff e D. B. Weiss exerceron como produtores executivos, xunto con Carolyn Strauss, Frank Doelger, Bernadette Caulfield e George R. R. Martin. A rodaxe produciuse en numerosas localizacións, incluíndo Croacia, Irlanda, Irlanda do Norte, Islandia e España. Os episodios foron emitidos cada domingo ás 9:00 pm (hora oriental estadounidense), e teñen unha duración de entre 50 e 81 minutos.

A serie rematará coa oitava tempada, que se estreou o 14 de abril de 2019 e consta de seis episodios. Os episodios da serie, gañaron numerosos premios, incluíndo tres premios Emmy á mellor serie dramática.

Tempadas

Tempada		Episodios	Emisión orixinal
			Inicio	Final
	1	10	17 de abril de 2011	19 de xuño de 2011
	2	10	1 de abril de 2012	3 de xuño de 2012
	3	10	31 de marzo de 2013	9 de xuño de 2013
	4	10	6 de abril de 2014	15 de xuño de 2014
	5	10	12 de abril de 2015	14 de xuño de 2015
	6	10	24 de abril de 2016	26 de xuño de 2016
	7	7	16 de xullo de 2017	27 de agosto de 2017
	8	6	14 de abril de 2019	19 de maio de 2019

Lista de episodios

Tempada 1 (2011)

Artigo principal: Game of Thrones (tempada 1).

N.º (serie)	N.º (temp.)	Título orixinal Título en galego	Director(es)	Guionista(s)	Data da estrea	Audiencia en EE. UU. (millóns)
1	1	"Winter Is Coming" «Achégase o inverno»	Tim Van Patten	David Benioff e D. B. Weiss	17 de abril de 2011	2.222
O rei Robert Baratheon de Westeros viaxa ó Norte para ofrecerlle ó seu vello amigo Ned Stark, Gardián do Norte e Señor de Winterfell, o posto de Man do Rei. A muller de Ned, Catelyn, recibe unha carta da súa irmá Lysa que implica a membros da familia real no asasinato do seu marido Jon Arryn, a anterior Man do Rei. Bran, un dos fillos de Ned e Catelyn, descobre á raíña Cersei e ó seu irmán xemelgo Jaime tendo relacións sexuais. Mentres tanto, ó outro lado do mar Angosto, o príncipe exiliado Viserys Targaryen forxa unha alianza para recuperar o Trono de Ferro: dará á súa irmá Daenerys en matrimonio ó salvaxe dothraki Khal Drogo en troques do seu exército.
2	2	"The Kingsroad" «O Camiño Real»	Tim Van Patten	David Benioff e D. B. Weiss	24 de abril de 2011	2.202
Logo de aceptar o seu novo rol como Man do Rei, Ned parte cara King's Landing coas súas fillas Sansa e Arya. Jon Snow, o fillo bastardo de Ned, diríxese ó Muro para unirse á Night's Watch. Tyrion Lannister, o irmán máis novo da Raíña, decide non ir co resto da familia real ó sur e acompaña a Jon na súa viaxe ó Muro. Viserys segue agardando o seu momento de gañar o Trono de Ferro e Daenerys centra a súa atención en aprender como gustarlle ó seu novo esposo, Drogo.
3	3	"Lord Snow" «Lord Neve»	Brian Kirk	David Benioff e D. B. Weiss	1 de maio de 2011	2.438
Ned únese ó Consello Privado do Rei en King's Landing, a capital dos Sete Reinos, e descobre a mala administración que sofre Westeros. Catelyn decide ir de incógnito ó sur para alertar ó seu esposo dos Lannister. Arya inicia o seu adestramento coa espada. Bran esperta trala súa caída e non lembra nada. Jon adéstrase para adaptarse á súa nova vida no Muro. Daenerys comeza a asumir o seu rol como khaleesi de Drogo e enfróntase a Viserys.
4	4	"Cripples, Bastards, and Broken Things" «Tolleitos, bastardos e cousas rotas»	Brian Kirk	Bryan Cogman	8 de maio de 2011	2.451
Ned busca pistas para tratar de explicar a morte de Jon Arryn. Robert celebra un torneo na honra de Ned. Jon toma medidas para protexer a Samwell Tarly, outro recruta da Garda da Noite, dos abusos do resto dos seus compañeiros. Viserys, frustrado, enfróntase á súa irmá. Sansa soña cunha vida como raíña de Joffrey. Catelyn, de camiño a Winterfell, acode ós aliados do seu pai para prender a Tyrion ó crer que é o culpable do intento de asasinato de Bran.
5	5	"The Wolf and the Lion" «O lobo e o león»	Brian Kirk	David Benioff e D. B. Weiss	15 de maio de 2011	2.58
Robert e Ned discuten sobre como deben manexar a alianza entre a familia Targaryen e os dothraki. Catelyn leva a Tyrion ata Eyrie, a casa da súa irmá Lysa. As novas da captura de Tyrion chegan a King's Landing e Jaime esíxelle respostas a Ned.
6	6	"A Golden Crown" «Unha coroa de ouro»	Daniel Minahan	Jane Espenson, David Benioff e D. B. Weiss	22 de maio de 2011	2.444
Viserys ameaza á súa irmá Daenerys diante de Drogo cando este se nega a pagar a débeda, polo que morre a mans do dothraki. Ned goberna dende o Trono de Ferro mentres o rei Robert sae de caza, e descobre o segredo que Jon Arryn averiguou antes de morrer.
7	7	"You Win or You Die" «Gañas ou morres»	Daniel Minahan	David Benioff e D. B. Weiss	29 de maio de 2011	2.396
Ned enfróntase a Cersei pola morte de Jon Arryn. Un ferido Robert nomea a Ned rexente ata que o seu fillo Joffrey sexa maior de idade. Ned pide axuda a Littlefinger para asegurar a cooperación da Garda da Cidade en caso de que os Lannister non colaboren e revela que Joffrey non é fillo de Robert, senón de Jaime, o que converte a Stannis Baratheon, irmán máis vello de Robert, no verdadeiro herdeiro. Porén, Littlefinger traiciona a Ned e este é apresado e os seus homes son asasinados. Jon toma os votos da Night's Watch. Drogo convoca ó seu exército para invadir Westeros tras descubrir que Robert conspiraba para envelenar a Daenerys.
8	8	"The Pointy End" «Polo lado da punta»	Daniel Minahan	George R. R. Martin	5 de xuño de 2011	2.715
Robb convoca ós bandeirizos do seu pai para ir no seu rescate. Sansa suplica a Joffrey para salvar a vida de Ned. Jon e a Night's Watch prepáranse para enfrontarse a un antigo inimigo do outro lado do Muro. O exército de Drogo marcha cara aos Sete Reinos.
9	9	"Baelor" «Baelor»	Alan Taylor	David Benioff e D. B. Weiss	12 de xuño de 2011	2.664
As familias Stark e Lannister prepáranse para combater entre eles. Tyrion leva ós seus aliados bárbaros á batalla, mentres que Robb e Catelyn negocian para obter a axuda de Lord Walder Frey. Con Drogo moribundo debido a unha ferida infectada, Daenerys utiliza a maxia dunha maegi para salvarlle a vida. O mestre Aemon revela a Jon o seu parentesco cos Targaryen e o prezo da lealdade, xa que este está preocupado polos eventos que non concirnen ó Muro. Nun último intento para salvarse a súa vida e a das súas fillas, Ned confesa falsamente a súa conspiración e declara a Joffrey como o lexítimo herdeiro ó Trono de Ferro. Joffrey mándao decapitar sen ter en conta a súa declaración.
10	10	"Fire and Blood" «Lume e sangue»	Alan Taylor	David Benioff e D. B. Weiss	19 de xuño de 2011	3.041
Trala execución de Ned, os norteños proclaman a Robb como o seu Rei. Con Jaime capturado polos Stark, Lord Tywin Lannister asigna ó seu fillo Tyrion como Man do Rei para manter a Joffrey e a Cersei baixo control. Jon abandona o seu posto no Muro para vingar ó seu pai, pero os seus amigos perségueno e convénceno para que quede. A Night's Watch parte a unha expedición máis aló do Muro. O fillo nonato de Daenerys morre e Drogo queda en estado vexetativo debido á maxia da maegi traidora. Incapaz de soportar a ruína do seu marido, Daenerys acaba coa súa vida e prepara unha pira funeraria na que queima á maegi viva xunto co corpo de Drogo e os seus tres ovos de dragón. Ademais, ela mesma entra na pira e cando esta se apaga Daenerys atópase sa e salva, acompañada por tres dragóns acabados de nacer.

Tempada 2 (2012)

Artigo principal: Game of Thrones (tempada 2).

N.º (serie)	N.º (temp.)	Título orixinal Título en galego	Director(es)	Guionista(s)	Data da estrea	Audiencia en EE. UU. (millóns)
11	1	"The North Remembers" «O Norte non esquece»	Alan Taylor	David Benioff e D. B. Weiss	1 de abril de 2012	3.858
Robb continúa a súa guerra contra os Lannister e o seu irmán Bran, quen goberna Winterfell na súa ausencia, comeza a ter soños nos que é un lobo. Tyrion chega a King's Landing para axudar ó rei Joffrey coma a súa Man. Stannis alíase coa sacerdotisa Melisandre e reclama o trono do seu finado irmán Robert. Daenerys e o seu khalasar recorren o deserto. Jon e os seus irmáns xuramentados chegan ó Torreón de Craster para descubrir por que os salvaxes están a abandonar as súas aldeas.
12	2	"The Night Lands" «As terras da noite»	Alan Taylor	David Benioff e D. B. Weiss	8 de abril de 2012	3.759
Tyrion acusa a Cersei de terse gañado a antipatía dos seus súbditos e desterra ó Muro a Janos Slynt, comandante da garda de King's Landing, quen seguía as ordes da raíña. Arya revélalle a Gendry a súa verdadeira identidade. Theon regresa a Pyke e descobre os plans do seu pai para proclamarse Rei das Illas do Ferro. Davos recruta ó pirata Salladhor Saan para a causa de Stannis. Sam intenta axudar a Gilly, unha das esposas e fillas de Craster.
13	3	"What Is Dead May Never Die" «O que está morto non pode morrer»	Alik Sakharov	Bryan Cogman	15 de abril de 2012	3.766
Tyrion artella varias alianzas matrimoniais. Catelyn Stark vai ó campamento de Renly Baratheon e trata de forxar unha alianza. O mestre Luwin intenta descifrar os soños de Bran.
14	4	"Garden of Bones" «Xardín de ósos»	David Petrarca	Vanessa Taylor	22 de abril de 2012	3.654
Joffrey castiga a Sansa polas vitorias do seu irmán Robb e Tyrion manda espiar a Cersei. Catelyn Stark pídelles a Stannis e a Renly que, como irmáns que son, esquezan as súas diferenzas e se unan contra os Lannister. Daenerys e o seu khalasar chegan á cidade de Qarth. Arya chega a Harrenhal.
15	5	"The Ghost of Harrenhal" «A pantasma de Harrenhal»	David Petrarca	David Benioff e D. B. Weiss	29 de abril de 2012	3.903
Renly é asasinado na súa tenda por unha sombra escura en presenza de Catelyn e Brienne de Tarth. Theon dirixe un exército de homes do ferro ata a Costa Pedregosa. Jaqen H'ghar faille unha promesa a Arya. Jon e os seus irmáns xuramentados, que partiron á terra alén do Muro, chegan á fortaleza coñecida como Puño dos Primeiros Homes e intentan deter o avance dos salvaxes. Tyrion descobre unha arma segreda para defender King's Landing.
16	6	"The Old Gods and the New" «Os deuses antigos e novos»	David Nutter	Vanessa Taylor	6 de maio de 2012	3.879
Theon entra en Winterfell declarándose príncipe da rexión. Arya recibe unha sorpresa inesperada e elixe a súa segunda vítima. Jon atopa dificultades ó intentar executar a unha moza salvaxe. Sansa, Tyrion e outros membros da corte despiden á princesa Myrcella e ó regreso son sorprendidos por unha multitude anoxada. Daenerys leva a cabo negociacións erradas cos señores adiñeirados de Qarth e descobre que ten máis inimigos dos que cría.
17	7	"A Man Without Honor" «Un home sen honra»	David Nutter	David Benioff e D. B. Weiss	13 de maio de 2012	3.694
Theon organiza unha partida de caza en busca de Bran e Rickon. Jon recibe varias sorpresas de parte de Ygritte. Tywin Lannister comeza a busca do asasino de Ser Amory Lorch. Daenerys descobre quen roubou os seus dragones. Tyrion presencia un momento de debilidade de Cersei. Jaime Lannister intenta escapar do campamento dos Stark.
18	8	"The Prince of Winterfell" «Un príncipe de Winterfell»	Alan Taylor	David Benioff e D. B. Weiss	20 de maio de 2012	3.864
Yara Greyjoy chega a Winterfell co obxectivo de facerlle unha proposta a Theon. Jon descobre que Halfhand tamén foi capturado polos salvaxes. Arya traza un plan para escapar de Harrenhal. Daenerys diríxese á Casa dos Eternos. Tyrion prepara o plan de ataque contra Stannis mentres que Cersei se ocupa de manter vivo a Joffrey.
19	9	"Blackwater" «Augasnegras»	Neil Marshall	George R. R. Martin	27 de maio de 2012	3.384
Stannis chega coa súa frota á baía da capital. Cersei, en medio do asedio, amosa unha faceta agochada da súa personalidade. Stannis supera as tropas de Joffrey en dez homes a un. Tyrion acurta a desvantaxe empregando lume valyrio. No punto álxido da situación, Tyrion descobre que os homes de Stannis non son os seus únicos inimigos.
20	10	"Valar Morghulis" «Valar morghulis»	Alan Taylor	David Benioff e D. B. Weiss	3 de xuño de 2012	4.202
Tyrion esperta e descobre que xa non é a Man do Rei e de que moitas cousas cambiarán a partir de agora. Sansa deixa de ser a prometida de Joffrey. Robb casa a escondidas da súa nai. Winterfell é rodeada polos soldados de Robb e os cabaleiros de Theon traizóano e queiman Winterfell. Rickon, Bran e Osha escapan ó Muro para resgardarse de calquera inimigo. Arya e os demais atópanse con Jaqen H'ghar e entéranse de algo impactante. Daenerys vai en busca dos seus dragóns e a maxia escura amósanlle a Drogo e ó seu bebé, pero prefire encontrar ós seus dragóns. Enfróntase co home de maxia escura quen é queimado polos dragóns. Daenerys aprende unha lección e obtén moita riqueza. Jon Snow "únese" ós salvaxes. O capítulo remata cando Sam queda atrás e se atopa cun enorme exército dos "non-vivos", dirixíndose cara ao sur.

Tempada 3 (2013)

Artigo principal: Game of Thrones (tempada 3).

N.º (serie)	N.º (temp.)	Título orixinal	Director(es)	Guionista(s)	Data da estrea	Audiencia en EE. UU. (millóns)
21	1	"Valar Dohaeris" «Valar dohaeris»	Daniel Minahan	David Benioff e D. B. Weiss	31 de marzo de 2013	4.366
Samwell Tarly, o lord comandante Mormont e un grupo reducido da Night's Watch logran salvarse do ataque dos espectros. Jon chega ó campamento dos salvaxes e fala con Mance Rayder. Tyrion ten unha conversa co seu pai e faille unha demanda. Margaery Tyrell comeza a construír o seu camiño como futura raíña. Robb e o seu exército chegan a un devastado Harrenhal. Daenerys desembarca en Astapor e recibe varias sorpresas.
22	2	"Dark Wings, Dark Words" «Ás negras, palabras negras»	Daniel Minahan	Vanessa Taylor	7 de abril de 2013	4.27
Bran Stark atopa dous novos acompañantes no seu camiño ó Muro. Sansa conversa con Olenna Tyrell, quen lle pide que lle diga a verdade sobre Joffrey. Shae comunícalle a Tyrion a amenaza que significa lord Baelish para Sansa. Os salvaxes continúan a súa marcha cara ao sur, ó igual que os superviventes da Night's Watch. Robb recibe dúas malas novas e, nas Terras da Coroa, Jaime rouba unha das espadas de Brienne e intenta fuxir.
23	3	"Walk of Punishment" «O camiño do castigo»	David Benioff e D. B. Weiss	David Benioff e D. B. Weiss	14 de abril de 2013	4.724
Catelyn asiste ó funeral do seu pai en Riverrun xunto con Robb. Jon é enviado a unha importante misión xunto con Thormund Mataxigantes. Os superviventes dos irmáns xuramentados chegan á cabana de Craster. Petyr Baelish é enviado a Eyrie e Tyrion debe tomar o seu lugar como Conselleiro da Moeda. Melisandre deixa Dragonstone. Daenerys decide mercar tódolos Inmaculados e para isto fai un trato que lle costará un dragón. Theon, coa axuda dun descoñecido, logra escapar. Jaime intenta mercar ós seus captores, pero as negociacións terminan moi mal.
24	4	"And Now His Watch is Ended" «E agora a súa garda rematou»	Alex Graves	David Benioff e D. B. Weiss	21 de abril de 2013	4.87
Jaime Lannister rouba unha espada e intenta escapar dos seus captores. Varys conversa con Olenna Tyrell sobre o perigo que constitúe Petyr Baelish para todos. Joffrey descobre que non é odiado polo seu pobo e lady Margaery proponlle a Sansa unha unión familiar. No Norte, os superviventes da Night's Watch atacan a Craster. Arya Stark é levada ó agocho da Irmandade sen Estandartes, onde acusan a Sandor Clegane de asasinato. Daenerys entrega un dos seus dragóns en troques do exército de Inmaculados e acaba cos escravistas con el.
25	5	"Kissed by Fire" «Bicada polo lume»	Alex Graves	Bryan Cogman	28 de abril de 2013	5.349
Sandor Clegane é xulgado nun xuízo por combate contra Beric Dondarrion, que case logra vencelo, pero que acaba muerto. Jon Snow enfróntase a Orell nunha discusión sobre as forzas apostadas no Muro e, posteriormente, el e Ygriette teñen sexo nunhas covas. Jaime e Brienne de Tarth chegan a Harrenhal, onde por orde de lord Bolton o primeiro es sandado por Qyburn. Ó ser traizoado por un dos seus abandeirados, Robb Stark vese no dilema entre a súa honra e o seu beneficio. Stannis Baratheon visita á súa muller Selyse e a súa filla, a princesa Shireen. Daenerys chega a coñecer mellor ós seus soldados. Tyrion e Cercei descobren que o seu pai ten pensado un casamento para cada un.
26	6	"The Climb" «O ascenso»	Alik Sakharov	David Benioff e D. B. Weiss	5 de maio de 2013	5,5
Samwell Tarly e Gilly continúan o seu camiño ó Muro. Osha e Meera Reed intentan facer as paces. Melisandre chega ó agocho da Irmandade sen Estandartes e leva prisioneiro a Gendry. Jon e o grupo de salvaxes comezan a difícil escalada do Muro. Robb logra un acordo cos Frey. Sansa descobre con moita angustia quen será o seu futuro esposo. Petyr Baelish descobre que Ros é informante de Varys e envíaa a un destino fatal.
27	7	"The Bear and the Maiden Fair" «O oso e a dona»	Michelle MacLaren	George R. R. Martin	12 de maio de 2013	4.84
Robb Stark recibe unha importante nova da súa esposa. Daenerys conversa cun dos gobernadores de Yunkai. Shae e Tyrion rifan sobre o seu futuro como parella. Melisandre leva a Gendry a Dragonstone. Arya escapa da Irmandade para encontrarse cun temido inimigo. Jon e os salvaxes intérnanse en territorio sureño. Jaime vaise de Harrenhal deixando a Brienne atrás, pero non por moito tempo.
28	8	"Second Sons" «Os segundos fillos»	Michelle MacLaren	David Benioff e D. B. Weiss	19 de maio de 2013	5.15
Arya descobre o lugar ó que Sandor Clegane a leva. Daenerys coñece á compañía de mercenarios dos Segundos Fillos. Os seus líderes formulan un plan para asasinala. Stannis libera a Davos e cóntalle os seus plans sobre sacrificar a Gendry. Tyrion e Sansa únense en matrimonio. No Norte, Samwell enfróntase a un poderoso inimigo.
29	9	"The Rains of Castamere" «As chuvias de Castamere»	David Nutter	David Benioff e D. B. Weiss	2 de xuño de 2013	5,22
Durante a voda de Edmure Tully e Roslin Frey, os Stark pretenden dar un xiro á guerra contra os Lannister. No Muro, a lealdade de Jon Snow será posta a proba e ó outro lado do mundo, Daenerys artella a súa invasión da cidade de Yunkai.
30	10	"Mhysa" «Mhysa»	David Nutter	David Benioff e D. B. Weiss	9 de xuño de 2013	5.393
Tywin Lannister fai anuncio do suceso ocorrido na voda de Edmure Tully á corte do rei. Roose Bolton é proclamado gardián do norte. Jaime e Brienne chegan a King's Landing, Arya e Sandor Clegane atópanse cun grupo de bandidos, Bran e o seu grupo crúzanse con Samwell Tarly, Davos anuncia a Stannis os problemas no muro e Daenerys agarda pola liberación de Yunkai e os seus escravos.

Tempada 4 (2014)

Artigo principal: Game of Thrones (tempada 4).

N.º (serie)	N.º (temp.)	Título	Director(es)	Guionista(s)	Data de estrea	Audiencia en EE. UU. (millóns)
31	1	"Two Swords" «Dúas espadas»	D. B. Weiss	David Benioff e D. B. Weiss	6 de abril de 2014	6,64
Tywin Lannister agasalla ó seu fillo Jaime, novo comandante da Garda Real, unha espada de aceiro valyrio. Tyrion e Bronn reciben ó díscolo príncipe Oberyn Martell, que busca vinganza polas aldraxes pasadas á súa casa. Namentres, Sansa recibe un regalo inesperado de Dontos Hollard. No norte, Ygritte e Tormund reúnense con novos reforzos. No Castelo Negro, Jon Neve é sometido a xuízo polo seu tempo entre os salvaxes. No seu camiño a Meereen, Daenerys descobre que non será ben recibida. Nas Terras dos Ríos, Sandor Clegane e Arya Stark teñen unha liorta con soldados Lannister nunha taberna.
32	2	"The Lion and the Rose" «O león e a rosa»	Alex Graves	George R. R. Martin	13 de abril de 2014	6,31
Ramsay Neve recibe ó seu pai Lord Roose Bolton en Forte Terror. Ó norte do Muro, Bran emprega as súas habilidades como Cambiapeles. En DragonStone, Melisandre ordena queimar vivos nunha fogueira a varios homes de Stannis Baratheon. King's Landing celebra a voda do rei Joffrey Baratheon con Margaery Tyrell.
33	3	"Breaker of Chains" «Rompedora de cadeas»	Alex Graves	David Benioff e D. B. Weiss	20 de abril de 2014	6,59
Tralos acontecementos da voda do Rei, Sansa atopa un aliado para escapar de King's Lnading. Namentres, Tywin Lannister e a súa filla Cersei pretenden condenar a Tyrion. No Norte, Samwell Tarly fai que Gilly se mude a Vila Toupa para manterse a salvo, mentres os salvaxes liderados por Tormund e Styr seguen atacando aldeas. En Dragonstone, Davos Seaworth dá cunha idea para procurar un exército á causa de Stannis. Nas Terras dos Ríos, Sandor Clegane e Arya Stark continúan a súa viaxe cara ao Val de Arryn. Ás portas de Meereen, Daenerys e o seu exército son recibidos polo Campión de Meereen.
34	4	"Oathkeeper" «Gardaxuramentos»	Michelle MacLaren	Bryan Cogman	27 de abril de 2014	6,90
Daenerys captura con éxito a cidade de Meereen entre a revolta dos escravos, e inmediatamente fai xustiza polos nenos escravos mortos, cravando 163 mestres en postes. No mar, Petyr confésalle a Sansa que el foi o responsable de envelenar a Joffrey, malia a súa alianza cos Lannisters. En King's Landing, Olenna tamén lle confía a Margaery que ela foi a que ordenou o envelenamento, e anima a Margaery a facerse coa confianza de Tommen antes de que Cersei o volva en contra dela. Jaime reúnese con Tyrion, e convéncese de que non é culpable. Porén, Cersei está certa da culpabilidade de Tyrion, e ordena aJaime que atope e acabe con Sansa. Pola contra, Jaime encoméndalle a Brienne a misión de procurar e protexer a Sansa, e envía a Podrick canda ela. No Norte, nun intento minar a influencia de Jon, Alliser Thorne e Janos Slynt conspiran contra el envíano nunha contra os renegados da Garda da Noite que ocuparon Craster's Keep. Namentres, Bran e o seu grupo chegan ata Craster's Keep, onde son capturados polos renegados, e Bran é forzado a revelar a súa identidade. Máis ó norte, un Camiñante Branco recolle o derradeiro dos fillos de Craster e lévao a un lugar ritual, onde outro Camiñante Branco ó tocar a faciana do meniño, volve os seus ollos azuis.
35	5	"First of His Name" «O primeiro do seu nome»	Michelle MacLaren	David Benioff e D. B. Weiss	4 de maio de 2014	7,16
Tommen é coroado como rei. Cersei reúnese con Margaery, Tywin e Oberyn, coa esperanza de poñelos da súa parte no vindeiro xuízo contra Tyrion. No Val, Petyr leva a Sansa a Eyrie, onde a presenta como a súa sobriña. Petyr é forzado a casar con Lysa Arryn ese mesmo día. Malia que é hospitalaria con Sansa nun principio, Lysa axiña se volve envexosa con ela, xa que teme que estea a seducir a Petyr. En Meereen, despois de que Jorah Mormont informase do retorno á escravitude de Astapor e Yunkai, Daenerys decide popoñer a súa invasión de Westeros para traer a orde na Baía dos Escravos e proclámase raíña. No Camiño Real, Sandor Clegane descobre a Arya practicando a súa danza da auga, e anóxaa dicíndolle que o seu estilo de loita e mailo seu mestre Syrio Forel son inútiles. No camiño, Brienne descobre que Podrick non ten moita idea de como ser un escudeiro, mais amósase impresionada ó saber que Podrick acabou cun membro da Garda Real para protexer a Tyrion. Alén do muro, o grupo de Jon ataca ós renegados de Craster's Keep. Locke tenta secuestrar a Bran na confusión, pero é asasinado por Bran usando o corpo de Hodor. Bran e o seu grupo continúan a súa viaxe cara ao norte mentres Jon acaba con tódolos renegados e queima Craster's Keep.
36	6	"The Laws of Gods and Men" «Leis de deuses e homes»	Alik Sakharov	Bryan Cogman	11 de maio de 2014	6,40
En Essos, Stannis e Davos chegan a Braavos para pedirlle ó Banco de Ferro que lles conceda un empréstito. Malia que o Banco de Ferro rexeita a súa tentativa nun principio, Davos consegue convencelos a favor da causa de Stannis, ó tempo que recuperan o apoio de Salladhor Saan e o dos outros piratas. En Meereen, Daenerys intenta facer o seu novo papel como Raíña e escoita cada unha das demandas dos seus súnditos, incluída a de Hizdahr zo Loraq e un home cuxas cabras foron cazadas polos cada vez máis incontrolables dragóns de Daenerys. En Dreadfort, Yara lidera un ataque para rescatar a Theon pero non o consegue porque Theon non quere marchar canda ela. Despois de comprobar que Theon converteuse en Reek, Yara dilles ós seus homes que está morto. Ramsay recompensa a Reek pola súa obediencia e, co obxectivo de tomar Moat Cailin, dille que agora ten facerse pasar por alguén que non é: Theon Greyjoy. En King's Landing, Tywin pon prezo á cabeza de Sandor Clegane e indícalle a Varys que continúe a espiar a Daenerys. Ese mesmo día, Tyrion é levado a xuízo polo asasinato de Joffrey. Porén, tódalas testemuñas falan na súa contra, incluíndo a Meryn Trant, Pycelle, Cersei, Varys e, para sorpresa de Tyrion, Shae tamén mente na súa contra. Anoxado e humillado, Tyrion demanda un xuízo por combate.
37	7	"Mockingbird" «Sinsonte»	Alik Sakharov	David Benioff e D. B. Weiss	18 de maio de 2014	7,20
Despois de descubrir que Cersei escolleu a Gregor Clegane como campión no xuízo por combate, Tyrion está desesperado por atopar a algúen que queira loitar por el. Cando Jaime e Bronn rexeitan loitar pola súa causa, Oberyn Martell acepta sen reservas, xa que ve unha oportunidade de vingar a súa irmá. Daenerys ten sexo con Daario antes de envialo a unha misión para deter o rexurdimento da escravitude en Yunkai. Melisandre e Selyse prepáranse para a súa marcha de Dragonstone, e Jon Snow enfróntase con Alliser Thorne pola inminente ameaza dos salvaxes. Arya e Sandor Clegane atópanse no camiño con vellos coñecidos: Rorge e Biter. Clegane é ferido mais non quere cauterizar a ferida porque lle arrepía o lume. Brienne e Podrick encóntranse cun dos vellos compañeiros de Arya, Hot Pie, e entéramse de que está viva e que estivoa coa Brotherhood. Entón deciden viaxar cara ao Val, deducindo que debe estar na procura dos familiar que aínda viven. No Val, Sansa é bicada por Petyr Baelish na neve, espertando a ira da Tía Lysa, quen o presenciou todo. Máis tarde, tenta empurrar a Sansa a través da Moon Door. Porén, Baelish intervén a tempo e empurra Lysa ó baleiro.
38	8	"The Mountain and the Viper" «A montaña e a víbora»	Alex Graves	David Benioff e D. B. Weiss	1 de xuño de 2014	7,17
Os salvaxes chegan a Mole's Town e masacran toda a vila. Gilly é descuberta por Ygritte, que lle perdoa a vida cando descobre ó neno no seu colo. Sam láiase da decicisón de deixar a Gilly nese lugar, xa que pensa que está morta. Ramsay forza a Reek a pretender ser el mesmo, Theon Greyjoy, e ordénalle a que convenza ós Fillos do Ferro a render Moat Cailin. Os Fillos do Ferro réndense coa esperanza de regresar ó seu fogar, pero son esfoladas e masacrados polo exército de Ramsay. Como recompensa por conseguir Moat, Roose lexitima a Ramsay como fillo seu. Máis aló do Narrow Sea, Missandei e Grey Worm manteñen unha tensión sexual entre eles. Ser Barristan recibe unha carta dirixida a Ser Jorah, na cal Jorah é perdoado en Westeros como agasallo por espiar a Daenerys. Despois de que Barristan se enfronte a Jorah, dálle a carta a Daenerys, que ordena a Jorah a deixar Meereen e non volver xamais. No Val, Sansa revela ó consello de investigación da morte de Lysa a súa verdadeira identidade e convénceos da inocencia de Baelish. Fóra das portas do Val, Clegane e Arya son informados da morte de Lysa. En King's Landing, Jaime e Tyrion teñen unha conversa polo combate que se achega. Durante o xuízo, o Príncipe Oberyn gaña vantaxe no combate, mais a súa atención está tan dirixida en obter unha confesión da Montaña, que nun intre desafortunado cambian as tornas. A Montaña toma a vantaxe e esmaga a cabeza de Oberyn mentres confesa. Tywin sentenza a Tyrion a morrer por rexicida.
39	9	"The Watchers on the Wall" «Os vixilantes do muro»	Neil Marshall	David Benioff e D. B. Weiss	8 de xuño de 2014	6,95
A Garda da Noite prepárase para a invasión dos salvaxes. Gilly chega ó Muro pouco antes de que o faga o exército de Mance Rayder. Os salvaxes atacan dende ámbolos lados, cun dos exércitos escalando o Muro, e o exército de Ygritte atacando Castle Black. Despois de que Ygritte e o seu exército conseguisen entrar, comeza unha sanguenta batalla. Os salvaxes intentan entrar a través do túnel baixo o Muro coa axuda de varios xigantes e un mamut, mais son parados por Grenn e outros cinco homes, que morren protexendo o túnel. Alliser Thorne baixa ó nivel principal de Castle Black para loitar, deixando a Janos Slynt ó mando. Porén, Slynt proba ser un incompetente como comandante, e é enganado para que tamén baixe ó nivel inferior, deixando a Jon ó mando. Pyp é alcanzado por unha frecha de Ygritte e morre nas mans de Sam. Despois de ver como Jon acababa con Styr the Thenn, Ygritte prepárase para matalo, pero é disparado por Olly, quen cobra a súa vinganza por ter matado Ygritte a súa familia. Jon sostén a Ygritte nos seus brazos mentres morre. Coa axuda do lobo de Jon, Ghost, a Garda da Noite aegura Castle Black. Os escaladores do Muro son esnaquizados por unha enorme fouce pendurada, que funciona como a arma secreta do Muro. Os salvaxes retíranse, pero, segundo predicións de Jon, non por moito tempo. Non vendo outra opción, vai ó norte do Muro para atopar e matar a Mance.
40	10	"The Children" «Os nenos»	Alex Graves	David Benioff e D. B. Weiss	15 de xuño de 2014	7,09
Jon Snow fala con Mance Rayder, pero as súas negociacións son interrompidas cando Stannis Baratheon e o seu exército irrompen de súpeto na campamento dos salvexes e toman a Mance como prisioneiro. Máis tarde, a Garda da Noite queima os corpos dos mortos mentres Jon queima a Ygritte alén do muro. Bran e o seu grupo chegan ata a Árbore Corazón das súas visións, mais a súa chegada son atacados polos mortos. Jojen morre, mais Bran, Hodor e Meera son salvados por un "Fillo do Bosque" que os leva ata o corvo de tres ollos. En Meereen, Daenerys responde ó desexo dun antigo escravo de ser vendido de novo ó seu amo polo período dun ano. O seguinte cidadán que acode ó seu salón, trae canda si os restos queimados da súa filla pequena, atacada por un dos seus dragóns. Como precaución, Daenerys encadea ós outros dous nas catacumbas. No Val, Brienne e Podrick encóntranse con Arya e Sandor Clegane. Brienne fire mortalmente a Clegane, e Arya consegue escapar. Coa moeda de ferro que Jaqen H'ghar lle deu, Arya merca unha pasaxe nun barco con destino a Braavos. En King's Landing, Cersei ordena a Qyburn que faga todo o que poida por salvar a Montaña. Enfróntase ó seu pai, e ameázao con facer pública a súa relación incestuosa con Jaime se é forzada a casa con Loras. Tyrion é ceibado da súa cela por Jaime, mais atopa a Shae na cama de Tywin e acaba con ela. Despois atopa ó seu pai no retrete e dispáralle coa besta de Joffrey antes de escapar da cidade con Varys.

Tempada 5 (2015)

Artigo principal: Game of Thrones (tempada 5).

N.º (serie)	N.º (temp.)	Título	Director(es)	Guionista(s)	Data de estrea	Audiencia en EE. UU. (millóns)
41	1	"The Wars to Come" «As guerrras por chegar»	Michael Slovis	David Benioff & D. B. Weiss	12 de abril de 2015	8,00
Nun flashback amósase a Cersei de nena preguntándolle a unha adiviña polo seu futuro. En King's Landing, Cersei critica a Jaime por ceibar a Tyrion e provocar indirectamente a morte do seu pai. Namentres, en Pentos, Varys leva a salvo a Tyrion e revélalle o seu traballo secreto xunto con Illyrio Mopatis para levar a Daenerys ó Trono de Ferro. Varys convida a Tyrion a unirse á súa loita e el acepta. En Meereen, os Fillos da Harpía, un grupo de resistencia, asasina a un dos Inmaculados. Danaerys é informada que a misión en Yunkai foi exitosa, os amos entregaron o control a un consello conformado por escravos, pero en troques piden a reapertura das arenas de combate. Máis tarde, visita ós seus dragóns Viserion e Rhaegal pero eles parecen descoñecela e intentan atacala. No Val, Brienne infórmalle a Podrick que no o require máis, xa que a súa misión de buscar ás irmás Stark fracasou, por outra banda, Sansa e Baelish ven como adestra Robyn Arryn antes de marchar a un lugar no que Baelish asegura os Lannister no os atoparán. Stannis pídelle a Jon que convenza a Mance Rayder de axeonllarse ante o rei e entregar o seu exército de salvaxes para atacar Winterfell que está ocupada por Roose Bolton e á súa vez daríalles cidadanía e tierras para vivir. Porén, Mance rexeita a oferta e queimado vivo nunha fogueira. Jon, incapaz de ver como Rayder sofre coas lapas decide darlle unha morte rápida cravándolle unha frecha no peito.
42	2	"The House of Black and White" «A casa de negro e branco»	Michael Slovis	David Benioff & D. B. Weiss	19 de abril de 2015	6,81
En King's Landing, Cersei recibe unha estatua co colar da súa filla Myrcella e Jaime disponse a ir por ela a Dorne, pedindo a axuda de Bronn. No muro, Stannis pídelle a Jon que se axeonlle perante el e lle xure lealdade; en troques será recoñecido como Jon Stark e outorgaráselle Winterfell. Porén, el rexeita a oferta, mentres tanto os irmáns da Garda da Noite elixen o vindeiro Lord Comandante. No Val, Brienne e Podrick atopan a Sansa con Petyr; trala negativa de Sansa de obter protección de Brienne, ela disponse a seguir a súa caravana. En Braavos, Arya chega á Casa de Negro e Branco, pero négaselle a entrada e máis tarde atopa a Jaqen H'ghar. En Dorne, Ellaria pídelle a Doran vingarse da morte do seu irmán Oberyn torturando a Myrcella, pero el termina negándose. Tyrion e Varys comezan a súa viaxe a Volantis. En Meereen, Daario e os Inmaculados atopan un membro dos Fillos da Harpía, pero Mossador asasínao antes de recibir o seu xuízo, polo que Daenerys ordena a súa execución pública. Isto xera un motín entre os amos e os escravos liberados. Pola noite, Daenerys descobre que Drogon regresou a Meereen pero marcha antes de que ela poida tocalo.
43	3	"High Sparrow" «Pardal supremo»	Mark Mylod	David Benioff e D. B. Weiss	26 de abril de 2015	6,71
En King's Landing, Tommen e Margaery casan. Lancel ataca o Septón Supremo, e este en represión pide executar ó líder dos Pardais, o Pardal Supremo, pero tras unha curta reunión persoal, Cersei decide non facelo. Máis tarde, Cersei pide a Qyburn que lle mande unha carta a Petyr. No norte, Roose coméntalle a Ramsay a necesidade de fortalecer o seu exército e pídelle que case. Petyr coméntalle a Sansa que conseguiu unha voda con Ramsay, pero trala súa negación por tratarse da familia que traicionou ós Stark logra convencela asegurándolle que é a oportunidade de vingarse deles. Petyr reitera a súa alianza con Roose, quen ten dúbidas ó saber que lle chega unha carta de Cersei. En Braavos, Arya deixa atrás tódalas súas pertenenzas para converterse en ninguén. En Volantis, Jorah secuestra a Tyrion afirmando que o levará canda a raíña.
44	4	"Sons of the Harpy" «Fillos da Harpía»	Mark Mylod	Dave Hill	3 de maio de 2015	6,82
En King's Landing, Cersei ofrécelle ó Pardal Supremo unha milicia ó servizo dos deuses. Por mor disto, Loras Tyrell é feito preso, acción que fai anoxar a Margaery, quen lle pide desesperadamente axuda ó seu marido, Tommen Baratheon. Pero Tommen non pode logralo sen recorrer á violencia entre a Garda Real e a Milicia da Fe. No Muro, Jon manda varias cartas a Lores do norte para solicitar homes e subministracións para o Muro, incluído Roose Bolton. Melisandre trata de seducir a Jon para convencelo de unirse a Stannis na súa batalla para recuperar Winterfell dos Bolton. En Winterfell, Petyr cóntalle a Sansa sobre a súa tía, Lyanna, e logo infórmalle que marchará a King's Landing por orde de Cersei. En Dorne, Jaime e Bronn conseguen chegar até a costa; mentres Ellaria forma unha alanza coas Cobras de Area (conformada por tres fillas bastardas de Oberyn) para entrar en guerra cos Lannister, tendo como obxectivo Myrcella. Alén do Mar Angosto, Jorah infórmalle a Tyrion que será levado perante a raíña Daenerys e non diante da súa irmá Cersei. Varios membros dos Fillos da Harpía atacan a civís en Meereen, tras unha batalla, Verme Gris é levemente ferido, mentres que Ser Barristan recibe mortais puñaladas.
45	5	"Kill the Boy" «Mata o rapaz»	Jeremy Podeswa	Bryan Cogman	10 de maio de 2015	6,56
No norte, Brienne manda unha mensaxe infiltrada a Sansa. Sansa descobre a presenza de Theon en Winterfell, Roose anuncia o embarazo da súa esposa, Walda. Logo disto, Ramsay séntese ameazado, pero é tranquilizado polo seu pai quen lle pide axuda para a súa próxima batalla con Stannis. No Muro, Jon decide crear unha alianza entre a Garda da Noite e os salvaxes, e malia a negativa dos seus irmáns, Jon decide continuar. Tormund pídelle a Jon que o acompañe a Casa Austera, lugar onde están os salvaxes para que sexa el mesmo quen lles fale da alianza. Á outra beira do Mar Angosto, tralo velorio de Ser Barristan, Daenerys ordena a detención de tódolos líderes das grandes familias. Porén despois das palabras de Missandei, Daenerys decide reabrir as areas de combates e asemade, para manter a paz en Meereen, casar con Hizdahr Zo Loraq. No mar, ó atravesar as ruínas de Valyria, Tyrion ve por vez primeira a Drogon, e despois diso, son atacados por homes de pedra. Jorah descobre despois que foi infectado por estes de psoriagrís.
46	6	"Unbowed, Unbent, Unbroken" «Nunca dobregado, nunca roto»	Jeremy Podeswa	Bryan Cogman	17 de maio de 2015	6,24
En King's Landing, Petyr ofrécese para estar ó mando do exército para arrebatarlle Winterfell a Stannis e ós Bolton. Loras e Margaery son detidos polos pardais por mentir baixo xuramento sobre as relacións homosexuais de Loras. En Winterfell, Sansa acepta casar con Ramsay, e durante a consumación do matrimonio, Ramsay obriga a Theon a ver como viola a Sansa. Ó outro lado do Mar Angosto, Jorah e Tyrion son capturados por escravistas. En Dorne, Jaime e Bronn infíltranse nos Xardíns da Auga, pero antes de poder marchar son emboscados polas Cobras de Area e logo dunha breve liorta son detidos polos gardiáns de Dorne. En Bravos, Jaqen amósalle unha habitación chea de facianas a Arya, onde lle deixa en claro que ela non está lista para converterse en ningúen, pero se noutra persoa.
47	7	"The Gift" «O agasallo»	Miguel Sapochnik	David Benioff e D. B. Weiss	24 de maio de 2014	5,40
En King's Landing, Lady Olenna trata de convencer ó Pardal Supremo de que ceibe ós seus netos, pero non o consegue. Máis tarde, o Pardal Supremo ordena a detención de Cersei tralas confesións de Lancel sobre as súas relacións incestuosas. No Muro, Jon parte a Casa Austera, mentres Sam e Gilly acompañan ó Maester Aemon até a hora da súa morte. Preto do lugar, Davos suxírelle a Stannis regresar ó Castelo Negro, pero Stannis continúa cos seus plans de invadir Winterfell. En Winterfell, Sansa pide a axuda de Theon para poñer unha candea na torre máis alta, pero este cóntalle os plans de Sansa a Ramsay, quen manda desfolar á anciá que lle prometeu axuda. Alén do Mar Angosto, Malko vende a Jorah e a Tyrion a un amo, quen os leva a pelexar ás areas de combates. Alí atópanse con Daenerys Targaryen. En Dorne, Jaime suxírelle a Myrcella regresar, pero ela négase por mor do futuro matrimonio con Trystan.
48	8	"Hardhome" «Casa Austera»	Miguel Sapochnik	David Benioff e D. B. Weiss	31 de maio de 2015	7,01
En King's Landing, pídeselle a Cersei que confese os seus crimes, pero ela négase, e Qyburn revélalle os trocos que se están facendo na realeza tralo seu encarceramento. En Winterfell, Theon confésalle a Sansa que os seus irmáns non foron asasinados por el. Namentres, Lord Bolton prepárase para a batalla ante Stannis. No Muro, Sam revélalle a Olly que Jon traerá os salvaxes para loitar xuntos contra os camiñantes brancos. Ó outro lado do Mar Angosto, Daenerys desierra a Jorah de Meereen e coloca a Tyrion como o seu conselleiro. En Braavos, Arya adopta unha nova identidade e Jaqen pídelle que aprenda todo o que poida da súa primeira vítima antes de envelenala. En Casa Austera, Jon logra convencer a gran parte dos salvaxes para unirse á Garda da Noite en troques de terras, pero durante o traslado son atacados por un grupo de camiñantes brancos. Trala batalla, as persoas que lograron escapar ollan como as persoas mortas se converten en camiñantes brancos.
49	9	"The Dance of Dragons" «Danza de dragóns»	David Nutter	David Benioff e D. B. Weiss	7 de xuño de 2015	7,14
No Muro, a entrada dos salvaxes é permitida no Castelo Negro. No norte, logo dunha emboscada que debilita o seu campamento, Stannis decide facer un doloroso sacrificio para ter a axuda do Deus Vermello. En Braavos, Arya atópase cunha persoa do seu pasado, polo que se desvía da súa misión orixinal. En Meereen, un gran número de Fillos da Harpía ataca ó pobo de Meereen durante a reapertura das areas de combate. En Dorne, Jaime negocia tratos con Doran para poder levar a Myrcella de volta a King's Landing.
50	10	"Mother's Mercy" «Misericordia»	David Nutter	David Benioff e D. B. Weiss	14 de xuño de 2014	8,11
Cersei confesa os seus pecados e é liberada logo de facer unha penitencia. No Norte, preto de Winterfell, Ramsey Bolton e o seu exército masacran o exército de Stannis. Namentres, Theon trata de escapar xunto con Sansa. No Muro, a Garda da Noite asasina a Jon Nieve por creelo un traidor. En Meereen, Jorah e Daario emprenden unha busca para localizar a Daenerys, quen se atopa nun val e é rodeada por un grupo de Dothraki. En Dorne, Ellaria Area envelena a Myrcella antes de partir con Jaime de Dorne. En Braavos, Arya leva a cabo o xogo das caras para unha misión persoal.

Tempada 6 (2016)

Artigo principal: Game of Thrones (tempada 6).

N.º (serie)	N.º (temp.)	Título	Director(es)	Guionista(s)	Data de estrea	Audiencia en EE. UU. (millóns)
51	1	"The Red Woman" «A muller vermella»	Jeremy Podeswa	David Benioff e D. B. Weiss	24 de abril de 2016	7,944
Daenerys é levada cos dothraki. Jaime Lannister chega a King's Landing coa súa filla morta. Sansa consegue fuxir de Ramsay Bolton grazas a Brienne de Tarth
52	2	"Home" «A casa»	Jeremy Podeswa	Dave Hill	1 de maio de 2016	7,286
Bran adestra co Corvo de tres ollos empregando os seus poderes para ver o pasado. En King's Landing, Jaime aconsella a Tommen. Tyrion esixe boas novas, pero dependerá del tomar decisións díficiles como a busca de alianza entre Meereen e o resto de pobos. No Castelo Negro, a Garda da Noite demostra a súa lealdade a Thorne esixindo o corpo de Jon. Ramsay argalla un novo plan, atacar o Castelo Negro.
53	3	"Oathbreaker" «Rompexuramentos»	Dan Sackheim	David Benioff e D. B. Weiss	8 de maio de 2016	7,281
Daenerys faille fronte ó seu futuro no khalasar, mentres que Bran ten que afrontar o pasado, vendo lembranzas do seu pai. Tommen confronta ó Pardal Supremo sobre o encarceramento de Margaery. Arya intensifica o seu adestramento para converterse en "Ninguén" mediante combates coa Nena Abandonada. Varys obtén a resposta que agardaba convencendo a unha prostituta da vila con seguridade. Ramsay recibe un agasallo, unha testa de lobo con Rickon Stark e Osha de parte dos Umber.
54	4	"Book of the Stranger" «Libro do descoñecido»	Dan Sackheim	David Benioff e D. B. Weiss	15 de maio de 2016	7,822
Tyrion chega a un acordo cos escravistas. Jorah e Daario enfróntanse a unha tarefa difícil, ceibar a Daenerys dos Dothraki. Jaime e Cersei intentan mellorar a súa situación.
55	5	"The Door" «O portón»	Jack Bender	David Benioff e D. B. Weiss	22 de maio de 2016	7,890
Tyrion busca unha estraña alianza. Bran descobre un gran suceso en relación á creación dos outros, creando a Hodor no camiño. Brienne diríxese cara a unha misión na busca do Pez Negro. Arya recibe unha oportunidad de amosar a súa valía, mandada a matar a unha actriz que fai de Cersei nunha obra de teatro.
56	6	"Blood of My Blood" «Sangue do meu sangue»	Jack Bender	Bryan Cogman	29 de maio de 2016	6,710
Un antigo inimigo reaparece en escena. Gilly reúnese coa familia de Sam. Arya enfróntase a unha decisión difícil. Jaime confronta ó Pardal Supremo.
57	7	"The Broken Man" «O home esnaquizado»	Mark Mylod	Bryan Cogman	5 de xuño de 2016	7,801
O Pardal Supremo ten un novo obxectivo, mentres Jaime enfronta a un heroe e Arya argalla un plan. Namentres, o Norte lembra.
58	8	"No One" «Ninguén»	Mark Mylod	David Benioff e D. B. Weiss	12 de xuño de 2016	7,600
Mentres Jaime sopesa as súas opcións, Cersei responde a un pedido. El plan de Tyrion rende os seus froitos. Arya enfronta unha nova proba.
59	9	"Battle of the Bastards" «A batalla dos bastardos»	Miguel Sapochnik	David Benioff e D. B. Weiss	19 de xuño de 2016	7,660
Jon Snow e Ramsay Bolton enfróntanse na "batalla dos bastardos" por Winterfell, resultando na derrota de Ramsay grazas á oportuna intervención do exército da casa Arryn comandado por Petyr Baelish. Daenerys emprega os seus dragóns para derrotar ós escravistas e queda cos seus barcos. O exército dothrakii baixo o mando de Daenerys derrota ós fillos da harpía, Theon Greyjoy e a súa irmá únense a Daenerys poñendo á súa dispoción a súa frota de barcos.
60	10	"The Winds of Winter" «Ventos de inverno»	Miguel Sapochnik	David Benioff e D. B. Weiss	26 de xuño de 2016	8,889
Cersei Lannister destrúe con lume valyrio ó Pardal Supremo e á xente que estaba no xuízo, recuperando o Trono de Ferro por mor do suicidio do seu fillo Tommen. Jon Snow e Sansa Stark reúnen as forzas do norte e prepáranse para o invierno. Arya Stark finalmente consegue acabar coa vida de Walder Frey. Daenerys Targaryen emprende o seu camiño cara a King's Landing cunha inmensa frota de barcos, xunto co seu exército, os seus dragóns e Tyrion Lannister como "Man da Raíña".

Tempada 7 (2017)

Artigo principal: Game of Thrones (tempada 7).

N.º (serie)	N.º (temp.)	Título	Director(es)	Guionista(s)	Data de estrea	Audiencia en EE. UU. (millóns)
61	1	"Dragonstone" «Dragonstone»	Jeremy Podeswa	David Benioff e D. B. Weiss	16 de xullo de 2017	10,10
En Twins, Arya Stark envelena ós Frey restantes implicados na "Voda Vermella". En King's Landing, Cersei Lannister e Jaime Lannister tratan con Euron Greyjoy tentando facer unha alianza. En Winterfell, Jon Snow perdoa ós Karstark e ós Umber facendo que lle xuren lealdade, e Sansa Stark advirte a Jon da inminente ira de Cersei. En Oldtown, Samwell Tarly comeza o seu adestrenamiento, e un doente Jorah Mormont pregúntalle pola chegada de Daenerys. Bran Stark chega ó Muro e é recibido por Edd. Sandor Clegane coa Irmandade sen Estandartes refúxiase na casa dun granxeiro. En Dragonstone, Daenerys Targaryen e Tyrion Lannister xunto co seu exército ocupan o castelo abandonado que foi antes habitado por Stannis Baratheon.
62	2	"Stormborn" «Nado da tormenta»	Mark Mylod	Bryan Cogman	23 de xullo de 2017	9,27
Daenerys comeza a artellar estratexias xunto cos seus aliados. Melisandre chega a Dragonstone e pídelle a Daenerys que convoque ó Rei do Norte, Jon Snow. Sam intenta curar de psoriagrís a Jorah. Cersei entabla alianzas cos Tarly. Jon Snow decide acudir á chamada de Daenerys deixando Winterfell en mans de Sansa. Arya decide cambiar o seu rumbo cara a Winterfell, reencontrándose co seu vello amigo Pastel Quente e a súa loba huargo Nymeria. Euron ataca a frota da súa sobriña Yara.
63	3	"The Queen's Justice" «A xustiza da raíña»	Mark Mylod	David Benioff e D. B. Weiss	30 de xullo de 2017	9,24
Jon Snow coñece a Daenerys en Dragonstone. Euron entra triunfal en King's Landing e entrega ás reféns Ellaria e Tyene Sand perante Cersei. Jorah é curado de psoriagrís. Cersei víngase pola morte de Myrcella. Os Inmaculados atacan Casterly Rock, aínda que as forzas dos Lannister abandonaron na súa maioría o castelo para capturar Highgarden, que leva á morte de Olenna Tyrell, non sen antes confesar ante Jaime que matou a Joffrey.
64	4	"The Spoils Of War" «Botíns de guerra»	Matt Shakman	David Benioff e D. B. Weiss	6 de agosto de 2017	10,16
Jon amosa a Daenerys unha cova chea de vidriagón e unhas pinturas rupestres dos Nenos do Bosque sobre os Camiñantes Brancos. Cersei negocia co Banco de Ferro. Arya regresa a Winterfell e atópase cos seus irmáns. Despois de perder a frota de Yara Greyjoy, o exército e o apoio económico de Dorne e Highgarden, Daenerys sae a atacar co seu dragón Drogon ás hostes dos Lannister xunto cunha horda de salvaxes dothrakis.
65	5	"Eastwatch" «Eastwatch»	Matt Shakman	Dave Hill	13 de agosto de 2017	10,71
Daenerys consegue a vitoria e acaba coa familia Tarly. Jorah volve ó servizo de Daenerys. Tyrion reúnese en segredo con Jaime para que convenza a Cersei para loitar contra os Camiñantes Brancos. Cersei revélalle a Jaime que está embarazada. Jon Snow e compañía cruzan de novo o Muro en busca dun non-morto para que o resto do continente lles crea e loiten. Sam abandona Oldtown farto de ser ignorado.
66	6	"Beyond the Wall" «Alén do Muro»	Alan Taylor	Jeremy Podeswa e Mark Mylod	20 de agosto de 2017	10,24
En Winterfell, Sansa e Arya comezan unha disputa por mor de Petyr. Sansa descobre as caras de Arya. Jon e compañía adéntranse alén do Muro até dar cunha horda de Camiñantes Brancos, conseguen capturar a un non-morto pero vense atrapados polo exército. Gendry consegue escapar até o Muro e manda un aviso de socorro a Daenerys. Thoros de Myr morre conxelado tras sufrir unha ferida. Daenerys acode na súa axuda a pesar dos consellos de Tyrion. O Rei da Noite acaba cunha lanza xeada coa vida do dragón Viserion. Daenerys consegue escapar con todos menos Jon, que é salvado polo seu tío Benjen que termina sacrificándose por el. Jon, ferido chega ó Muro e xura lealdade a Daenerys. O Rei da Noite saca o cadáver de Viserion do lago xeado e resucítao como un Dragón camiñante branco.
67	7	"The Dragon and the Wolf" «O dragón e o lobo»	Jeremy Podeswa	David Benioff e D. B. Weiss	27 de agosto de 2017	12,07
En King's Landing, prodúcese unha reunión cos Lannisters. Cersei pídelle a Jon neutralidade na Gran Guerra, pero mantén o seu xuramento a Daenerys, o que provoca que Cersei se vaia. Tyrion reúnese en privado con Cersei, e aparentemente é persuadida para seren aliados. Cersei máis tarde revélalle a Jaime que estaba mentindo e que pretende contratar a Compañía Dourada de Braavos para asegurar o seu dominio en Westeros. Desgustado, Jaime deserta e marcha cara ó norte. Camiño de White Harbor, Jon e Daenerys déitanse. En Dragonstone, Theon gaña o repecto dos seus homes e lidéraos para rescatar a Yara. En Winterfell, Littlefinger sementa a inimizade usando o comportamento ameazante de Arya contra Sansa, que convoca un xuízo. Despois de listar os actos de traizón de Littlefinger contra a Casa Stark e o Norte, Sansa ordénalle a Arya executalo. Samwell chega a Winterfell e encóntrase con Bran, e ambos falan sobre a orixe de Jon. Decátanse de que Jon é un auténtico Targaryen chamado Aegon e que é o verdadeiro herdeiro do Trono de Ferro, xa que os seus pais, Rhaegar Targaryen e Lyanna Stark, casaron en segredo. En Eastwatch, o dragón morto Viserion dana o Muro, permitindo ó exército do mortos marchar cara ó sur.

Tempada 8 (2019)

Artigo principal: Game of Thrones (tempada 8).

N.º (serie)	N.º (temp.)	Título	Director(es)	Guionista(s)	Data de estrea	Audiencia en EE. UU. (millóns)
68	1	"Winterfell" «Winterfell»	David Nutter	Dave Hill	14 de abril de 2019	11,76
Ó chegar a Winterfell cos seus exércitos combinados, Jon e Daenerys descobren que os Camiñantes Brancos atravesaron o Muro e que o Rei da Noite manda o Viserion non morto. En resposta, os señores do Norte e os seus aliados reúnense arredor de Winterfell, mais desconfían de Daenerys e dubidan da promesa de Cersei de enviar reforzos. En King's Landing, Euron regresa de Essos coa Golden Company e incita a Cersei a manter relacións sexuais. Namentres, Qyburn, actuando por orde de Cersei, contrata a Bronn para asasinar a Tyrion e Jaime. Theon rescata a Yara, que parte para retomar as Illas do Ferro. Theon logo marcha cara a Winterfell para axudar a combater o Exército dos Mortos. En Winterfell, Jon reúnese con Bran e Arya, e, co alento de Daenerys, aprende a montar a Rhaegal. Despois de saber que Daenerys executou ó seu pai e ó seu irmán, Sam cóntalle a Jon a súa verdadeira identidade. Tormund e Beric, que sobreviviron á destrución do Muro, descobren a Edd e varios sobreviventes da Night's Watch na sede de Last Umth da Casa Umber, encontrando ocupantes mortos e unha mensaxe do Rei da Noite. O día seguinte, Jaime chega a Winterfell e atópase con Bran.
69	2	"A Knight of the Seven Kingdoms" «Un cabaleiro dos Sete Reinos»	David Nutter	Bryan Cogman	21 de abril de 2019	10,29
Jaime revela o engano de Cersei á alianza Targaryen-Stark e, malia a desconfianza de Danerys e Sansa, únese ás súas forzas logo de que Brienne o respalde. Máis tarde, Jaime discúlpase con Bran por telo paralizado, e Bran afirma que non está anoxado e que xa non son as persoas que algunha vez foron. Tyrion perde o favor de Daenerys polos seus erros, o que fai que Jorah lle pida que o perdoe. Daenerys tenta gañar a confianza de Sansa a través do seu amor mutuo por Jon, mais non ofrece ningunha garantía sobre o destino do Norte. Theon, Edd, Tormund e Beric chegan a Winterfell, e os tres últimos traen novas da caída da Casa Umber. Todo o mundo acepta a regañadentes a suxestión de Bran de que atraiga ó Rei da Noite, que ten a intención de eliminar o Corvo de tres ollos. Gendry remata unha arma especial para Arya, quen despois o seduce. Tyrion, Jaime, Davos, Brienne, Podrick e Tormund comparten unha bebida, durante a cal Jaime nomea cabaleiro a Brienne. Jorah non logra disuadir a Lyanna Mormont de pelexar e recibe a espada da casa Tarley de Sam. Cando o Exército dos Mortos se achega a Winterfell, Daenerys encontra a Jon na tumba de Lyanna Stark e descobre a súa liñaxe e dereito ó Trono de Ferro.
70	3	"The Long Night" «A longa noite»	Miguel Sapochnik	David Benioff e D. B. Weiss	28 de abril de 2019	12,02
O exército dos vivos atópase co exército dos mortos fóra do Winterfell, pero son rapidamente abrumados polos números superiores dos mortos. O exército de dothraki é destruído en poucos minutos, e Edd morre logo de salvar a Sam. A vida apágase no castelo mentres que Melisandre lanza a súa maxia para acender unha barreira protectora de lume que rodea Winterfell para atrasar a horda que avanzaba. Montando a Rhaegal e Drogon, Jon e Daenerys perseguen ó Rei da Noite, que monta en Viserion. Os soldados mortos rompen a trincheira de lume e atacan a Winterfell, escalando as súas paredes. Os defensores están abrumados e dispersos, morrendo Lyanna Mormont e Beric na contenda. Melisandre axuda a Arya a comprender o seu destino. Durante o combate aéreo, Jon e Rhaegal derrotan ó Rei da Noite, que cae ó chan onde Daenerys ordena a Drogon que o queime, pero sen efecto. O Rei da Noite esperta os defensores mortos de Winterfell, incluíndo os mortos Starks sepultados na cripta que atacan ós civís refuxiados. Daenerys salva a Jon despois de que Rhaegal sexa forzado a aterrar, pero Drogon vese obrigado a fuxir por mor dos soldados mortos; Jorah morre defendéndoa. O Rei da Noite chega até Bran, e mata a Theon despois de que el tentase protexese a Bran. Arya salta sobre o Rei da Noite, que a colle pola gorxa, mais Arya conseguele acoitelalo co seu puñal de aceiro valyrio. O Rei da Noite e os seus camiñantes brancos desintégranse, e Viserion e o Exército dos Mortos caen. Co seu propósito servido, Melisandre sae de Winterfell e, retirando o seu colar protector, morre por mor da súa avanzada idade.
71	4	"The Last of the Starks" «O derradeiro dos Stark»	David Nutter	David Benioff e D. B. Weiss	5 de maio de 2019	11,80
Os sobreviventes choran os seus mortos, queimándoos en piras funerarias. Daenerys lexitima a Gendry como Baratheon, e noméao señor de Storm's End. Arya rexeita a proposta de matrimonio de Gendry. Jaime e Brienne convértense en amantes. Para protexer a súa posición como raíña, Daenerys quere que Jon agoche a súa verdadeira identidade. Bronn chega para matar a Jaime e Tyrion por Cersei, pero non o fai en troques de Highgarden. Daenerys quere atacar de inmediato King's Landing, pero o seu consello de guerra non está de acordo. Jon revela a súa ascendencia Targaryen a Sansa e Arya, que xuran gardarlo en segredo. Querendo a Jon como rei, Sansa dillo a Tyrion, quen informa a Varys. Arya deixa Winterfell e únese a Clegane, en dirección ó sur. Tormund dille a Jon que el e os salvaxes volverán ó norte e Jon pídelle que leve a Ghost canda el. Daenerys e a súa frota partiron para King's Landing, mentres que Jon lidera o exército do Norte. A mariña de Euron Greyjoy embosca a frota en Dragonstone, matando a Rhaegal cunha arma "escorpión" máis poderosa e capturando a Missandei. Daenerys considera apoderarse de King's Landing usando o lume do seu dragón. Varys e Tyrion debaten se Jon ou Daenerys son mellores gobernantes. Jaime diríxese a King's Landing despois do ataque de Cersei. Cersei rexeita a demanda de Daenerys de renderse e fai que Missandei sexa decapitada pola Montaña, o que anoxa a Daenerys.
72	5	"The Bells" «As campás»	Miguel Sapochnik	David Benioff e D. B. Weiss	12 de maio de 2019	12,48
Varys quere que Jon tome o Trono de Ferro mais Jon rexeita traizoar a Daenerys. Logo de que Tyrion a informase sobre o plan de Varys, ela fai que Drogon queime a Varys. Daenerys proponse incinerar King's Landing, mais Tyrion conspira con Jaime para render a cidade se Jaime pode convencer a Cersei de abdicar e fuxir en segredo. Como Jaime, Arya e Sandor infíltranse en King's Landing, e Daenerys fai que Drogon destrúa os escorpións, a Frota de Ferro e a Compañía Dourada, permitindo ó seu exército entrar na cidade. As forzas Lannister vense superadas e réndense pero unha Daenerys anoxada ataca a cidade con Drogon, queimando indiscriminadamente soldados e civís. O éxercito atacante segue o seu liderado, masacrando a cidade ó seu paso mentres horroriza a Tyrion e a Jon. Despois de entrar na Fortaleza Vermella, Jaime asasina a Euron Greyjoy, mais é ferido mortalmente. Sandor Clegane e Arya deciden non asasinar a Cersei, e o primeiro encóntrase co seu irmán Gregor, quen mata a Qyburn. Ámbolos dous loitan con fiereza, e os irmáns morren xuntos logo de caer nas lapas. Cersei e Jaime reúnense e foxen, mais os túneles de escape están destruídos bloqueando a súa fuxida. Jon chama retirada mentres os civís morren e King's Landing desaparece nas chamas. Arya, no medio da destrución, apenas consegue escapar da cidade con vida.
73	6	"The Iron Throne" «O trono de ferro»	David Benioff e D. B. Weiss	David Benioff e D. B. Weiss	19 de maio de 2019	13,61
Logo de que King's Landing fose destruída, Grey Worm executa tódolos soldados capturados por orde de Daenerys. Tyrion encontra a Jaime e a Cersei nas ruínas da fortaleza. Daenerys arenga ós Inmaculados e ós dothraki, declarando que ela liberará o mundo enteiro. Denunciando a tiranía de Daenerys, Tyrion rexeita o seu cargo como Man, sendo encarcerado por traizón e agardando a execución. Temendo que Daenerys acabe con Jon e Sansa, Arya e Tyrion dinlle a Jon que o destino de Westeros está nas súas mans. Jon encóntrase con Daenerys, pero ó non poder seguir o seu camiño de tiranía, asasínaa. Doído pola súa morte, Drogon derrete o Trono de Ferro e leva o corpo dela canda si. Tyrion é liberado e alenta a que os futuros monarcas sexan elixidos polos aristócratas de Westeros, no canto de facelo por sucesión familiar. Agás Sansa, que mantén a independencia do Norte, os líderes de Westeros proclaman a Bran Stark de xeito unánime como Bran the Broken, Gobernante dos Seis Reinos. Bran nomea a Tyrion como a súa Man e sentenza a Jon a unirse á Garda da Noite para aplacar ós seguidores de Daenerys. Grey Worm e os Inmaculados parten cara a Naath. Tyrion reorganiza o Consello do Rei con Brienne, Bronn, Davos e Sam para reconstruír King's Landing. Sansa é coroada Raíña do Norte. Arya embárcase a explorar o oeste de Westeros. En Castle Black, Jon únese a Tormund e a Ghost, acompañando ós salvaxes ó norte do Muro.

Véxase tamén

Ligazóns externas

• Páxina oficial (en inglés)